Efees 5:23 - NQAARIIT NE ROOG

²³ Yaam o kor refu kelfa no teem, ne Kiristaa a refitna kelfa no fog ole no gimu we. Kiristaa fee fa xoox um refu o Muumucil oxe no gimu we ndefna cer um.

Efees 5:23 Referans Kwoze

Kolos 1:18

Ten refu xoox le no fog ole no gimu we fop. Ten refu itam mberaandoong ne, a ret jaaniif, a ref taaw fee eetna o sutoor maaga, ndax ta adoox no kuu refna ref.

Efees 4:15

Kaa koy, boo i layaa ndigil ne fo o mbeq, xan i maak no kuu ta refna ref farna fa Kiristaa refna xoox le.

1 Tesalonik 1:10

cungaa yaa o Ƥeenqe ten a inoortiidkaa na asamaan. O Ƥeem onqeene koy, Roog a xontooxnooraan a ndeer no xon we. Ten refu Yeesu fee na wataa a in na qaw ale Roog na garaa.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

1 Korint 6:13

Ngaaf taxu o fud, o fud a refan ngaaf, ndaa ƭik ke fop, xan Roog a muuk a den. Njer koy sakanaand ceeq, ndaa kaa refan o Yaal oxe, o Yaal oxe a refanin.

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

Efees 5:24

Neene, o tew oxuu refna a wara o jaɓan o kor um no kuu refna, ne o fog ole no gimu we a jaɓanitna a Kiristaa.

Mbeeñil 19:7

Fat i mbelakinoox, too ƭaay! Kaam ee, fat i simatin, yaam ngulook ne no Mbaal onqe a fadiida, too o toog um a jagandooxa boo a ƴut.