Efees 5:2 - NQAARIIT NE ROOG

² Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Efees 5:2 Referans Kwoze

YEGIL MBAAX NE YEESU ne Saŋ a bindtuuna 13:34

Mexe cooxaa a nuun kebil nqas: Fat nu mbexir! Kaam ee fat nu mbexrit, ne fextuuma a nuun.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Kolos 3:14

Kupu keene fop, mbapooryo o mbeq, yaam o mbeq refu ngumoor ne na ñaknaa a nuun sik.

2 Korint 2:15

Kaa i ndef nen cuuraay faa Kiristaa a ɓoxotna a Roog, ndefin na Roog kam wiin we njegna a muc ale fo no we na saŋkooxaa.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

1 Korint 16:14

Kuu nu mbi’aa, fat a ref fo o mbeq.

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

1 Piyeer 4:8

Eetyo mbexir a paax a ndeer nuun, yaam o mbeq onqe kaa muuraa pakaad mayu.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

1Saŋ 3:16

Mene i anditkaa o mbeq onqe: Kiristaa a ɓoxota o ñis um yaam in. Ten taxu in itam, i mbara o ƥoxot o ñis in yaam fog in.

Mberaand 8:21

O Yaal oxe a yega tuñ pelu soo a lay no xeeñ um ee: «Salooxkatiim lanq ke muk yaam o kiin, ke xeeñ um a yuuɓaa paaxeer fop oo no ke xotitna no ndeƥandoong um, too saŋikkatiim ke na ñoowaa fop ne fi’it’anuuma.

Mbeeñil 1:5

fo na Yeesu Kiristaa, refna o seede kore’u xe, a ref oxe eetna o xontoox a ndeer no xon we fo o kelwaar oxe no maad we na adna fee! Kiristaa kaa fex a in. A wata a in no pakaad ke in na pexey fo’oy um.

Hebre 9:26

A saxit’angaa naaga, yaaga a coono’kooga a caf a mayu no kaa xoxitna yaa adna a sakeena boo xaye. Kaa koy, na pe a paktu ke no camaane ke, jaf leng kut a feeñooxu, a ɓoxot a xoox um nen sadax, ndax ta forit pakaad ke.

Hebre 9:14

A reftangaa neene, nam fo’oy le Kiristaa a moƴitkeerun o waag o fi! Na pexey Yiif le na refkaa boo faw, a ɓoxota a xoox um a Roog nen sadax fa njegee sik. Fo’oy um xan a xooland a qeeñ in na pi a qonu ke, ndax i mbaag o njalan a Roog fa ñoow jok fee.

1 Timote 2:6

wuusna o ñis um, ndax ta wat a in, in fop. Neene, ye hap fee a fadna, a cooxta seede yee Roog a buga wiin we fop a muc.

Efees 4:15

Kaa koy, boo i layaa ndigil ne fo o mbeq, xan i maak no kuu ta refna ref farna fa Kiristaa refna xoox le.

1Saŋ 3:23

Keeke refu kebil ne ten: Fat i ngim no gon no Ƥeem Yeesu Kiristaa, too mbexir a ndeer in ne ta heblituuna.

1 Timote 4:12

Ba o leng a yaftong ndeƥandoong. Fat o ref o ɗeendoor no we ngimna, ta ref na fa lay of mbaat no ñoowooƭ of mbaat no mbeq of mbaat no ngim of mbaat no qoolel of.

1 Tesalonik 4:9

Soxla’ee nu mbindel kaa farna no ne nu mbarna o mbexrit a ndeer nuun, yaam nu njangtaan na Roog.

Efees 4:2

Neewandooxyo, ƥuuɓ, njeg o muñ, kaam ee ngatliryo fo o mbeq.

Efees 3:17

Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

Galati 1:4

O Yaal oxe Yeesu Kiristaa ɓoxotu o ñis um yaam pakaad in, ndax ta mucil a in na jamaane fa mbaaxeer fee ndiiki, ne Roog fee refna Faap in a bugtuuna.

A paɗax ale 1:17

Cinj kaaga, fat a ɗaañ ndiiƭ ne, a fañin o salit, a doxin took o sadaxand ole, no umb ne na xa cuuƭ axe. Keene xan a ref sadax fa ndoxel faa felna tuñ bo no Yaal oxe.»

