Efees 5:15 - NQAARIIT NE ROOG

¹⁵ Mbootooxyo a paax boog na ñaaƈnooƭ nuun. Ba nu ndef nen waa ñakna o and ndaa nen jegu o and.

Efees 5:15 Referans Kwoze

Kolos 4:5

A jega waa andoona yee ngimafulee. Kuu nu ndeerna fa den, fat nu ñaaƴnitin fo yiif, mbañ dara no daaw nuun a ref kasaara.

Saak 3:13

O kiin na nuun a jegangaa o and fo yiif, fat a fi a pi a paax, a laltin na pesoorooƭ um a paax, a pi akaa yoonna fo o ɓuuɓ fo o and.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

Xa peƭit axe 14:8

O jeg-yiif ole no kiin oxe fodna o mbid refu yee kaa and ke ta fi’aa, panxoy ke mat o ƥodaxel den a naxaa a den.

1 Timote 6:9

We na kasaƥ-kasaƥnaa na halal, a naanga o yenaa no mbog fo na yuxum akaa o leng a andeerna xoox um fo a caf um. A yuxum akeene koy na njogolaa wiin we no luubax fo na saŋkax.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Mace 10:16

«Mexe lulaa a nuun nen paal kam xa moon. Fat nu ƈiƴit nen pangool, too ƥuuɓit nen a nuukuur.

1 Tesalonik 5:15

Mbootooxyo o ndabdinoor ƭomu, ndaa naangyo o mbaaƭaa paax a ndeer no gimu we fo a ndeer no wiin we fop.

YEGIL MBAAX NE YEESU ne Lik a bindtuuna 24:25

Maaga, Yeesu a laya a den ee: «Nuun soo ñak a yiif, too xeeñ nuun a niid o gim ke na layeel no duleer we fop!

Galati 3:3

Ndax neene nu ñaktu a qoox? Ye nu mberitna no Yiif le Roog boo ƈut, ndax kaa nu mbugin o muukit na doole qoox nuun?

Ke bindeena no xe ne’eena YOB 2:10

Kaa koy, Yob a doonaan ee: «Kaa o laytaa nen o tew o cegee yiif! Feek i njaɓa ndaawit na Roog paax kañ, i mbara njaɓ o ndaawit no ten paaxeer itam.» No kaaga fop koy, Yob bakaadee na fa lay um.

Hebre 12:25

Yetooxyo boog! Ba nu mbañ o nan-giloox oxe na layaa fa nuun. We mbañ’ina o nan-giloox oxe cooxoogna a den yaaga a maƭax a katu na Roog, ndaɗ’ee a qaw ale. Yaaga boog, i mbaagkee o ndaɗ, yaa i mbesna a cinj oxe fodna took asamaan, a layaa fa in.

Mace 27:24

Yaa Pilaat a ga’na yee ɗaxdee dara, too coow le a moƴ o mayaa, a janga foofi, soo a laxad xa ƥay um mbaambir no wiin waa fop, too a lay ee: «Refiim dara no fo’oy le no cofu xene. Nuun ngadooxun.»

Mbeeñil 19:10

Dalfooxaam o naag giriƥriƥ na caf um ndax um faɗooxin, ndaa a layaxam ee: «Jaɓino o fi! O tag rek refum nen a wo fo nen we fogtoona o ngim na seede’anaa a Yeesu. Roog soom helu o faɗooxel!» Ndigil ne Yeesu a feeñilna na laynooraa duleer we.

Mace 8:4

Yeesu a layaan itam ee: «Wootooxi layin o kiin o lakas. Reti maa no saasadax oxaa, too sadaxit ke Moyiis a hebilna, ndax fop a seede yee xoolaa.»

Efees 5:33

Kaa koy, a wara na nuun itam: O kor oxuu refna a wara o fex o teem, ne ta fexitna a xoox um, too o tew oxuu refna itam a wara o niw o kor um.

2 Sami’el 24:10

A cinj ye Dawid a limna xeet fee, o laaw um a dalfooxa o ref no fiiƭaa. A laya o Yaal oxe yee: «Fi’aam bakaad fa maak, ye fi’uuma keene! Ndiiki koy, o Yaal oxe, waasanaam tooñ neene, mi fee o tag of, yaam kaam fesoor nen o ƭof.»

A sutax ale 23:13

Ngayyo fop ke layuuma a nuun. Ba nu ƈufginoox roog lakas ke. Kaam ee ba o leng a nanat a nuun nu ne’aa a kon den.»

Kolos 1:9

Ten taxu in itam, no kaa xotitna na koom alaa i layeena paru na nuun, i nqeɗanaa a nuun a Roog, ndekan a nuun xa ƥay, ndax ta yip na nuun o and o deyu sik, nu mbaag o njekit ke ta bugna, ta yoon fo yiif fo o and no tig Roog.

Galati 3:1

Cey, Gaagalati ñaku xoox we! An laxadu a qoox nuun? Nu mbetandooxe a paax ne Yeesu Kiristaa a warit’eena na kurwaa boo kaa fi’at sax nen kaa nu maadin.

Mace 27:4

too a lay a den ee: «Bakaadaam ye andoona yee kaam ɓoxot fo’oy fo jegee sik.» Maaga, a ndoonaan ee: «A ƭat in yongee teen. Wo andu!»

Mace 25:2

Ɓetuk na den kaa ƭof’u, soo yoq we a njeg yiif.

A kim a tedu ke 73:22

o ƭof reeƭum, ñak o and, ref nen naak mbaambir of.

Xa peƭit axe 15:21

O ƥodaxel kaa ref o ɗaay no we ndaƥna a yiif, o ƈiƴ oxe mat a ƭat a cofu le a xotaa.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.