Efees 5:26 - NQAARIIT NE ROOG

²⁶ Kaa fi’it neene, ndax ta tedlandin a cinj ye ta xoolandtuuna foofi fo fa lay,

Efees 5:26 Referans Kwoze

YEGIL MBAAX NE YEESU ne Saŋ a bindtuuna 15:3

Me nu ndefna sax nu nqoola yaam fa lay fee nu nanitna na mi.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

YEGIL MBAAX NE YEESU ne Saŋ a bindtuuna 3:5

Yeesu a doonaan ee: «No ndigil, no ndigil, mexe layang ee: O kiin waagee o rok no Maat ne Roog, too rimtaand foofi fo Yiif le Roog.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

Efees 6:17

Njaɓyo a muc ale Roog, ta ref o maxanda xire nuun. Njaɓyo itam fa lay fee Roog, refna laƥ ne no Yiif le ten.

1Saŋ 5:6

O ten o mat oo, Yeesu Kiristaa, ten reefu na foofi fo fo’oy, refee yee na foofi soom, ndaa na foofi fo fo’oy. Yiif le Roog refna ndigil a seede’anaan.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

Hebre 10:10

Yaam ne Yeesu Kiristaa a fadinna ke Roog a bugna, i nqoolande no pakaad ke in na pexey njer um ne ta ɓoxotna nen sadax jaf leng kut.

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

Hebre 9:14

A reftangaa neene, nam fo’oy le Kiristaa a moƴitkeerun o waag o fi! Na pexey Yiif le na refkaa boo faw, a ɓoxota a xoox um a Roog nen sadax fa njegee sik. Fo’oy um xan a xooland a qeeñ in na pi a qonu ke, ndax i mbaag o njalan a Roog fa ñoow jok fee.

A pi ake 22:16

Ndiiki koy, xar o cungaa? Inooxi, too batiise’el, ndax pakaad of a ƥogel yaa o ƴufginooraa gon le ten.› »

1 Piyeer 1:2

Roog Faap fee kaa jil a nuun, yaam kaa yuuɓ’un no mberaand naa, ndax nu kesel na pexey Yiif Tedu le, nanan a Yeesu Kiristaa, soo nqoolandtel fo’oy le ten. Yaasam yirmande fa jam a mayƭandel took nuun!

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.

A pi ake 26:18

Xam lulong ndax o wet a kid den, sutit a den no niɓaan ole, ɓisiid a den na qoolaand ale, sutit a den na sañ-sañ fee Saytaane, da ngar me Roog. Neene, a ngimangaa na mi, xan a ndaaw a baasan ale no pakaad ke den, a ndaaw a las ale we mbogna na mi a njegna.› »

YEGIL MBAAX NE YEESU ne Saŋ a bindtuuna 17:7

Ndiiki, a andata yee ke cooxaxamoona fop na wo a hatu,

Heseki’el 16:9

Ɓogaaxoong na foofi, forit fo’oy le wo reeƭna took of, soo ɗuumong diwliin fa mbelu tuñ.

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

YEGIL MBAAX NE YEESU ne Saŋ a bindtuuna 15:8

Faap es xan a ɓoxotel o ndam, yaa nu mayna fo xa tim. Neene nu ndefitkaa daalbe es itam.

A paɗax ale 8:6

Moyiis a matandiida a Aaroon fo xa ƥeem soo a ɓogid a den.

A paɗax ale 16:30

No ñaal neene xan nu njofoorandel fa mi o Yaal oxe, ƥogdel. Neene, xan nu nqoolandel no pakaad nuun fop mbaambir es.

YEGIL MBAAX NE YEESU ne Saŋ a bindtuuna 13:10

Yeesu a layaan ee: «Oxe ɓogooxna boo a ƴut, ɓog a caf rek a soxla’u, ndax ta xoolatinoox boo qac, too nu nqoola, ndaa koy refee nuun fop.»

O leetar ole Pool a bindna GIMU WE NGENNA ROM 10:8

Ndi xar a Pind a Tedu ke a layu boog? Kaa dee: «Mee ndax fa lay fee, oxey paam of, too oxey no don of fo no xeeñ of sax.» Fa lay feene refu yegnit ne no ngim onqe i mbaare’aa.

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

Hebre 4:12

Yaam fa lay fee Roog kaa ñoow too a saƭik. Ten moƴu o weel saamar. Kaa godaa boo a daaw me o laaw fo yiif a nqetna, a suur boo me a kiɓ cer fo yuur a nqetna. Kaa jaqtaa paax fo paaxeer na pug fo na qalaat no kiin.

Hebre 10:14

Neene, na pexey sadax fa leng kut, a fi’a boo we nqoolandeena no pakaad den a ñak sik boo faw.

Hebre 10:29

Yaaga koy, nam a refitkaa no xe niwaƭarna o Ƥeenqe Roog, a xeef fo’oy le no ngiɓoor ne ta xoolandteena, soo a wenaa Yiif le saqna yirmande? Nu mbaaga o nqalaat a paax ee a qaw ale heluuna na moƴkaa o ɗom,

Hebre 13:12

Ten taxu Yeesu a xonit’u tafil teeru faa, ndax ta tedlandit xeet fee fo’oy um.

2 Piyeer 1:9

Kaa koy, oxuu jegeerna a den, kaa nand fo o puul. Kaa ref oxaa o ga um a raƥna, ta weecit ee Roog a xooland’aan no pakaad um yaaga.

A paɗax ale 14:11

Fat o saasadax oxe na fi’aa ƥogdinax ne a ɓisiid o kiin oxe na ɓogdinooxaa fo tikoorik keene fop mbaambir es, mi o Yaal oxe, no ndokand ne no Ƭiif ne um xetteel.