Efees 6:1 - NQAARIIT NE ROOG

¹ Nuun mboƥ ne, wargal nuun mbaambir no Yaal oxe refu yee nu nanan we ndimna a nuun, yaam keene a jofa.

Efees 6:1 Referans Kwoze

Xa peƭit axe 23:22

Nan-gilooxi a faap of fee rimoonga, too ba o xeef a ya of, yaa ta nogoyna.

Xa peƭit axe 6:20

O ƥees, gayi xa as axe faap of, too ba o deɓ a cangin ya of.

Xa peƭit axe 1:8

O ƥees, xaƴi yiif of na fa yar fee daawtoona na faap of too ba o yapatil aqatin ne ya of a aqatinang.

A cangatin ale 21:18

«A soƥangaa koy ee o koor kaa jeg o ƥiy o ngoor onqaa yarooxaƭarna, a andaƭar too nanankee a faap um fa ya um, a refangaa sax ee kaa da nqawin,

A paɗax ale 19:3

Oxuu refna na nuun fat a niw a faap um fa ya um soo a gay bes fee na ñootnax ale. Mi refu o Yaal oxe Roog nuun.

1 Timote 5:4

A soƥangaa koy ee o ñaaw oxe kaa jeg xa ƥiy mbaat xa taan axaa ngeenooxuuna, wiin we no ƥasil neene a mbara o lalit ee kaa ndeefaa a Roog. A mbara o ngeenoox a paax we ngeenoox’ina a den yaaga mbaagoodee dara. Kaaga kaa felna a Roog tigi yoo.

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

Xa peƭit axe 30:17

Oxe na xaadnooxaa a faap um, a saganit o nanan ole helna a ya um, a tooq ake na ƈufnand ake xan a yul a kid um, soo xa ñeek axe na canjiik ale a listir a den.

O leetar ole Pool a bindna GIMU WE NGENNA ROM 7:12

Neene, kebil ke Roog kaa ted, soo kebil ne fa xoox um a ted, a jof, soo a faax.

YEGIL MBAAX NE YEESU ne Lik a bindtuuna 2:51

Maaga, Yeesu a yoona fa den boo Nasaret, too a nanan’a a den. Ya um a geek’a kaaga fop no xeeñ um.

Ke bindeena no xe ne’eena YOB 33:27

Maaga, xan a xaan mbaambir no fop ee: «Bakaad’aam, ɗap a ƭat ale, ndaa Roog dooniraam ke helna na mi.

1 Piyeer 2:13

Yaam o Yaal oxe, njaɓanyo we kelfa’na wiin we, ta ref o maad oxe jegna sañ-sañ fee hupna

Hoose 14:9

Efrayim reeratee dara fo pangool ke. Kaam jaɓaa a qeƭ um soo gayan. Xam ref no ten nen filaawo nequ, na mi xa tim um a ngataa.»

Xa peƭit axe 30:11

Sabab took no we na salooxaa paap den, too ngidimkee ya ke den.

Mberaand 28:7

A ga’a itam ee Yakoob a nanana a faap um fa ya um, soo a ret Padan-Araam.

A kim a tedu ke 19:8

A cangin ale no Yaal oxe jegee sik too kaa dalnaa o laaw. Fa lay no Yaal oxe kaa woor, a ci’aa o and oxe jegeeruuna.

Esteer 2:20

Boo fa ndiik Esteer feeñil’ee me ta faqaqoorna, ne’atiim xeet um, ne Mordokay a heblit’uuna o ten. Esteer a maad’a o nananaa a Mordokay, ne ta nananit’uuna yaaga ta refaa na xa ƥay um.

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

O leetar ole Pool a bindna GIMU WE NGENNA ROM 16:2

Fat nu ndalnin a paax no gon le no Yaal oxe, mbi’tin ne ta warna o refit a ndeer waa mbogna na xeet fee Roog. Ndimle’eenoo no ke refna soxla um fop farna fa nuun. Wiin mayu a nqotta o ndimle na Foybe feene, moƴtaa sax mi feeke.

A kim a tedu ke 119:75

O Yaal oxe, andaam ee ke simtoona a jofa, too wo ɓuru neewandaam.

Mberaand 37:13

Bes, Isra’el a laya a Yoseef ee: «Mee ndax fog faap we wo Sikeem a molku! Gari, bo um lulong maa den!» A doonaan ee: «Iyo!»

Yeremi 35:14

Yoonadab fee o ƥiy Rekab a xañta xa taan um da yer biiñ, too a ngayaan. Boo xaye sax yeree biiñ, yaam a nananaa ke o taan den a heblitna. Mi o mat, layaam fa nuun roog fuu feedna, ndaa nu nan-gilooxiraam.

Nehemi 9:13

Fudooxiidaa took o joong olaa Sinayi, layaa fa den taa took asamaan. Daawnaa a den bargal cofu, a cangin a tiindigil, ke dalnoona fo kebil cegee sik.

1 Sami’el 17:20

No feet olaa, Dawid a inooxa ƥiiɓ teel. A doxna ged le ten o kaynaak o lakas, a jang a toq um soo a ret ne Isay fee faap um a heblit’uuna o ten. A fadiida no saŋe ne, a jopir xiixire we a sutooxiidaa, ndax da njagandooxan a ñoq ale, a njibnaa xa buuq xire.

A kim a tedu ke 119:128

Bargal ke wo fop ne da mbodeena kaa njofooxaam, um sib a ƭat a maamaaɓ ake fop.

Ruut 3:5

Ruut a doonaan ee: «Xam fi fop ke layaxamoona.»

Yeremi 35:8

Kaa i nananaa fop ke o taan in Yoonadab fee o ƥiy Rekab a hebilna a in. I naangee o yeraa biiñ, in oo rew in oo, xa ƥiy xa koor in fo xa tew in oo.

Yeremi 35:18

Cinj kaaga, Yeremi a laya Reerekab we yee: «Keeke o Yaal oxe Roog fee Isra’el Hupna fop a layu: ‹Nu nan-gilooxa kebil ne Yoonadab fee o taan nuun, ngay fop ke ta hebilna, soo mbi fop ke ta simna a nuun.

Mberaand 48:12

Yoseef a inta a den no kuɓay ke faap um, soo a gung a lanq.

Mberaand 50:12

Neene, xa ƥiy axe Yakoob a mbi’a ke faap den a hebil’ina a den.