Efees 5:17 - NQAARIIT NE ROOG

¹⁷ Ten taxu ba nu ndef ɗof, ndaa andyo o bug ole no Yaal oxe.

Efees 5:17 Referans Kwoze

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

1 Tesalonik 5:18

no kuu ta waagna waag o ref, ngidimyo a Roog, yaam keene Roog a cungaa na nuun, yaam ne nu mbogna fa Kiristaa Yeesu.

Kolos 1:9

Ten taxu in itam, no kaa xotitna na koom alaa i layeena paru na nuun, i nqeɗanaa a nuun a Roog, ndekan a nuun xa ƥay, ndax ta yip na nuun o and o deyu sik, nu mbaag o njekit ke ta bugna, ta yoon fo yiif fo o and no tig Roog.

Efees 5:15

Mbootooxyo a paax boog na ñaaƈnooƭ nuun. Ba nu ndef nen waa ñakna o and ndaa nen jegu o and.

Yeremi 4:22

O Yaal oxe kaa tee: «Xeet es kaa ƥodax, andiraam. Xa ƥiy xa ƭof a ndefu, axaa njegeerna yiif. Kaa mbaane no fi paaxeer, ndaa mbaagee o mbi paax.»

1 Piyeer 4:2

Yaaga koy, no ngap onqe yoqna no ñoow nuun, naangyo o ñoowaa no bug ole Roog, ndaa baa ref no ke wiin we a yaawaa.

Kolos 4:5

A jega waa andoona yee ngimafulee. Kuu nu ndeerna fa den, fat nu ñaaƴnitin fo yiif, mbañ dara no daaw nuun a ref kasaara.

YEGIL MBAAX NE YEESU ne Saŋ a bindtuuna 7:17

Oxuu bugna o fi ke Roog a bugna, xan a and ndax a cangin ale mi na Roog a hatu ndax nam, ndi mi na kañaa kañ a xoox es.

A kim a tedu ke 111:10

O and no saɗar o Yaal oxe a eettaa, fop we njeguuna a njega yiif. A simat no Yaal oxe xan a ref boo faw.

Ke bindeena no xe ne’eena YOB 28:28

Cinj kaaga, a laya o kiin oxe yee: «O saɗar o Yaal oxe refu o and, goƭatir fo paaxeer a ref o jeg-yiif.»

Xa peƭit axe 14:8

O jeg-yiif ole no kiin oxe fodna o mbid refu yee kaa and ke ta fi’aa, panxoy ke mat o ƥodaxel den a naxaa a den.

Xa peƭit axe 2:5

Yaaga xan o andat o saɗar o Yaal oxe, aqatoox o and a Roog.

A cangatin ale 4:6

Fat nu ngay a den ndax nu ndeef a den, yaam meene o and nuun fo o jeg-yiif nuun a refkaa na kid no qeet ke na nankaa bargal keene fop. Xan a lay ee: ‹Xeet fa maak fene mbaagee ñak o ndef xeet fa njegu o and too a njeg yiif!›

Xa peƭit axe 23:23

Jiki ndigil ne, too ba o jikooxin, ten fo o jeg-yiif fo a cangin fo o ƴiƴ.

A kim a tedu ke 119:27

Andnooraam ke bargal of a tekitna, too xam ɓaalaa taa kam es com’andtu ke wo.