Efees 4:25 - NQAARIIT NE ROOG

²⁵ Ten taxu, ngoƭatiryo fo o maaɓ. Fat oxuu refna a layaa o kend um ke refna ndigil, yaam in fop, in mbokatooru, mbog njer leng kut ne, oxuu refna a ref a seek no njer ne.

Efees 4:25 Referans Kwoze

Kolos 3:9

Ba nu maaɓraa itam, yaam nu mbolooxa no ngiin bakaad ne yaaga, ten fo a pi um.

Sakari 8:16

Keeke refu ke nu mbarna mbi: Naangyo layraa ndigil a ndeer nuun, ngate’taa ndigil no qeloorand ke nuun, ndax jam a jeg.

Xa peƭit axe 12:22

O Yaal oxe kaa sib ɗelem naanaxir, oxe na fi’aa ke ta layna mat a felin.

O leetar ole Pool a bindna GIMU WE NGENNA ROM 12:5

Neene itam, in we mbogna na Kiristaa, ke i mayna may fop oo, njer leng kut i ndefu no mbokatoor ne in fa Kiristaa, too kaa i ngiɓoor a ndeer in nen a seek ake mbokatoorna, a ndef njer leng kut ne.

Efees 4:15

Kaa koy, boo i layaa ndigil ne fo o mbeq, xan i maak no kuu ta refna ref farna fa Kiristaa refna xoox le.

Xa peƭit axe 12:17

Oxe na layaa ndigil kaa jootnaa o cofel, o seede maamaaɓ oxe mat a lawandaa naanaxir.

Xa peƭit axe 8:7

O don es ndigil soom a yegnitaa, ɗelem es a sib o maaɓ.

Xa peƭit axe 12:19

Fa lay fa ndigil kaa ñoowaa kili, ɗelem maamaaɓ le mat a xuuɗaƭar.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Tiit 1:2

a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

1 Timote 4:2

Xan a ndeɓoox no jaajangin yememaar maamaaɓ we na mo’noorkaa a den. Jaajangin weene koy, a yiif den kaa nqon, nen kaa doxteena njelem saasu.

A paɗax ale 19:11

Ba o leng na nuun a guuɗ mbaat ta maaɓaa mbaat ta ƴiƴtaa o kend um.

Mbeeñil 22:15

Kaa koy, we na mbi’aa cednooxu fo fan we fo we na seeqaa fo waawar we fo juujuur we fo fop we mbexna o maaɓaa na fa lay fo na pi, o leng na den rokkee na teeru fee muk.

1 Timote 1:10

Weeke itam a mboga teen: We na seeqaa, goor we na mbesanraa a ndeer den, we na ngignaa xa teɓandoong, maamaaɓ we fo we na seede’aa na xa maaƥ. Fop ke guutatirna fo a cangin a ñoow ale a foga teen.

2 Korint 7:14

Wariim o sed o fakoor a nuun o ndik mbaambir Tiit, yaam ndiiki a xoola yee ndigil layum. Ne i laytaa layit a nuun ndigil ne, neene o mat ke i mbakoortaa na nuun mbaambir Tiit a reftu ndigil.

Tiit 1:12

O leng na den, refna ref oxe da mbi’’ina o tuleer kaa lay ee: «We ngenna Keret fop kaa maaɓaa, a ndef muumeen soxodu, a ngalaf, too a tayil.»

1 Korint 10:17

In we na nqaajraa mbuuru ne, i maya, ndaa ne mbuuru ne a refna leng, in itam o leng i ndefu.

YEGIL MBAAX NE YEESU ne Saŋ a bindtuuna 8:44

Saytaane o mat refu faap nuun, too nu mbugee o mbadin dara, a refangee ke faap nuun a diirooxaa. No mberaand naa boo ndiik o baawar oo, too geenooxkee no ndigil muk, yaam ndigil leng refee no ten. A naagangaa o maaɓaa koy, no ndap xeeñ um a suttan, yaam o maamaaɓ oo, too ten refu faap o maaɓ.

Sakari 8:19

«Koor ne no nqool o nahkandeer onqe, ne no nqool o ƥetkandeer onqe, ne no nqool ɓetuu ƭikandeer onqe fo ne no nqool xarɓaxayandeer onqe xan a ndefat no mbind Yudaa ñaal o mbelakinax fo o ɗaay, a ndef toofeen pelu. Kaa koy, mbexyo ndigil fa jam! Mi o Yaal oxe Hupna fop layun.

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

Esayi 63:8

Kaa lay’u yee: «No ndigil den ndefu xeet es, kaa ndef na mi xa ƥiy axaa ngodkeeraxama.» Ten oo a reeƭata o Muumucil den.

Esayi 9:15

Ɗooɗox we na xeet fene kaa mo’and’un, soo a nduuxnoor a den a koƥ.

Xa peƭit axe 21:6

Halal fee jegteena na xa maaƥ naagee miñaa soo a ɓisaa o yaal um na fa nqon.

Xa peƭit axe 6:17

a kid nga’yaamoo ke, ɗelem naanax le, xa ƥay axe na ƥaxaa fo’oy jaambuur,

A kim a tedu ke 119:29

Guutatirandaam fo a ƭat a maamaaɓ ale, too andnooraam a cangin of kam yirmande of.

A kim a tedu ke 52:3

Wo a salma-koor ale, xar taxu o fakooraa paaxeer of? O mbeq onqe Roog kaa ref ñaal oo ñaal.

Efees 5:30

Kaa refee yee in ndefu a seek ake no cer ke ten!

1 Maad we 13:18

O tuleer o nogoyu xe koy a xoxa, a layin ee: «Mi itam o tuleer refum nen a wo. Malaaka a daawnaxam fa lay feeke no Yaal oxe yee: ‹Ɓiseen no mbind of, ndax ta ñaam soo a yer.› » No keene fop koy, kaa ta maaɓoogun.

A sutax ale 23:7

Ba nu nan-gilooxaa xa maaƥ axe. Ba nu mbar a jaambuur fee mbaat o kiin o cofu xe, yaam mi o Yaal oxe ɗeetkiim oxe fi’na boom leene muk nen a jaambuur.

A kim a tedu ke 15:2

Ten refu oxe jegeerna ƥanjel, a fi’aa cofu soo a layaa ndigil ne refna no xeeñ um doŋ.

Xa peƭit axe 24:28

Ba o seede’an o kend of na xa maaƥ. Ndax bugaa maaɓit o don of?

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Efees 4:31

Ba nu saqan o leng o njaaku kam mbaat nu mat xeeñ, too ba nu mbuux. Ƈufyo coow fo a ben! Baa coxod leng a ref fa nuun!

Kolos 3:8

Ndiiki koy, mbesyo keene fop ndiiñ, mbañ fuux fo mbañir fo coxod fo a ben fo fa lay fa mbaaxeer a sutooraa na nuun.

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Saak 1:21

Ten taxu, mbaasyo paaxeer ke ndefna kam a qeeñ nuun fop, mbootoox bakaad. Fat nu neewandoox paam Roog, ndax nu njaɓ fa lay fee duufeena na qeeñ nuun. Fa lay feene waagu o mucil xa laaw nuun.

1 Piyeer 2:1

Ngoƭatiryo boog fo paaxeer kene: Coxod kuu ndefna fo nqooƭ-nof fo yememaar fo ciis fo ñu.

Haahate we 16:11

Samson a layaan ee: «Um humit’ange xa ƥaak xa qas axaa njiriiñoorafulaandeena, xam heesat, refat nen o kiin sang um.»