Efees 5:3 - NQAARIIT NE ROOG

³ Nuun, na xeet fee Roog nu mbogu. Ten taxu nu ndeyee o moof, layeel kaa jofna no ceeq mbaat no caasaay mbaat na yuxum a paaxeer.

Efees 5:3 Referans Kwoze

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

Efees 5:5

Fat nu yeg fo and ee oxe na seeqaa mbaat oxe na saasaayaa, jegkee muk a las no Maat ne Kiristaa, refna ne Roog. Oxe fexna xaaliis deyaand o ne, yaam o fex xaaliis refu faɗooxaa ke refeerna Roog.

1 Tesalonik 4:3

Ke Roog a bugna kañ refu nu ted, too nu mbootoox ceeq.

1 Korint 6:18

Ƈufyo ceeq! A jega pakaad lakas kaa ndefeerna no cer, ndaa oxuu rokna no ceeq, cer um sax sax a tooñu.

1 Tesalonik 4:7

Yaam Roog xoyee a in, i mbi’aa caasaay, ndaa ndax i ted.

1 Korint 6:13

Ngaaf taxu o fud, o fud a refan ngaaf, ndaa ƭik ke fop, xan Roog a muuk a den. Njer koy sakanaand ceeq, ndaa kaa refan o Yaal oxe, o Yaal oxe a refanin.

Efees 5:12

O moof laytaa ke wiin weene a mbi’aa na kunpa sax kaa sednoox.

Mace 15:19

Yaam a qalaat a paaxeer ake fo barir ke fo ceeq ke fo pesanir ke fo kuuƭ ke fo seede paaxeer ke fo a ben ake fop, no xeeñ a inooraa.

Mbeeñil 2:21

Ci’aanum maa ta fesitna pakaad um a cinj, ndaa bugee o fes a cinj ceeq ne ta fi’aa.

1 Korint 10:8

Ba i ndok no ceeq, ne leng-leng na den a ndokit’ina teen boo a tax Roog a warnoor no ñaal leng kut wiin cuni qarɓeen ƭik fo wiin cuni tadik.

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

1 Korint 5:1

A jega ceeq naa um nanaa a ndeer nuun. O ñoowooƭ o nandu neene, we andeerna a Roog sax saqkiran, yaam a reta boo o leng na nuun a geekataa o tew faap um.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

A sutax ale 20:17

Yaawkiro mbind no kend of. Yaawkiro o tew no kend of mbaat surga um mbaat o mbindaan um mbaat qoox um mbaat o faam um mbaat tig lakas kaa ta jegna.»

Mbeeñil 9:21

Wiin weene koy, mbes’ee a cinj barir fo pan fo ceeq fo kuuƭ.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Hebre 12:16

Ba o leng a ref saasaay, too ba o leng a niwaƭar ke jofna na Roog. Neene Esawu a fi’’u boo a jikoox a las taaw ale ten yaam a put a leng soom.

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

Tiit 2:3

Jangni itam a nogoy ake da lalit o tedel no ñoow den, a mbañ o ƥanjaa lakas we, a yer a fañ o adin a den. Kaa mbar o njangnaa moxolaare teɓ ke paaxu,

2 Timote 3:2

Xan wiin we a ƈufanaa a qoox den, xaaliis rek a ref xaariit den, da ndoon a qoox den maa da mbadeerna, a nga’atinoox, a mbenaa a Roog, a mbañ o nanan we ndimna a den, a ndef giñ-a-weec. Xan a ndef waa mbugeerna a ƭat Roog,

A pi ake 15:20

Kaa koy, fat i mbind a den, da mbootoox ñaamel qoolaƭaru ke sadaxeena ke refeerna Roog, a mbaas ceeq, a mbootoox o ñaam med fo fo’oy itam.

A sutax ale 18:21

Jili ndeer xeet fee fop wiin deyu waa saɗarna a Roog, a saɗ ndigil, a mbañ oxaa gerna a den. No wiin juni wuu ndefna fo no wiin teemeed wuu ndefna fo no wiin qarɓeen ƥetik wuu ndefna fo no wiin xarɓaxay wuu ndefna, dodi o leng no weene jiloona, ta adooxan a den.

2 Piyeer 2:14

Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.

