Efees 4:32 - NQAARIIT NE ROOG

³² Fat o paaxel fo o laabiir a may a ndeer nuun, nu mbaasanraa ne Roog a waasanitna a nuun na Kiristaa.

Efees 4:32 Referans Kwoze

Mark 11:25

Boo nu ngeenooxna ndax nu nqeɗ, nu saqanangaa o kiin tig, mbaasaneenoo, ndax Faap nuun fee refna na asamaan a waasan a nuun tooñ nuun itam. [

2 Korint 2:10

Oxuu nu mbaasanna, waasanaanum itam. Ke waasantuuma, a soƥangaa yee a jega, nuun o mat taxun mbaambir Kiristaa,

Efees 5:1

Nuun we ndefna xa teɓandoong Roog axaa ta fexna, laaleenoo no keene.

YEGIL MBAAX NE YEESU ne Lik a bindtuuna 6:35

Kaa koy, mbexyo fañ nuun, mbi’anaa a den paax, ƥandtaa, too mbañ o yaakaar teen tig. Yaaga, xan ndabid nuun a magin, nu ndef xa ƥiy no xe refna Took-ee-took, yaam a faaxa no gore’aƭaru we fo soxodu we.

YEGIL MBAAX NE YEESU ne Lik a bindtuuna 6:37

«Ba nu ngate’aa wiin we mbaat Roog ñakkee o hate’aa a nuun. Ba nu ƥanjaa o leng mbaat Roog ñakkee o ɓanjaa a nuun. Naangyo mbaasantaa, too yaaga xan Roog a waasanaa a nuun.

1 Korint 13:4

O mbeq kaa muñ, a may fo o paaxel, naagee o siisaa, ga’atinooxee, magnandooxee.

YEGIL MBAAX NE YEESU ne Lik a bindtuuna 17:4

A tooñangaang boo kaa fadna a caf ɓetaa ƭaq no ñaal leng, soo a gar boo a caf ɓetaa ƭaq a layong ee: ‹Fesaam pakaad es a cinj!› fat o waasanin.»

Mace 6:12

Waasani a in tooñ ke in, ne i mbaasantaa we tooñna a in,

A kim a tedu ke 145:9

O Yaal oxe kaa faax no fop, a yirmaa ke ta sakna fop.

1Saŋ 2:12

Nuun xa teɓandoong axe, mexe bindaa a nuun yaam pakaad nuun a mbaasante no gon Yeesu.

O leetar ole Pool a bindna GIMU WE NGENNA ROM 12:10

Mbexiryo a ndeer nuun ne o fog a mbexritaa. Niwiryo, too sawar teen.

1Saŋ 1:9

I mbeejlangaa pakaad in, Roog a gore’a, too a jofa boo a waasanaa a in pakaad ke in, a xoolandaa a in no njofaƭar nuu refna.

2 Korint 2:7

A moƴa faax ndiiki koy, nu mbaasanin, yaalin, ndax moƴkee o mudnoox no njakad.

Saak 5:11

In we layaa yee a ƭaaya, yaam kaa da saƭik’u. Yob o mat, nu nana boo ƈut o saƭkel ole ten. Nu andahina ke o Yaal oxe a coox’uuna cinj ƭeetlax ke ten. No ndigil, o Yaal oxe a yirma wiin we, a naaga o fi’anaa a den paax.

2 Korint 6:6

Kaa i laltaa yee dag Roog i ndefu na pexey o qoolel in fo o and in fo o muñ in fo o paaxel in. Keene refu ke i mbi’aa na pexey Yiif Tedu le fo o mbeq o saƭku nqe in

YEGIL MBAAX NE YEESU ne Lik a bindtuuna 11:4

Waasani a in pakaad in, yaam kaa i mbaasanaa we tooñna a in. Ba o waas a in, i ndok no mbog!»

YEGIL MBAAX NE YEESU ne Lik a bindtuuna 1:78

Roog in kaa may yirmande, too a lewet. Xan a feedin a in a muc ale,

Esayi 57:1

O cofu xe kaa saŋkooxaa, too o liir no leng jaaɓee, gore’u we a ngifeel, too o leng andee yee kaa ngifeel, ndax da ndaɗ taamaala fee.

Xa peƭit axe 19:22

O woor refu ke moƴna no kiin, too ref o ndool moƴu ref o maamaaɓ.

Xa peƭit axe 12:10

O cofu xe a anda ke cegel um a soxla’na sax, kam fee no soxodu xe mat a kaƥaa.

A kim a tedu ke 112:9

Kaa mos kam, a ci’aa rool we, too o cofel um xan a maadaa boo faw. O cok um ole took kam o ndam onqe.

Ruut 2:20

Nowemi a laya o seemir um ee: «Yaasam o Yaal oxe naageerna o sagantaa o paaxel um no ñoow we fo no xon we a barke o koor oxeene!» A ɓaata taaga yee: «O koor oxaaga o pog in tigi yoo. A foga no we mbarna o lam a in.»

2 Piyeer 1:7

no damoox na Roog ole nuun nu nqaariitooraa a ndeer nuun, soo no nqaariitoor ne nuun o mbeq.

A pi ake 28:2

Waa ngen’ina maaga, a njeg’a na in o laabiir o maak. A ngeƥandan’a a in ngañ maak maa i mbaagna o ndaƭoor in fop, yaam tige kaa deɓoogu, soo a yoonit a cogoñ a maak.

2 Sami’el 7:21

Fi’aa boo yegnaam tig magnu keene, mi fee o tag of, ndax o fadin a tegit of fo o bug of.

Xa peƭit axe 19:11

Oxe jegna yiif yooɓee o fuux, qaaƴoor um a ref o ñak o dam tooñ.

Yeremi 38:12

Ebed-Melek a laya a Yeremi yee: «Ŋaƭooxi xa seegit axene fo liir kene na xa naaplaand of, roof xa ƥaak axe ɗuga fee.» Yeremi a fi’a naaga.