Efees 5:33 - NQAARIIT NE ROOG

³³ Kaa koy, a wara na nuun itam: O kor oxuu refna a wara o fex o teem, ne ta fexitna a xoox um, too o tew oxuu refna itam a wara o niw o kor um.

Efees 5:33 Referans Kwoze

Efees 5:22

Nuun rew we, fat oxuu refna na nuun a jaɓan o kor um ne nu njaɓanitna o Yaal oxe.

Efees 5:25

Nuun gor we, fat oxuu refna na nuun a fex o teem, ne Kiristaa a fexitna o fog ole no gimu we boo a ɓoxotanin o ñis um.

Kolos 3:19

Nuun gor we, fat oxuu refna na nuun a fex o teem, a fañin o fofan o njaaku kam.

Esteer 1:20

Yaa kebil of neene a nannooxkaa kam xa kox axe no maat yaaju ne wo fop, xan o tew oxuu refna a nanan o kor um, da ndef wiin maak mbaat fo mboƭomsogor.»

Hebre 12:9

Mee ndax i njega paap kaa na yaraa a in na adna feeke, too kaa i niwaa a den. Xar na taxkaa boog i nanankee a Faap in fee refna na asamaan, ndax i njeg o ñoow.

1 Maad we 1:31

Maaga, Batseeba a dalfooxa o gooknoox, a gung a lanq mbaambir o maad oxe, a lay ee: «Yaasam o maad Dawid fee o yaal es a ñoowaa boo faw!»

A kim a tedu ke 45:11

Ndoog, rungi nof of, ɗeet too nan-giloox a paax. Weecti xeet of fo mbind faap of.

Efees 5:32

Keene ndigil kunpa’u yoo naa jegna o njiriiñ, too a feeñlel kam a pind akeene. Na las es koy, ga’aam ee leng kut oo a ndeer Kiristaa fo o fog ole no gimu we.