Efees 5:16 - NQAARIIT NE ROOG

¹⁶ Njiriiñoorityo o daaw oluu nu njegna, yaam jamaane fee i ndefna felee.

Efees 5:16 Referans Kwoze

Kolos 4:5

A jega waa andoona yee ngimafulee. Kuu nu ndeerna fa den, fat nu ñaaƴnitin fo yiif, mbañ dara no daaw nuun a ref kasaara.

Amos 5:13

Ten taxu, oxuu jegna yiif xan a geekoox, yaam jamaane fee felee.

YEGIL MBAAX NE YEESU ne Saŋ a bindtuuna 12:35

Yeesu a laya a den ee: «A qoolaand ale miñkatee dara a ndeer nuun. Yaaga koy, ñaaƴyo ye nu maadna o njegaa a qoolaand, ndax o niɓaan ole ɓislooxkee a nuun. Oxe na ñaaƴaa no niɓaan kat, andee me ta jofaa.

Efees 6:13

Ten taxu nqotyo ndiiki ƥonax ke Roog fop. Neene, boo andoona yee ñaal mbaaxeer ne a gara, xan nu mbaag o nqox oxe fodna a nuun mbaambir, too saƭik a cinj yaa nu maafna fop.

Galati 6:10

Yaaga boog, ye i maadna o njegaa o daaw, fat i mbi’anaa oxuu refna paax. We i mbarna o moƴ o mbi’anaa paax sax ndefu fog in no ngim onqe.

O baawaare xe 12:1

Wetandooxi o Saasak of yaa fo ndeƥandoong of, boo ñaal taamaala ke a ngelko fo ngaraa, soo xa kiid axe mbeleeroonga a mbadiid,

O leetar ole Pool a bindna GIMU WE NGENNA ROM 13:11

Mbi’yo neene boog, too kaa jolna keene sax, nu anda me jamaane fee a tolooxna. Waxtu fee nu mbarna o yokoox a fadiida. A muc ale a moƴa o matiid a in ndiiki ee ne i ngimit’uuna yaaga.

O baawaare xe 9:10

Kuu waagoona o fi’it doole of, fi’een, yaam kam jaaniif fee o jofaa jegee a pi mbaat a qalaat, o and mbaat o jeg-yiif.

Galati 1:4

O Yaal oxe Yeesu Kiristaa ɓoxotu o ñis um yaam pakaad in, ndax ta mucil a in na jamaane fa mbaaxeer fee ndiiki, ne Roog fee refna Faap in a bugtuuna.

1 Korint 7:26

Kaam lay ee: Ke faaxna no kiin oo kiin refu ta dam no ke ta refna, yaam jamaane fa andand fee i mbaambirna.

A kim a tedu ke 37:19

Sedkee, yaa taamaala a garna, too xan a ngiñ tem, yaa biim a jegna.

Efees 6:15

Fat o bug o yegnitik Yegil mbaax ne na ci’taa jam a ref xa ñaaƭ nuun.

O baawaare xe 11:2

Xaaji o jeg of no fo mbiñ ɓetuu ƭik mbaat sax no fo ɓetuu tadik, yaam andiro taamaala kum na nqewkaa took lanq ke.

Mberaand 29:7

Yakoob a laya a den ee: «Tige kaa maad o ñaalaa, too a koorin cegel fadafulee! Yerinyo a den boog, too ƥaat o nomtoox na xa suufand axaa!»

Dañel 2:8

Kaa koy, o maad oxe a laya a den ee: «Kaa nu miñandaa tige rek, yaam nu anda yee ke hebooxuuma watkee.

Mace 25:17

Oxe jeg’ina xa qanjar xa ƭaq axe itam a reta a rimand waa ten, too a jegata xa qanjar xa ƭaq xa lakas.