Efees 5:29 - NQAARIIT NE ROOG

²⁹ O leng mosee o sib cer um, ndaa kañ kaa ñoowdandan, soo a topatooxan, ne Kiristaa a fi’antan cer um ke ndefna o fog ole no gimu we.

Efees 5:29 Referans Kwoze

Efees 5:31

Ten taxu a Pind a Tedu ke a laya yee: «Fat o koor a xaƴ a faap um fa ya um, a hiɓoor fo o teem, too den ɗik xan a ndefat njer leng kut.»

O baawaare xe 4:5

Fanxoy fee na kongomaa xa ƥay um, xoox um a saŋkaa.

Xa peƭit axe 11:17

O kiin oxe na fi’aa paax xoox um a fi’anan, oxe na fi’aa a ƭom-yedar o mat cer um sax sax a ñagadilaa.

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

Mace 23:37

«Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokatta xa ñeek um yoora a nafir um, too nu mbañ!

O leetar ole Pool a bindna GIMU WE NGENNA ROM 1:31

Kaa nqon a yiif, ndeyaand o ngooloox, a ñak o njek fo o liir.

Heseki’el 34:27

Taxar ke na koƥ ale xan a ndim soo lanq ke a njeg saxadel. Xan a ñoowaa no woor kam o fiisel den, too xan a and ee mi refu o Yaal oxe, yaa um ɓolkaa a celem ake no kadoor ke den soo wat a den no ɓay no we da ndagooxaa.

Mberaand 2:23

Maaga, o koor oxe a laya yee: «No jaf leeke de, ga’aam oxe hatna na xa kiiƈ es, a saq njer leng kut ne saquuma. O tew a ne’keel, yaam no koor a hatu.»

Mace 6:26

Ƭeetyo tiiƭ ke na asamaan andoona yee nduufkee, saxadkee, ngeerkee tus no tap, too Faap nuun fee na asamaan a ñoownaa a den. Ndax kaa nu moƴee o njeg a den o njiriiñ?

Efees 5:28

Neene boog, o kor oxuu refna a wara o fex o teem, ne ta fexitna cer um. Oxe fexna o teem, xoox um sax sax a fexu.

Efees 5:30

Kaa refee yee in ndefu a seek ake no cer ke ten!