Efees 5:8 - NQAARIIT NE ROOG

⁸ Yaaga, kaa nu ndeeƭu kam o niɓaan ole, ndaa ndiiki nu ndefata kam a qoolaand ale, yaam ne nu mbogna no Yaal oxe. Ten taxu, ñaaƴityo nen waa mbogna na qoolaand ale.

Efees 5:8 Referans Kwoze

YEGIL MBAAX NE YEESU ne Saŋ a bindtuuna 8:12

Yeesu a dakooxa o lay faan laa yee: «Mi refu a qoolaand adna. Oxuu reefaxama, ñaaƴkee no niɓaan, too xan a jeg a qoolaand o ñoow.»

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

Kolos 1:13

Ten o mat muclu a in no niɓaan o jegu doole le, a ɓek a in no Maat no Ƥeem onqe ta fexna,

YEGIL MBAAX NE YEESU ne Saŋ a bindtuuna 12:46

Kaam gar na adna feeke nen a qoolaand, ndax oxuu gimna na mi, genkee no niɓaan ole.

Efees 4:18

O jeg-yiif den kaa niɓaan tit. Njegee a las a leng no ñoow ole Roog a ci’taa, yaam kaa da ñak-o-and, soo a saƭik a qeeñ lool.

YEGIL MBAAX NE YEESU ne Saŋ a bindtuuna 12:36

Ye a qoolaand ale a refna fa nuun, ngimyo na qoolaand ale, ndax nu ndef xa teɓandoong a qoolaand.» Yeesu a laya keene, soo a ret a ɗas a den.

Esayi 9:2

O Yaal oxe, mayƭandaa xeet fee fa baneex, ci’in o ɗaay o maak. Kaa mbelakinooxaa mbaambir of ne o kiin a felakinoortaa yaa fo a saxad, nen xa ƈeel no waa na lasraa ke da njaɓitna na xire.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

2 Korint 4:6

Roog fee layna yee: «Fat a qoolaand ale a naag dañ kam o niɓaan ole», ten naagu dañ kam a qeeñ in, ndax ta andnoor a in o ndam onqe Roog na meleƈtaa na tagid Kiristaa.

Yeremi 13:16

Ƥoxotyo o Yaal oxe Roog nuun o ndam boo ta helko fo niɓaanaa, soo nu tolof na xa coong axe na kid-a-caɓru ke. Xan nu cungaa a qoolaand ale, ndaa xan a suptin o niɓaan, a fi’in a sisaaƥ.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

YEGIL MBAAX NE YEESU ne Lik a bindtuuna 16:8

O yaal mbind ne a kaña o paɗ o kore’aƭaru xe yaam ne ta fi’’ina nen o kiin o ƈiƴu.» Yeesu a doona teen ee: «Wiin we na jamaane fene moƴu o ƈiƴ mbaambir no gend den ee wiin we na qoolaand ale.

Esayi 2:5

Nuun we xa taan Yakoob, ngaryo i ñaaƴ na qoolaand ale no Yaal oxe.

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

YEGIL MBAAX NE YEESU ne Lik a bindtuuna 1:79

ndax ta xooland we moofna no niɓaan ole fo we ndefna na pelyook fa nqon. Neene koy xan a ɗox a in, i ndeef a ƭat jam.»

2 Korint 6:14

Ba nu mbog kadoor leng fo gimeer we, yaam ndefee yoon nuun we ngelna. Nam boog o cofel ole a waagu o xaariitoorit fo njofaƭar ne? Ndi nam a qoolaand ale a waagu o hiɓoorit fo niɓaan ole?

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

O leetar ole Pool a bindna GIMU WE NGENNA ROM 2:19

Kaa o doon a xoox of o ƭooɗox no fuul, ref a qoolaand no we ndefna kam o niɓaan ole,

YEGIL MBAAX NE YEESU ne Saŋ a bindtuuna 1:9

A qoolaand aleene koy reeƭu a tiindigil ale andoona yee kaa gar a xooland o kiin oo kiin ye ta rokiidna na adna.

Mace 4:16

xeet feene moofna no niɓaan ole a nga’a a qoolaand a maak. Took no waa moofna kam a pelyook ale na fa nqon fee, a qoolaand a yoɗooxa.»

Esayi 49:9

lay we ndameena yee: ‹Sutooxyo!›, soo we ndefna no niɓaan ole, o lay a den ee: ‹Mbeeñyo!› Xan a mbaag o suuf kam a ƭat ale too xan a njeg xa suufand na xa coong axe naangna halit.

Galati 5:25

A soƥangaa yee Yiif le Roog cooxu a in o ñoow, fat i nqaƴin ta ɗox a in boog.

O leetar ole Pool a bindna GIMU WE NGENNA ROM 1:21

yaam kaa da and a Roog boo a ƈut, soo a mbañin o ƥoxot o ndam nen a Roog, ne’katiim koy da ngidman. Kaa kuuc, a mo mir kam a qalaat den, soo a qeeñ den ake mbofeerna o and o leng, a ndiim kam o niɓaan.

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

Esayi 42:16

Xam ñaaƴnoor fuul we na ƭat alaa da and’eerna, ɗox a den na qal akaa da mos’eerna o ndeef. Xam suptan a den o niɓaan ole a qoolaand, soo a qalnqaluuƈ ake, um fodrand a den. Keene refu ke um fadinkaa, too dakooxkiim teen a cinj.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

A pi ake 17:30

Roog ɗeetatee camaane ke wiin we a ndeeƭna no ñak-o-and. Ndiiki koy, oxe xoyaa wiin we na adna fee fop, da mbes pakaad den a cinj,

A kim a tedu ke 74:20

Dami ngiɓoor of fa in, yaam fo mbiñ fo niɓaanu ne no saax le kaa may fo xa lunq no saasaay.

Esayi 50:10

Oxuu saɗarna o Yaal oxe fat a nan-giloox o ñuxur no tag um! Oxuu na ñaaƴaa no niɓaan ole too a ñak a qoolaand, fat a doon a koolax um no gon le no Yaal oxe, a damloox na Roog um!

Mace 3:8

Saqyo boog a pi akaa lalitna yee nu mbesa pakaad nuun a cinj.

YEGIL MBAAX NE YEESU ne Saŋ a bindtuuna 12:35

Yeesu a laya a den ee: «A qoolaand ale miñkatee dara a ndeer nuun. Yaaga koy, ñaaƴyo ye nu maadna o njegaa a qoolaand, ndax o niɓaan ole ɓislooxkee a nuun. Oxe na ñaaƴaa no niɓaan kat, andee me ta jofaa.

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

Kolos 1:12

ngidmaa a Faap fee fo o ɗaay, ten fee fi’na nu mbaag o mbog no lam ne no tedu we ndefna na qoolaand ale.