Efees 4:31 - NQAARIIT NE ROOG

³¹ Ba nu saqan o leng o njaaku kam mbaat nu mat xeeñ, too ba nu mbuux. Ƈufyo coow fo a ben! Baa coxod leng a ref fa nuun!

Efees 4:31 Referans Kwoze

Kolos 3:8

Ndiiki koy, mbesyo keene fop ndiiñ, mbañ fuux fo mbañir fo coxod fo a ben fo fa lay fa mbaaxeer a sutooraa na nuun.

O baawaare xe 7:9

Ba o yooɓ o fuux, yaam o mat-xeeñ panxoy ke njegun.

1 Piyeer 2:1

Ngoƭatiryo boog fo paaxeer kene: Coxod kuu ndefna fo nqooƭ-nof fo yememaar fo ciis fo ñu.

Saak 1:19

Fog es, fat nu nqaƴ a yiif nuun a paax no ke um layiidaa: O kiin a wara o ñof o nan-giloox, ndaa waree o ñof o lay mbaat ta ñof o fuux,

Kolos 3:19

Nuun gor we, fat oxuu refna na nuun a fex o teem, a fañin o fofan o njaaku kam.

Saak 3:14

Kaa koy, o hañaanangaa lakas we, too xeeñ of mosee, waaƭaa o njiriiñ xoox of soom, yaaga ba o laasoox na tus, too ba o fañ ndigil ne.

Efees 4:26

Boo nu mbuuxna, fat nu mbootoox, yaam ndik nu yen na bakaad. Baa njeeƈ ne a mudit fuux nuun muk.

1Saŋ 3:12

Ba i nand fa Kayin fee fog’ina no paaxeer oxe, boo a xiris o ndeɓ um. Xar tax’u ta warin? Yaam a pi um kaa mbaax’ee, too a pi no ndeɓ um a njof.

A kim a tedu ke 101:5

Oxuu na ñu’aa o kend um, xam saŋkin. Jaɓkiim muk oxe na ɗeettaa nga’yaamoo, oxe magnandooxna no xeeñ um.

Saak 4:11

Fog es, ba nu layanraa paaxeer a ndeer nuun. Oxe na yaqaa ƭool no kend um mbaat ta hate’an, a layana kebil ke Roog paaxeer, a hate’an a den. O hate’angaa kebil ke Roog koy, nananatiro a den, ndaa kaa o fi’ooxanaa a den o kaahate.

Xa peƭit axe 26:20

Xa cuuƭ a mbagangaa, fiɗel a ñuf, o ñuuñu a jegatangee, qasir a mbag.

Tiit 1:7

Kaa o aa-adax a war o ñak ƥanjel, nen oxe Roog a hoolooxna boo a doxnan. Baa ref oxaa ndigil um soom a giñna mbaat ta mat xeeñ. Waree o ref itam oxaa a yer a adinna mbaat ta may balu-balu, xaaliis a waagin o ɓek no andand.

1 Timote 3:11

Neene a waru o refit itam no rew diidimle we. Mbaree o ƥanjaa lakas we. Fat a ngore, a ƥuuɓ, a mbaagel o ngooloox no kuu ta refna ref.

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

Xa peƭit axe 29:22

Oxe matna xeeñ kaa oraa qasir, oxe yooɓna fuux a fi’aa tooñ mayu.

Xa peƭit axe 14:17

Oxe yooɓna fuux kaa fi’aa ƭooɗofir, o yaal yuuƥ paaxeer a qicanaa a xoox um mbañir.

Xa peƭit axe 10:18

Oxe na fofaa o njaaku kam o maamaaɓ oo, oxe na yaqaa ƭool no lakas a fanxoy.

Xa peƭit axe 10:12

Mbañir kaa oraa nqasir, o mbeq o mat a muuraa tooñ ke fop.

1 Timote 5:13

Neene koy, a njegatangee maa da ndamna, xan a ndalfoox o ndef no ndokaa, a sutooxaa. Ndamkee soom no ñak maa da ndamlooxna, ndaa xan a mayat fa lay, a yuuɓanaa lakas we kaa o leng a andeerna, a layaa kaa a ƭat den a yongeerna.

Galati 5:20

fo a cuur pangool fo pan. Kaa taxaa itam wiin we a mbaagraƭar, a nqasraa, a mat a qeeñ, a mbuuxanraa, a ngendandooraa, a nqaajooraa, soo a mbi’aa fo mbokatax fo sayooxu.

1 Korint 5:8

Yaaga koy fat i ndoofand xew feene, refee koy fo poɗaxnir kiid mbaat fee no jeg-nof fo coxod, ndaa fo puuru canja’e, a ndef o ñak-sik fo ndigil.

O leetar ole Pool a bindna GIMU WE NGENNA ROM 3:14

xa ton den a may fo a salax, a nqaaɗ xut,

Xa peƭit axe 25:23

A ƥay foofi kaa ɓisiidaa a teƥ, ɗelem ñuuñu le a gartaa a tagid a kiɓooxu.

Xa peƭit axe 18:8

Fa lay fa yaayaq ƭool kaa xoƴig, a rokaa boo kam laaw ke.