A paɗax ale 1:13

Fat a laxadit laaw ke fo a caf ake foofi, soo o saasadax oxe a ɓisloox fop, a doxin took o sadaxand ole. Keene xan a ref sadax fa ndoxel faa felna tuñ bo no Yaal oxe.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

Hebre 9:23

Tig adna ke ndefna nitaale’ir tiindigil ke na asamaan a mbar’e o nqoolandit neene. Yaaga boog, tig tiindigil keene ndefna na asamaan a mbaraan itam, na pexey sadax ke moƴna o mbaax.

Efees 3:19

Ii, yaasam nu mbaag o and o mbeq onqe Kiristaa, ke o leng a moseeruuna mos o waag o and fop oo, ndax nu mayƭandel fo o yaajel ole Roog fop.

O leetar ole Pool a bindna GIMU WE NGENNA ROM 8:3

Ke xoxna kebil ke Moyiis yaam o neew doole le no cer ke in, Roog a fadnaan ye ta luliidna o Ƥeem ŋaƈit, ta ɓoxot o ñis um, ndax ta forit bakaad fee. Kaa heblin ta saq cer nandu nen cer no paabakaad. Neene o mat Roog a xawtu bakaad fee no cer no kiin.

Amos 5:21

«Jegee dara kaa felaxama no toofeen ke nu mbi’anaxam, o xetand nuun a wataam xus nen ƈaq.

A paɗax ale 1:9

Fat o yaal sadax fee a laxadit laaw ke fo a caf ake foofi, soo o saasadax oxe a dox fop took o sadaxand ole. Keene xan a ref sadax fa ndoxel faa felna tuñ bo no Yaal oxe.

Efees 5:25

Nuun gor we, fat oxuu refna na nuun a fex o teem, ne Kiristaa a fexitna o fog ole no gimu we boo a ɓoxotanin o ñis um.

1 Korint 5:7

Ngela ƥogyo pakaad nuun, ndax poɗaxnir kiid ke a mbat, nu ndefat nqiiw nqas. Nu saqatee poɗaxnir sax, yaam Kiristaa refu mbaal in ne wareena na bes fee na Colandax ale.

O leetar ole Pool a bindna GIMU WE NGENNA ROM 4:25

Kaa Roog a ɓoxotin na fa nqon yaam tooñ in, soo a xontooxnoorin, ndax ta jofand a in.

YEGIL MBAAX NE YEESU ne Saŋ a bindtuuna 6:51

Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

O leetar ole Pool a bindna GIMU WE NGENNA ROM 8:37

No keene fop koy, in mbaagu meen na pexey doole Kiristaa fee fexna a in.

A paɗax ale 3:16

Fat o saasadax oxe a dox keene took o sadaxand ole. Neeneer ke fop ñaamel sadaxte kaa ndoxeena a ndefkaa, a mbel tuñ bo no Yaal oxe. Neeneer keene fop o Yaal oxe na jegkaa a den.

A sutax ale 29:18

Cinj kaaga, fat o dox njegel ne took o sadaxand ole, ɓoxotaam o ten, ta ref sadax fa ndoxel. Keene xan a ref na mi o Yaal oxe, sadax fa mbelu tuñ bo.

A sutax ale 29:25

Cinj kaaga, fat o xot a den na xa ƥay den, dox a den took o sadaxand ole took sadax fa ndoxel fee. Keene xan a ref na mi o Yaal oxe, sadax fa mbelu tuñ bo.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

2 Korint 2:14

Yaasam Roog a simatel, ten oxe na ɗoxaa in kili, in we mbogna na qaaj ale maafna na pexey Kiristaa. Ten na fexeyaa boo i mbaag o andnooraa gon um, nen tuñ pelu kaa pictooxna muu refna.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

Efees 5:15

Mbootooxyo a paax boog na ñaaƈnooƭ nuun. Ba nu ndef nen waa ñakna o and ndaa nen jegu o and.

Filip 4:18

Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.

Hebre 8:3

O saasadax o maak oxuu refna kaa dodel ndax ta ɓoxotaa ci’it fo sadax mbaambir Roog. Ten taxu, o saasadax o maak oxe in itam a war’u o jeg kaa ta ɓoxotna.

A cangatin ale 27:6

Fat nu maxit o sadaxand ole no Yaal oxe Roog nuun a ƥil a sexaand, soo ƥoxot o Yaal oxe Roog nuun took o sadaxand oleene sadax toxel.