Efees 4:30 - NQAARIIT NE ROOG

³⁰ Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

Efees 4:30 Referans Kwoze

1 Tesalonik 5:19

Ba nu ñuf Yiif le Roog muk,

Esayi 63:10

Kaa koy, kaa nanaƭar’u, a ngooyand Yiif Tedu le ten, ta geleeroox, a refat o pañ den. O ten o mat ñoxoru fa den.

Mberaand 6:6

O Yaal oxe a ricooxa ke taxna ta fi o kiin took lanq ke, soo xeeñ um a gooy.

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

O leetar ole Pool a bindna GIMU WE NGENNA ROM 8:11

Boo Yiif le Roog fee xontooxnoorna a Yeesu a ndeer no xon we a genna na nuun, ten feene xontooxnoorna a Kiristaa fee a ndeer no xon we, xan a ñoowdand itam cer qooxon ke nuun, a fi’tin Yiif le ten genna na nuun.

Mark 3:5

Naaga, Yeesu a ɗeeta a den fop, too a fuux. A naqadiloox’a sax yaam a qeeñ a saƭku ke den. A laya o koor oxe yee: «Letni o ɓay of.» A letnaan, too o ɓay um a woda boo ceŋ.

Esayi 43:24

Jikaniraamo qeeñe-xeeñe seeru, too giñnoortiraamo neebam fee no sadax cegel ke wo, ndaa kaa o ñaatlandtaam pakaad of, xijlandtaam tooñ of.

A kim a tedu ke 78:40

A caf a mayu, a siiknoora fo ten na koƥ-a-ƥor alaa, a ngooyandan no fo mbiñ ne naangna halit.

Mberaand 6:3

Maaga, o Yaal oxe a laya yee: «Yiif es genkee no xoxtaa o kiin kujumaani cay, yaam o kiin njer rek a refu. Ndiiki hapanaanum xa kiid teemeed fo xa kiid qarɓeen ƭik.»

Esayi 7:13

Maaga, Esayi a layaan ee: «Nuun mbind Dawid, nan-gilooxyo boog. Ndax ke nu mboosɗandaa wiin we deyee dey a nuun boo nu mbug o mboosɗandahin a Roog es?

Heseki’el 16:43

Feek wetandooxiro ndeƥandoong of soo fuuxnoortaam a pi of, mi itam oo xam fudin took of a pesoorooƭ of. Mi o Yaal oxe na refkaa boo faw layun. Ndax ɓaat’iro no cakalaaru ke wo fop cednooxu keene?»

A kim a tedu ke 95:10

Suk neene kaa mbat’aam xus boo xa kiid qarɓeen nahik, too layaam ee: «Kaa ndef xeet fa mo’u mir. Andee muk a ƭat es.»

Hebre 3:10

Ten taxu um fuuxan’u wiin weene, too lay’aam ee: ‹A qalaat den kaa mo’andaa a den kili. Weene wiin mosee o and a ƭat es.›

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Hebre 3:17

Aniin Roog a fuuxan’u boo xa kiid qarɓeen nahik? Mee ndax den ndefu we mbakaad’ina boo xa tal den a yoq kam a koƥ-a-ƥor alaa?

1 Korint 15:54

Boo cer in keeke a supteena boo mbotkatee too mbaagkatee o nqon, xan ɗelem leeke a fadnoox: «Fa nqon a ɗuuɗe a lanq. O ndam a jega.»

Hoose 13:14

Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Haahate we 10:16

Maaga, Ii-isra’el we a mbatna roog can ke a ndeer den soo a ndagooxataa o Yaal oxe waag’ateerna o muñ coono ke den.

YEGIL MBAAX NE YEESU ne Lik a bindtuuna 21:28

Nu nga’angaa keene fop a xewiidaa, njofdandooxyo ndaxaaƴoox, too and ee a bat ale nuun oxe matiidaa.»

YEGIL MBAAX NE YEESU ne Saŋ a bindtuuna 3:33

Oxe jaɓna seede um o mat, a lalta a qool qac ee Roog ndigil oo.

Hebre 10:29

Yaaga koy, nam a refitkaa no xe niwaƭarna o Ƥeenqe Roog, a xeef fo’oy le no ngiɓoor ne ta xoolandteena, soo a wenaa Yiif le saqna yirmande? Nu mbaaga o nqalaat a paax ee a qaw ale heluuna na moƴkaa o ɗom,