Efees 5:25 - NQAARIIT NE ROOG

²⁵ Nuun gor we, fat oxuu refna na nuun a fex o teem, ne Kiristaa a fexitna o fog ole no gimu we boo a ɓoxotanin o ñis um.

Efees 5:25 Referans Kwoze

1 Piyeer 3:7

Nuun gor we itam, yaa oxuu refna na nuun a ñoowaa fo o teem, fat a and ee mbindeef naa moƴuuna o neew doole a refu. Niwyo a den nen waa mbarna o lam fa nuun yirmande fee no ñoow ole, ndax dara waagkee o yaq a qeƭ nuun.

Kolos 3:19

Nuun gor we, fat oxuu refna na nuun a fex o teem, a fañin o fofan o njaaku kam.

Efees 5:28

Neene boog, o kor oxuu refna a wara o fex o teem, ne ta fexitna cer um. Oxe fexna o teem, xoox um sax sax a fexu.

Mberaand 2:24

Ten taxu o koor a xaƴaa a faap um fa ya um, a hiɓoor fo o teem, soo da ndefat njer leng kut

Efees 5:33

Kaa koy, a wara na nuun itam: O kor oxuu refna a wara o fex o teem, ne ta fexitna a xoox um, too o tew oxuu refna itam a wara o niw o kor um.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Galati 1:4

O Yaal oxe Yeesu Kiristaa ɓoxotu o ñis um yaam pakaad in, ndax ta mucil a in na jamaane fa mbaaxeer fee ndiiki, ne Roog fee refna Faap in a bugtuuna.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Mberaand 24:67

Isaak a ɓisa a Rebeka no ƭiif naa Saara fee ya um. A xota a Rebeka ta refat o teem, too a bug’aan lool. Neene Isaak a yaaloortu a cinj ye ta ñakna a ya um.

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

YEGIL MBAAX NE YEESU ne Saŋ a bindtuuna 6:51

Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

2 Sami’el 12:3

O ndool onqe koy, o mbaal o leng kut a jeg’u, onqaa ta jik’ina. Kaa topatooxoogu o mbaal onqe, ta maakaa kam mbind um fo xa ƥeem. No ñaamel ke no koor oxeene o mbaal onqe a ñaamoogu, a yeraa na tokol um, ta ɓopan. Kaa fi’’un nen o ƥeem o ndew.

1 Timote 2:6

wuusna o ñis um, ndax ta wat a in, in fop. Neene, ye hap fee a fadna, a cooxta seede yee Roog a buga wiin we fop a muc.

Efees 5:24

Neene, o tew oxuu refna a wara o jaɓan o kor um no kuu refna, ne o fog ole no gimu we a jaɓanitna a Kiristaa.

A kim ale na kim ake 1:11

Xam fi’anong kumooxel wurus kaa mosandteena xaaliis fa nqoolu.