Efees 4:6 - NQAARIIT NE ROOG

⁶ Roog fa leng kut jegu, a ref Faap no fop, a maadooxaa took fop, a laltinooxaa no fop, soo a gen no fop.

Efees 4:6 Referans Kwoze

O leetar ole Pool a bindna GIMU WE NGENNA ROM 11:36

Yaam fop no ten a inooru, a sakoor no ten soo a refanin. Roog feene a hela o ɓoxotel o ndam boo faw! Amiini.

1 Korint 8:6

Kaa koy, nuu ta saxitna yoo, na in Roog fa leng soom jegu, ta ref Faap fee sakna fop, a jeg a in. Na in o Yaal o leng kut jegu itam, ta ref o Yaal oxe Yeesu Kiristaa. Ke sakeena fop koy, no ten a reefne, i saktel no ten itam.

Malaki 2:10

«Ndax in fop i mbogee a Faap fa leng? kaam ee ndax Roog fa leng kut sakee a in? Xar taxu boog i ngore’aƭar a ndeer in, yapatilaa neene ngiɓoor ne Roog fo daan we in?

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

1Saŋ 3:24

Oxuu na gayaa kebil ke ten, na Roog a genu, too Roog itam a gena no ten. Mene i anditkaa yee Roog a gena na in: A ci’a a in Yiif le ten.

Mace 6:9

Yaaga koy, neeke nu mbaru o nqeɗtaa: ‹Faap in fee na asamaan, Yaasam gon of a tedleel!

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

1 Korint 12:6

Ke na fi’eel a maya, ndaa Roog fa leng kut fee na fi’aa fop no fop.

A lim ale 16:22

Moyiis fa Aaroon a ngunga a lanq, a lay ee: «Wo Roog, wo fee saqna o ñis no pindel ke fop, ndax bakaad no kiin o leng kut xan a tax o fuuxan mbokatax ne fop?»

Mberaand 14:19

A barke’a a Abram ee: «Yaasam Roog fee Took-ee-took sakna asamaan fo lanq a barke a Abram!

Efees 6:23

Yaasam Roog Faap fee fo o Yaal oxe Yeesu Kiristaa a ci o fog ole fop jam fo o mbeq fo o ngim.

Efees 3:17

Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

Efees 2:22

No ten, nu mboga nuun itam, no we tabaxeena, ndax nu ndefat ngenand Roog na pexey Yiif le ten.

YEGIL MBAAX NE YEESU ne Saŋ a bindtuuna 17:26

Andnooraam a den gon of, too xam gen no andnooran, ndax o mbeq onqe fexaxamoona a ref na den, um ref na den.»

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Esayi 63:16

yaam wo refu Faap in. Abraham fee o taan in andee a in, too Isra’el andee dara na in, ndaa wo o Yaal oxe, wo refu Faap in, wo xe ne’eena yaaga boo fa ndiik «o Baawat in».

A kim a tedu ke 95:3

yaam o Yaal oxe refu Roog fa maak fee, o maad o maak oxe garitna roog ke fop took.

Efees 1:21

Maaga, na asamaan, Kiristaa kaa dalnel took sañ-sañ fuu refna fo maat nuu refna fa katil fuu refna fo ngelfa nuu refna. Kiristaa kaa dalnel itam took gon lakas luu waageena o ne, refee soom na adna fene, ndaa no camaane ke na ngaraa itam.

A cangatin ale 6:4

«Wo Isra’el, nan-gilooxi! O Yaal oxe Roog in soom refu o Yaal oxe.