Efees 4:26 - NQAARIIT NE ROOG

²⁶ Boo nu mbuuxna, fat nu mbootoox, yaam ndik nu yen na bakaad. Baa njeeƈ ne a mudit fuux nuun muk.

Efees 4:26 Referans Kwoze

Saak 1:19

Fog es, fat nu nqaƴ a yiif nuun a paax no ke um layiidaa: O kiin a wara o ñof o nan-giloox, ndaa waree o ñof o lay mbaat ta ñof o fuux,

A kim a tedu ke 4:4

Fat nu and a paax ee o Yaal oxe kaa fi’anaa oxe damooxna no ten a pi a maak. Kaa nanaxam, yaa um ƴufginooxan.

A kim a tedu ke 37:8

Waasi fuux le, xaƴ pariƴ ke. Ba o fuux, yaam no paaxeer rek a riñkang.

O baawaare xe 7:9

Ba o yooɓ o fuux, yaam o mat-xeeñ panxoy ke njegun.

Xa peƭit axe 14:29

Oxe yooɓeerna fuux kaa jeg yiif, oxe matna xeeñ o mat kaa laltaa mbanxoy um.

Xa peƭit axe 19:11

Oxe jegna yiif yooɓee o fuux, qaaƴoor um a ref o ñak o dam tooñ.

Mace 5:22

Mi koy, mexe layaa a nuun ee: Oxuu fuuxanna o pog um sax, haahate we a mbaraan o nqaw. Oxe na laykaa o pog um sax ee: ‹O ƭof refo!› Mal maak ne fop a mbara o mbokatoor a nqawin. Oxe na laykaa o pog um ee: ‹Jegiro xoox!› a wara o xawtel fiɗel laa ñufkeerna.

Mark 3:5

Naaga, Yeesu a ɗeeta a den fop, too a fuux. A naqadiloox’a sax yaam a qeeñ a saƭku ke den. A laya o koor oxe yee: «Letni o ɓay of.» A letnaan, too o ɓay um a woda boo ceŋ.

A lim ale 20:24

«No miñeer, xan Aaroon a dab daan um. Rokkee no saax le um ci’kaa Ii-isra’el we, yaam kaa nu nanaƭaranit kebil es Meriba me foofi le a balit’ina.

Mark 10:14

Yaa Yeesu a ga’na kaaga, a ɗom’aan, too a laya daalbe we ten ee: «Nqaƴyo xa teɓandoong axe da ngar me mi. Ba nu mbañit a den, yaam we nandna fa den njegu Maat ne Roog.

Xa peƭit axe 25:23

A ƥay foofi kaa ɓisiidaa a teƥ, ɗelem ñuuñu le a gartaa a tagid a kiɓooxu.

A sutax ale 11:8

Moyiis a suura, a lay ee: «Keene a jegangaa, xan dag of fop a ngar me mi, a ngooknoox mbaambir es, a layaam ee: ‹Sutooxi, wo fa xeet fee na ndeefang fop!› Cinj kaaga, xam sog o sutoox.» Maaga, Moyiis a sutooxa mbind Firawon fee, a fuux boo a buɓaa.

A cangatin ale 24:15

Ñaal nuu refna, fat nu ƥoxotan ndabid um boo njeeƈ ne a helko fo mudaa, yaam kaa rool too a soxla’a ndabid um no ñofu. Nu mbi’angiran, xan a loolook a nuun me no Yaal oxe, too yaaga nuun na ngadooxkaa bakaad fee.»

Saak 1:20

yaam oxe fuuxna, waagee o fi cofu na kid Roog.

1 Sami’el 20:34

A inoorta na cu’ax alaa, a fuux boo a buɓaa, a fañ o ñaam na cu’ax ale no ñaal ƭikandeer naaga na bat ale no nqool onqe. Kaa naqadiloox’u na Dawid, yaam ne faap um a wen’uuna.