Efees 5:18 - NQAARIIT NE ROOG

¹⁸ Ba nu mbayaa fa biiñ, yaam o luubax soom a ɓekkaa a nuun, ndaa mayyo fo Yiif Tedu le.

Efees 5:18 Referans Kwoze

Xa peƭit axe 20:1

Biiñ kaa ɓekaa o kiin no nqaadnax, a yer a qaaɗu a riñan no may fa lay. Oxe da adinna jegee yiif.

O leetar ole Pool a bindna GIMU WE NGENNA ROM 13:13

Fat i ñaaƴit o jof, yaam in wey na qoolaand ale. Ba i yer a yer a maamu mbaat i ñaam kupu. Ba i seeqaa mbaat i mbi’aa a pi a parƴu fo cer in. Ba i nqasir, too ba i siisraa.

YEGIL MBAAX NE YEESU ne Lik a bindtuuna 1:15

yaam xan a ref o kiin o maak mbaambir no Yaal oxe. Yerkee biiñ mbaat a yer alaa waagna o way o kiin, too boo ta helko fo rimeel, xan a soƥ ta may fo Yiif Tedu le.

Esayi 5:22

Ndaw naqad took no we ndefna a salma-koor na yer biiñ fo we ndefna pir maak no sat a yer a qaaɗu.

1 Korint 5:11

Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.

A pi ake 11:24

Barnabaas koy, o kiin o paax a reeƭu, a may fo Yiif Tedu le fo o ngim. Naaga, wiin mayu a ngimata no Yaal oxe.

1 Tesalonik 5:7

We na ƭaanaa, ɗaaɗaan oo kam o yeng ole, soo we na yeraa a ndef yeeyer kam o yeng ole itam.

YEGIL MBAAX NE YEESU ne Lik a bindtuuna 12:45

Kaa koy, boo ta refna o paɗ oxaa na layaa taa no yiif um ee: ‹O yaal mbind es oxe miñaa a koƥ›, soo a refat no xawaa faɗ we ta doxneena, goor fo rew, a ñaamaa, a yeraa wayaa,

YEGIL MBAAX NE YEESU ne Lik a bindtuuna 11:13

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee na asamaan ci’kee Yiif Tedu le we nqeɗuuna o ten?»

1 Korint 6:10

guuɗ we, we mbuge’na, yeeyer say we, we na mbenaa lakas we fo cublang ke, kaam ee o leng na den lamkee Maat ne Roog.

Tiit 1:6

Fat o fi’in yaa ga’oona o koor o cegee ƥanjel, oxaa damna no teem o leng soom, xa ƥeem a ndef gimu, too ba o leng na den a andtel o late mbaat o yarwaƭar.

YEGIL MBAAX NE YEESU ne Lik a bindtuuna 21:34

«Mbootooxyo boog! Ba a yiif nuun a may fo a ñaam a kupu mbaat fo a yer a kupu mbaat fo a qalam ake no ñoow ole, ndik bes feene a bet a nuun

Esayi 55:1

«Heey! Nuun fop we ngoɗomeena, ngaryo no poofi ke, nu njegangee xaaliis sax oo. Ngaryo, mbaaƭan a qoox nuun kaa nu ñaamna, nqot na biiñ fee fo no fo sis ole, jegee ndabid, ci’it oo.

A cangatin ale 21:20

Fat da lay a den ee: ‹O ƥiy in onqene de, kaa yarooxaƭar soo a andaƭar. A ƭat um yongee no ke i layan, too dara refee o mbaƈ um, a refangee o laawax fo a yer.›

1 Korint 11:21

yaam a mbanuu nu layna yee ten nu nqetanu, mbug o mbogandoor itam ñaamel nuun, oxuu refna na nuun kaa sayooxaa fo o rox um boo fop ñaamkee, ndax weeke a nqeexel, lakas we a ñaam, a yer boo a mbay.

A kim ale na kim ake 1:4

Damaam o ɓay, i ƈufloox! Wo o maad es, ɓekaam na ndok of. Xam ref no ɗaay, felakinoox yaam wo, kañ mbug of ne moƴna biiñ, yaam o bugong a ƭat oo.

Mberaand 9:21

A yera biiñ boo a way, soo a yoq o ƥor kam ƭiif um.

Mace 23:25

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu ƥogdaa took fee na tokol ale fo took fee no roon ole, too yaaga fop oo kam fee kaa may fo kuuɗe fo ke a yuxum a paaxeer ake a ƥisiidna.

Esayi 25:6

O Yaal oxe Hupna fop xan a fi’an qeet ke fop mbumbaay took o joong oleene. Mbumbaay a tegeƴ a neeru a refkaa, a yoon fa biiñ fa mbelu, a ref mbumbaay a tegeƴ a moku fa biiñ fa nqoolu qac.

A kim a tedu ke 69:12

Kaam deroox o saaku, soo da mbi’in a kim.

Mace 24:49

soo a refat no xawaa faɗ we ta doxneena, a ñaamaa yeraa fo yeeyer say we,

A kim ale na kim ake 7:9

Layaam taa kam es ee: «Xam ŋaay no ngeec ne, pok xa tim axe!» Ƭeen ke wo kaa mbelit nen tuunq xa biiñ, xa lus axe wo a safaa nen xa pom,

A paɗax ale 10:9

«Wo fo xa ƥeef, ba nu yer biiñ mbaat a yer a lakas alaa waagna o way o kiin, yaa nu mbugna o ndok no Ƭiif ne um xetteel, yaam ndik nu nqon. Keene xan a ref na nuun fo xa taan nuun kebil naa na refkaa boo kili.

YEGIL MBAAX NE YEESU ne Saŋ a bindtuuna 2:10

soo a layin ee: «Wo o mat, a saax ɓetaa ƭaq a eetaa o cooxit biiñ fa mbaax fee boo yaa fop a ndeyƭooxna, soo da sog o sut fee moƴanna, e soo o moof boo waxtu fene, o sog o sutaa fa mbaax fee!»