Efees 4:29 - NQAARIIT NE ROOG

²⁹ Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

Efees 4:29 Referans Kwoze

Kolos 4:6

Fat a ƭelem nuun a yoon fa yirmande, a njem, nu mbaag o and ke nu mbarna o ndoon o kiin oo kiin.

1 Tesalonik 5:11

Yaaga boog, naangyo o saƭakinooxaa too njokraa ne nu ndaawna o mbi’aa.

O baawaare xe 10:12

Fa lay fee no cegu yiif oxe kaa niwnooran, o don fanxoy fee mat a oraa a saŋkax um.

Xa peƭit axe 15:7

Xa ton no jegu yiif we o and a pictaa, a qoox no panxoy ke mat, dara refee teen.

Xa peƭit axe 12:13

O soxodu xe kaa yenaa no mbog ne na xa maaƥ axe ten sax sax, o cofu xe mat kaa sutooxaa na naqad fuu refna.

Mace 5:16

Neene a qoolaand ale nuun a waru o xoolit mbaambir no wiin we, ndax da mbaag o nga a pi a paax ake nuun, soo a ƥoxot a Faap nuun fee refna na asamaan o ndam.»

Xa peƭit axe 16:21

Oxe jegna yiif kaa xoyeel o ƈiƴu xe, fa lay fa ƥuuɓu a gimnooraa ke layeena.

Esayi 50:4

O Yaal oxe na refkaa boo faw a ci’axam a layoorooƭ ale no daalbe we, ndax um and nam warum o saƭakinit o neewu doole xe. Nqes nuu refna kaa wetaa nof es, ndax um nan-giloox nen daalbe we.

A kim a tedu ke 52:2

Kaa naxooxaa ngenar ne Doweg, o Ee-edoom oxe, ye oxeene a hoƥattiidna me Sawul ee Dawid kaa ret’u maa Ahimelek.

Xa peƭit axe 15:23

Waag o doonanqol o mosu kaa ref a cur o ɗaay, fa lay fa mbaax faa layeena na waxtu um a fel bo.

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

YEGIL MBAAX NE YEESU ne Lik a bindtuuna 4:22

Fop kaa seede’anoogun, too fa lay fa nqoolu fee sutoorit’ina no don um a bet’a a den. Yaqanee koy da laamtiraa yee: «Ndax kaa refee o ƥiy Yoseef?»

A kim a tedu ke 5:9

O Yaal oxe, ɗoxaam kam o cofel of yaam fañ we mi. Fodrandanaam a ƭat ale bugoona um reef.

1 Piyeer 3:1

Nuun rew we itam, fat oxuu refna na nuun a jaɓan o kor um. A refangaa sax ee leng-leng na den ngimee na fa lay fee Roog, xan a ngar no ngim onqe na pexey a pesoorooƭ nuun, nuun we ndefna rew den. Maaga, soxla’kaand o lay mayu,

Efees 4:16

O ten fi’u boo a seek a pogreer ake no cer ke a mbaag o mbokatoor, soo cer ke fop a kiɓ a mbokat a den. Neene, boo a seek aluu refna a fi’na ke waruuna, xan cer ke a njokoox, soo a maak kam o mbeq.

Efees 4:12

Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.

A kim a tedu ke 71:24

O don es xan a jeepeetaa o cofel of no ñaal ke fop, yaam we mbexeyanoogaxama taamaala a seda too a seeƈaar.

A kim a tedu ke 45:2

Xeeñ es kaa may muut fo xa ƭelem xa mosu. Kaam ee a cangtax es no maad oxe a jagnu. Ɗelem es kaa nand fo a pindir no piibind o pelu xoox.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

1 Korint 14:19

Kaa koy, no mbokatax ne no gimu we, jangnit a ƭelem a ƥetak na lak faa wiin we a nanna moƴanaxam o layaa a ƭelem a pagkatar na lak-yiif.

O leetar ole Pool a bindna GIMU WE NGENNA ROM 14:19

Yaaga boog, fat i naaɓaa ke na ɓisiidaa jam, too a jokaa o ngim a ndeer in.

O leetar ole Pool a bindna GIMU WE NGENNA ROM 15:2

Fat oxuu refna na in a waaƭaa ke faaxna no kend um, ndax oxeene a moƴ o jof mbaambir no ngim um.

YEGIL MBAAX NE YEESU ne Saŋ a bindtuuna 1:37

Daalbe ɗik waa a nana a ƭelem akaaga, soo a ndeefan a Yeesu.