Efees 4:28 - NQAARIIT NE ROOG

²⁸ Fat oxe guuɗoogna a fañat o guuɗ. Fat a jalik, ndax ta jegan a xoox um o ñoow um no tig lewetu. Neene, xan a jeg kaa ta dimle’taa we neewna doole.

Efees 4:28 Referans Kwoze

1 Timote 6:18

Regdinooxi a den, da mbi’aa paax, a ndef siide na pi a paax, kam den a yaaj, da nqaajraa fo lakas we ke da njegna.

Galati 6:10

Yaaga boog, ye i maadna o njegaa o daaw, fat i mbi’anaa oxuu refna paax. We i mbarna o moƴ o mbi’anaa paax sax ndefu fog in no ngim onqe.

A sutax ale 20:15

Guuɗkiro.

Sakari 5:3

Maaga, a layaxam ee: «Ten refu a salax ale na dalkaa took lanq ke fop, yaam kaa bindel teen ee o kuuɗ oxuu refna xan a sutel mene, too oxuu na daaɓooxaa na xa maaƥ xan a inel meen.

YEGIL MBAAX NE YEESU ne Saŋ a bindtuuna 12:6

O nanangaa ta haptaa kaaga, reeƭee yee rool we ngaal’un. Ne ta reeƭna o kuuɗ, a xotaa na xaaliis o ndeerte nqe den ta geekoogna tax’u ta layan.

YEGIL MBAAX NE YEESU ne Lik a bindtuuna 19:8

Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

A sutax ale 20:17

Yaawkiro mbind no kend of. Yaawkiro o tew no kend of mbaat surga um mbaat o mbindaan um mbaat qoox um mbaat o faam um mbaat tig lakas kaa ta jegna.»

2 Korint 8:12

Yaam boo hebooxoona o ci’it, yaaga xan Roog a jaɓ ke ci’toona no ke jegoona, soo a fañ o ɓaal ke jegeeroona.

2 Korint 8:2

Gimu we kaa ƭeetloox’el kam coono maak kaa ndal’ina a den, ndaa o ɗaay den kaa magin’u lool, boo a tax da lalit o laabiir den, ke da ñak’ina ñak fop oo.

O leetar ole Pool a bindna GIMU WE NGENNA ROM 12:13

Fog nuun no ngim onqe, nu ƈufig a den yaa da ndefna na soxla, ndalnaa a paax we na ngaraa me nuun.

YEGIL MBAAX NE YEESU ne Saŋ a bindtuuna 13:29

Ne Yudaa a geekoogna xaaliis fee da njegoogna, a tax’a lakas we a mboogaa yee Yeesu kaa layin soom ee: «Jiki ke i soxla’na na xew fee», mbaat ta siman ta dimle teen rool we.

YEGIL MBAAX NE YEESU ne Lik a bindtuuna 3:8

Saqyo boog a pi akaa lalitna yee nu mbesa pakaad nuun a cinj. Ba nu layat na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Xa peƭit axe 30:9

yaam ndik um neq soo xañong, lay ee: «An refu o Yaal oxe?» mbaat kam ndool ne um guuɗ, ŋañnoor a Roog es.

Xa peƭit axe 28:13

Oxe na ɗasnaa tooñ um xeniɗkee, oxe na weejlaa pakaad um koy, a fes a den a cinj, xan a waasanel.

Xa peƭit axe 14:23

Calel kuu ndefna o njiriiñ a ndimaa, fa lay fa ƥor o mat a gartaa o ñak.

Xa peƭit axe 13:11

Halal fa onjaand naagee miñaa, fee kos-kosneena mat kaa ɓaatooxaa.

Ke bindeena no xe ne’eena YOB 34:32

Lalaam tooñ es ke ga’eeruuma. A soƥangaa yee kaam fi njofaƭar, fi’katinum.»

A sutax ale 21:16

Oxuu guuɗna o kiin boo a jikooxin mbaat ta geekin, kaa warel o war.

Xa peƭit axe 21:26

No ñaal ne fop kaa yaawaa, o cofu xe mat a ci’taa no fud o letu.

Xa peƭit axe 31:20

Kaa muƥtanaa o toroxu xe o ɓay um, rool we, ta letin a den a naax um.

1 Korint 4:12

Oxuu refna na in kaa daaraa, soo a sogkaa o jeg ƥekel no fud, mbeneel, mbarke’aa we na mbenaa a in, muñ ne i toroxandeel,

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.

Tiit 3:14

Wiin in itam a mbara o aqatoox a pi a paax, a njalaa, ndax da ƭaxaa soxla fuu refna. Keene refu a pi a qatkeer.