Efees 5:6 - NQAARIIT NE ROOG

⁶ Ba o leng a nax a nuun fo fa lay fa njegee xoox, yaam tooñ nandu neene na taxkaa fuux le Roog a dal took no we mbañuuna o nanan.

Efees 5:6 Referans Kwoze

O leetar ole Pool a bindna GIMU WE NGENNA ROM 1:18

Fuux le Roog a feeñta na asamaan, a sufoox took no wiin we yaam njofaƭar den fo a pi a paaxeer den, den we na uuptaa ndigil ne paaxeer ke.

Mace 24:4

Yeesu a doona a den ee: «Mbootooxyo o kiin a nax a nuun,

Kolos 2:8

Mbootooxyo o kiin a laxadit a qoox nuun xa peƭeñeŋke mbaat ta nax a nuun, a suttaa a ƭelem um no mbaax no wiin we fo na cangin akaa layteerna a Kiristaa, ndax a ngat na adna.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

Kolos 3:6

Keene o mat na taxaa fuux le Roog a dal took we nanaƭarna.

Mark 13:5

Maaga, Yeesu a refa no layaa a den ee: «Mbootooxyo o kiin a nax a nuun,

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

1 Piyeer 2:8

A refata itam «ɓil le na tolofnooraa wiin we fo ɓil maak le na fanqaa a den.» Kaa mbaɓan fo a caf den, yaa da nananeerna fa lay fee Roog, too no keene sax a njagandan’e.

2 Tesalonik 2:3

Ba nu njaɓ o kiin a nax a nuun no kuu ta waagna o ref. Boo ñaal neene a helko fo garaa koy, xan a soƥ wiin mayu a siiknoor fa Roog, soo mbir ne no njofaƭar ne a feeñ, ten fee jagandaneena a saŋkax ale.

Kolos 2:4

O nanangaa um layaa keene, kaa bugiim o leng a laxad a qoox nuun fo mbel-o-ɗek,

Mark 13:22

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor fo comlaand, ndax da nax we Roog a jilna sax, a mbaagangaan.

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

A kim a tedu ke 78:31

fuux le no Yaal oxe a biltooxa took den, ta war we moƴ’ina o njeg doole na den, a maaf mbes ke Isra’el.

Hebre 3:19

Ten taxu i nga’a yee njeg’ee a ñootnax aleene yaam ngimaƭar den.

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.

Yeremi 29:31

«Lulti o layanel fop we ƥiseena took o hup doole yee: ‹Keeke o Yaal oxe a layu na Semaya fee genna Nehelam: Semaya a yegna a nuun padafuleer, too lulinum, a riñ a nuun nu ngooloox xa maaƥ.

2 Maad we 18:20

Foogaa moos ee fa lay fa ƥor a waaga o ref o as fa doole fa nqire’ir. Ndiiki koy, an hoolooxo boo saɗ o siiknoor fa mi?

Yeremi 27:9

Nuun koy, ba nu nan-giloox duleer we nuun, ɗeet we nuun, ɗaaɗaaɗ we nuun, maɗag we nuun, ñaañango we nuun, den we na layaa a nuun ee: ‹Nu ndagooxkee o maad oxe Babilon.›

Yeremi 37:9

Mi o Yaal oxe, mexe layaa a nuun ee: Ba nu nax a qoox nuun, mboog ee Kaakalde we xan a ndet, a ngoƭ a nuun, yaam ndetkee.

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.