Efees 5:19 - NQAARIIT NE ROOG

¹⁹ Naangyo saƭakinraa a ndeer nuun fo a kim a tedu, nqaananaa a Roog, mbi’tin itam a kim akaa inoorna no Yiif le Roog. Kaam ee ngimanyo o Yaal oxe, too simatin fo a qeeñ nuun fop.

Efees 5:19 Referans Kwoze

Kolos 3:16

Fat fa lay Kiristaa a gen na nuun, a may muut. Naangyo o njangniraa, maƭooraa no and fo na kim a tedu fo na kim a inooru no Yiif le Roog, nqaananaa a Roog, simatan fo a qeeñ nuun yaam yirmande um fa nuun.

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

A kim a tedu ke 95:2

Fat i ndet mbaambir um, ƥoxotin o ngidim. Fat i soroxole’anin, yoonandtin a kim,

A pi ake 16:25

No yeng o njeek, Pool fa Silaas a nqeɗooga a Roog, a ngimaa a kim a simatir, too lakas waa ndam’eena kaso a nan-gilooxooga a den.

A kim a tedu ke 147:7

Ngimanyo o Yaal oxe a kim a kidmir, nqilmban a Roog in.

Saak 5:13

O leng na nuun a refangaa na coono, fat a ƴufginoox a Roog. O leng na nuun a felakinooxangaa itam, fat a xaanan a Roog.

A kim a tedu ke 62:8

A muc es fo o ndam es na Roog a ngataa. Ten refu ɓil jegu doole es fo njaɓnooxand es.

Esayi 65:14

Dag es xan a sawar tigi boo a ƈeelaa yaam o mbelakinax, ndaa nuun o mat, xan nu mbuuqaa yaam o ƭomel. Xan nu ƭomatooxaa, a qeeñ nuun a ngooy.»

A kim a tedu ke 86:12

O Yaal oxe Roog es, kaam simatang no xeeñ es fop, niwaa gon of boo faw,

Mace 26:30

Cinj kaaga, a ngima a kim a tedu boo a ƈut, soo a ndet no Joong olaa no taxar oliiw kaa.

Mace 15:8

‹Xeet fene xa ton den soom a niwtaxam, ndaa a qeeñ den kaa ngoƭaam.

1 Korint 14:15

Yaaga koy, xar na fi’keel? Xeɗaa fo yiif, xeɗtaa o and, gimaa fo yiif, gimtaa o and.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.