2 Piyeer 2:10

We na ndeefaa paaxeer ke cer den a yaawaa, Roog a moƴkaa o xaw, den we saɗareerna katil um. Jaajangin maamaaɓ weene mbitee dara. Kaa nduqwaƭar, too saɗaree o mben we njegna o ndam na asamaan sax.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

Tiit 1:7

Kaa o aa-adax a war o ñak ƥanjel, nen oxe Roog a hoolooxna boo a doxnan. Baa ref oxaa ndigil um soom a giñna mbaat ta mat xeeñ. Waree o ref itam oxaa a yer a adinna mbaat ta may balu-balu, xaaliis a waagin o ɓek no andand.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

1 Timote 2:10

Kaa koy, fat a tokax den a ref a pi a paax, ne rew waa na ndagooxaa a Roog a mbarna o nand.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

O leetar ole Pool a bindna GIMU WE NGENNA ROM 16:2

Fat nu ndalnin a paax no gon le no Yaal oxe, mbi’tin ne ta warna o refit a ndeer waa mbogna na xeet fee Roog. Ndimle’eenoo no ke refna soxla um fop farna fa nuun. Wiin mayu a nqotta o ndimle na Foybe feene, moƴtaa sax mi feeke.

O leetar ole Pool a bindna GIMU WE NGENNA ROM 6:13

Ba nu ƥoxot ke mbogna no cer nuun, ndax da njalan bakaad, nen calir kaa na ndimaa njofaƭar. Kaa koy, ndeɓooxyo nuun fa qoox nuun na Roog, nen waa suqtiteena na fa nqon, too a ñoowaa. Ƥoxotyo a Roog itam ke mbogna no cer nuun, da ndefik calir kaa na ndimaa o cofel.

O leetar ole Pool a bindna GIMU WE NGENNA ROM 1:29

a may muut fo njofaƭar nuu refna, a soxod, a ngalaf, a mbi’aa paaxeer, a may fo ciis, a mbarraa, a nqasraa, a ƈiƴtiraa, a layraa cageer, soo a ñu’raa.

A pi ake 20:33

Waaƭ’iim xaaliis mbaat wurus mbaat tikoorik no kiin o leng.

YEGIL MBAAX NE YEESU ne Lik a bindtuuna 16:14

Farisiya we a nan-gilooxa fa lay fee Yeesu fop, too kaa nqaadnooxoogun, yaam ne da mbex’ina xaaliis.

Mise 2:2

Kaa yaawaa xa qol soo a njaɓ a den, a yaaw pind soo a ndoon teen o ɓay. Kaa toroxandaa o kiin fo mbind um, o kiin fo lanq ke ta lamna.

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Xa peƭit axe 28:16

O kelwaar oxe moƴna o ɓaataa lukit jegee yiif, oxe na fañaa a pi a paaxeer o mat kaa ɓaataa xa yeng um.

A kim a tedu ke 119:36

Joobni xeeñ es farna fo fa lay of, ndaa baa ref no ke ta ƴufanaa.

A kim a tedu ke 10:3

O soxodu xe kaa fakoortaa a yuxum o laaw um. Oxe na ƴufanaa o jeg o xooleer kaa salooxaa o Yaal oxe soo a xaadnooxan.

1 Sami’el 8:3

Xa ƥiy xa ƭaq axe Sami’el koy, ndeef’ee o jaf um. Kaa mbex’u xaaliis bo ta hup, a njaɓ o ngerel soo a ngate’taa naa jofeerna.

Yosuwe 7:21

kaam ga’’u no cangale ke sabadoor mosu naa inoorna Sine’aar fo xa monjong teemeed ƭik xaaliis fa nqoolu fo muul wurus laa o meɗel um a fi’na liibar, yaaw a den lool soo xot a den. Ndiiki koy, owaay ɗasnuuma, gas a den ndeer ee ndeer ƭiif es, xaaliis fee a adoox.»

A lim ale 25:1

Ii-isra’el we a ngenooga Sitiim. Maaga goor we na xeet fee a njimbooxa no ceeq fo roog Moomowaab we.

A sutax ale 23:13

Ngayyo fop ke layuuma a nuun. Ba nu ƈufginoox roog lakas ke. Kaam ee ba o leng a nanat a nuun nu ne’aa a kon den.»

1 Timote 6:10

No fex xaaliis, paaxeer kuu ndefna a ngataa. A jega koy waa andoona yee owaa njegan, a ngoƭ o ngim onqe, soo a yenan a qoox den no coono kaa o leng a saɗeerna o ga.

YEGIL MBAAX NE YEESU ne Lik a bindtuuna 12:15

Yeesu a laya a den ee: «Yetooxyo too mbootoox o mbeq halal, yaam o ñoow no kiin refee no jeg halal, kuu ta mayna may halal oo.»

A paɗax ale 15:18

Boo o koor fo o tew a mbondooxna, den ɗik fop fat a ƥogdoox. Yaqankee koy, xan a nqoolaƭar boo no yaar olaa.»