Efees 4:9 - NQAARIIT NE ROOG

⁹ A ŋaaya, xar a tektu? Keene kaa tekit ee: Kaa eet o fudoox no qooƭ ke no lanq ke.

Efees 4:9 Referans Kwoze

YEGIL MBAAX NE YEESU ne Saŋ a bindtuuna 3:13

O leng mosee o ŋaay na asamaan, a refangee oxe fudooritna na asamaan, ta ref o Ƥeenqe no kiin oxe genna na asamaan.

Mace 12:40

Ne Yoona a refit’ina no fud liƥ maak boo a jeg ñaal tadik fo xa yeng den, neene o Ƥeenqe no kiin oxe a refitkaa kam lanq ke boo a jeg ñaal tadik fo xa yeng den.

YEGIL MBAAX NE YEESU ne Saŋ a bindtuuna 6:33

Mbuuru ne Roog refu ne fudoorna na asamaan, too adna fop, ta ci a den o ñoow.»

Xa peƭit axe 30:4

Ndi an ŋaayu na asamaan soo a fudoortiid teen? An mupu nqeñ ne na xa ƥay um? An fofu poofi ke no ndoki um? An dalnu cat ke no lanq ke? Nam a ne’e fo nam o ƥeem a ne’e? Layeen, a soƥangaa yee andaano.

A kim a tedu ke 63:9

O laaw es kaa saaƭoox na wo, a ñamaak of a damtaxam.

Hebre 2:9

I ngorooxa kene de: Yeesu a neewand’e, malaaka ke a ngupin boo o ngap, ndax ta xonan wiin we fop yaam yirmande Roog. Kaa koy, i nga’aan ndiiki ta sagoox o ndam fa tedaanga nen o ndip no maad yaam fa nqon fa ƭomu fee ta xonna.

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

A kim a tedu ke 8:5

kaa um laamtooxaa yee: Xar o kiin a refu ref, boo tee kaa o moof xalaman? Ndi, xar o ƥiy Aadama a refu, boo tee kaa o moof topatooxan?

Mberaand 11:5

O Yaal oxe a fudooxiida ndax ta ga teeru fee fo taax-took ne wiin we a maxoogna.

Hebre 2:7

Neewnaano o ngap onqaa malaaka ke a ngupuuna, ci’aano o ndam fa tedaanga da ndef nen o ndip no maad,

YEGIL MBAAX NE YEESU ne Saŋ a bindtuuna 8:14

Yeesu a doona a den ee: «Ke um layanaa layan a xoox es fop oo, a ƭelem es ndigil kak oo, yaam kaam and me inooruuma, and me um jofaa. Nuun koy, nu andee me inooruuma, ne’atiim me um jofaa.

YEGIL MBAAX NE YEESU ne Saŋ a bindtuuna 6:62

Ii, nu nga’angaa o Ƥeenqe no kiin oxe a ŋaay, a nomtooxaa maa ta reeƭna koy?

YEGIL MBAAX NE YEESU ne Saŋ a bindtuuna 6:58

Oxene mat refu mbuuru ne fudoorna na asamaan. Refitkee nen daan we nuun ñaam’ina maan, too yaqanee da nqon. Oxuu ñaamna no mbuuru neeke koy, xan a ñoowaa boo faw.»

YEGIL MBAAX NE YEESU ne Saŋ a bindtuuna 6:51

Mi refu mbuuru ne no ñoow ole hatna na asamaan. Oxuu ñaamna no mbuuru neene koy xan a ñoowaa boo faw. Mbuuru ne um ci’taa koy refu cer es ke um ci’itkaa, ndax adna fee a ñoow.»

YEGIL MBAAX NE YEESU ne Saŋ a bindtuuna 6:41

Yaawuur waa koy, a nqaada a Yeesu, yaam ne ta lay’ina yee: «Mi refu mbuuru ne fudoorna na asamaan.»

YEGIL MBAAX NE YEESU ne Saŋ a bindtuuna 6:38

Yaam ke taxna um inoor na asamaan gar, refee yee ndax um fi ke felaxama fel, ndaa ndax um fi ke felna oxe luliidaxama.

Esayi 44:23

Asamaan, lalti o ɗaay of, yaam o Yaal oxe fi’u keene. Nuun qooƭ ke no lanq ke, mbelakinooxyo. Nuun xa coong axe fo a suungaan ake fo taxar den, mbecooxyo too ndef no ɗaay, yaam o Yaal oxe a wata a Yakoob, a feeñil o ndam um na Isra’el.»

A kim a tedu ke 139:15

Xa kiiƈ es kunpa’irang, ye o moolaxam na pet, sakaxam no fud ya es.

A sutax ale 19:20

O Yaal oxe a fudooxa took o joong olaa Sinayi, a xoyit a Moyiis maaga, too Moyiis a dabaan.

Heseki’el 31:14

Kaa refit neene ndax ndaxar leng naa sooreena a paax, a deyƭoox foofi waagkatee o lawlawin boo a garit kol niɓu ke took soo a xaaƴooraa geel jiig um, yaam taxar ke nen wiin we a njagandane fa nqon, a serel a moocik ɗuga lanq ke, a soƥik maaga we mbondooxna teen.»