Fat i ngidim a Roog boog, yaam i ndaawa maat naa waageerna o yen. Fat i lal a Roog o ngidim onqeene, ten refu i ndagooran naa feluuna. Fat i niwin itam, too njeg no ten caƭar.
O njiriiñ onqum jegu boog no roxondoox a qaw a ƭomu le, yaa fi’oona bakaad? Kaa koy, a refangaa yee kaa nu ndoxondooxan yaa nu mbi’aa paax, yirmande a refu mbaambir Roog.
Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.
A soƥangaa koy ee o ñaaw oxe kaa jeg xa ƥiy mbaat xa taan axaa ngeenooxuuna, wiin we no ƥasil neene a mbara o lalit ee kaa ndeefaa a Roog. A mbara o ngeenoox a paax we ngeenoox’ina a den yaaga mbaagoodee dara. Kaaga kaa felna a Roog tigi yoo.
Xar soxla’um cuuraay faa inoorna Saba fo xeet fa mbelu tuñ laa hatiidna no saax goƭu? Muumeen ke nu ndoxaa took o sadaxand ole mbeliraam, too sadax ke nuun njemiraam.
Daawaam fop boo mexey no jeg tigi. Jegaam itam bo ta dey sik, ye daawtuuma na Epaforodit ke nu lultaxama. A refa ref na mi nen sadax fa mbelu tuñ mbaambir Roog.
Dawid a juuxa itam laƥ ne Sawul no rak um, ta fod took tikoorik ke, soo ta jeem o ñaaƴ fa den, ndaa waag’iran, yaam mos’iran o fi. A laya a Sawul ee: «Waagiim o ñaaƴ fo kene fop, yaam mosinum o jeem sax.» Maaga, Dawid a wola a den fop.
Ndax keene refu koor ne buguuma, ñaal ne o kiin oxe a damna cer um? Yoorin xoox nen xeet, deroox o saaku, wondoox kam ndaw, ndax no ndigil keene nu nqoyaa koor, ñaal naa felna o Yaal oxe?