Xa peƭit axe 6:19

o seede maamaaɓ oxe na xayandaa tefee ndigil fo xe na oraa qasir ndeer o fog ole.

A kim a tedu ke 140:11

Fat a kaagaañ a sumu jip a yen took den, da njoorel kam fiɗel, no gamb laa da inooxkateerna boo muk.

A kim a tedu ke 64:3

Guutatirandaam fo faan le no soxodu we, a yaj ale na combolaa, a mbi’aa njofaƭar.

A kim a tedu ke 50:20

Muu moofoona, o ñu’aa o pog of, fuulnaa ƭool no xe fogtoona yaay fa leng.

A kim a tedu ke 15:3

Yaqkee ƭool no lakas we, fi’kee o kend um paaxeer too wenkee o kentand um.

2 Sami’el 19:27

A doonaan ee: «Daali maad, kaa ree o tag es naxaxam, yaam kaam lay’un ee: ‹Humnanaam o faam ole, ndax um ŋaay teen, yoon fo o maad oxe.› Feek a ñaaƈ ale mi felee.

Mberaand 37:4

Maag we ten a nga’a yee faap den ten a moƴ’u o fex ee den fop, soo da mbofanin o njaaku kam. Mbaag’ee muk o lay fo ten pelu.

Mberaand 27:41

Esawu a dalfooxa o fuuxan a Yakoob, yaam barke fee faap um a barke’uuna. Esawu kaa layoogu no xeeñ um ee: «Ndiiki faap es a xon, too a koom xam war a Yakoob fee o ndeɓ es.»

Mberaand 4:8

Kayin a laya a Abel fee o ndeɓ um ee: «Aca i ndet no qol!» Ye da ndefna no qol ole, Kayin a songa a Abel fee o ndeɓ um soo a warin.

Mbeeñil 12:10

Cinj kaaga, nanaam o ñuxur o maak olaa inoorna na asamaan, a layaa yee: «Ndiiki koy, a muc ale a fadiida, yaam Roog in a feeñla katil ne no Maat um. O Muumucil oxe ta regitna a feeñla sañ-sañ fee ta jegna, yaam o caajamb oxe geenoox’ina mbaambir Roog, a jambaa fog gimu we in ñaal fo yeng a foore tafil.

1Saŋ 3:15

Oxuu na sibaa o pog um, o baawar oo, too nu anda yee o baawar o leng jegee o ñoow o fagkeer ole kam um.

Tiit 2:3

Jangni itam a nogoy ake da lalit o tedel no ñoow den, a mbañ o ƥanjaa lakas we, a yer a fañ o adin a den. Kaa mbar o njangnaa moxolaare teɓ ke paaxu,

2 Timote 2:23

Kuuci ñimatir ƭooɗofir ke njegeerna o njiriiñ, and ee den na ƥisiidaa nqasir.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

A pi ake 21:30

Teeru faa fop naa ta fodeena a yo’noox’a. Mbokatax naa a ƈuftiida muu refna, a mbokatoor, a ndam a Pool, a ndeƈ-ndeƈnin tafil Mbind Roog ne, soo a ñof o mbeg begax ke.

Yeremi 6:28

Den fop faafañ saƭku a qoox a ndefu, a ñu’aa lakas we, a saƭik koŋ nen xanjar mbaat njelem, a ndef den fop fiifi paaxeer.

Xa peƭit axe 29:9

Boo o cegu yiif a layooraa fo xe raƥna yiif, a bug oo fuux mbaat ta jalaa, ndaa kaaga sutkiran teen.

Xa peƭit axe 19:12

Fuux no maad kaa nand nen o bumb njogoy, yirmande um o mat a nand nen liim took daaƭ.

2 Sami’el 19:43

Wiin we Yudaa a ndoona a den ee: «Ree kaa i moƴ o mbog a nuun fo o maad oxe! Xar taxu boog nu mbuux no kaa farna no keene? Ndax kaa i ngaɗ o ñoow in no maad oxe, ndi kaa i ndaawit no ten tig?»

2 Sami’el 13:22

Absalom o mat layoogatee fa Amnon. Kaa sib’atun, yaam ne ta gigin’ina a Tamaar fee o cigeen um.

Mberaand 37:21

Ruben a nana kaaga, soo a bug o watin na xa ƥay den took o lay a den ee: «Ba i mbarin!

2 Timote 3:3

a ñak o liir, a mbañ o mbaasantaa, a ƥanjaa lakas we. Mbaagkee o ngarin a qoox den, a yedin, a mbañ ke faaxna.

Yeremi 9:4

Oxuu refna kaa naxaa o kend um, too naagee o layaa ndigil. Kaa merand ɗelem den xa maaƥ, a mbi a mbi paaxeer boo a naang cat.

A kim a tedu ke 37:8

Waasi fuux le, xaƴ pariƴ ke. Ba o fuux, yaam no paaxeer rek a riñkang.

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Efees 4:25

Ten taxu, ngoƭatiryo fo o maaɓ. Fat oxuu refna a layaa o kend um ke refna ndigil, yaam in fop, in mbokatooru, mbog njer leng kut ne, oxuu refna a ref a seek no njer ne.