Efees 4:24 - NQAARIIT NE ROOG

²⁴ Ndokooxyo ngiin nqas ne sakeena a nand fa Roog, soo a feeñ kam o ñoow o jofu le saqna ndigil ne, too a ted.

Efees 4:24 Referans Kwoze

2 Korint 5:17

O kiin a fogangaa na Kiristaa, mbindel nqas a refatu. Ke hiidna a wata, soo fop a refat qas.

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

O leetar ole Pool a bindna GIMU WE NGENNA ROM 13:14

Fat nu ndokoox o Yaal oxe Yeesu Kiristaa. Ba nu ndeefan a pug ake nuun, ndik nu mbadin a yaaw a paaxeer ake nuun.

Efees 6:11

Nqotyo ƥonax ke Roog fop ndax nu mbaag o nqox pexey ke no ƈiƴ oxe.

O leetar ole Pool a bindna GIMU WE NGENNA ROM 6:4

Kam batiise fee kaa i nqon fo ten, soo ngasel fo ten. Keene kaa jeg, ndax ne Faap fee a xontooxnooritna a Kiristaa a ndeer no xon we na pexey doole fee ten jegna o ndam, neene i ñoowatinitkaa kam o ñoowooƭ o xas, in itam.

2 Korint 3:18

In fop we andoona yee a tagid in faŋ a fi’u, kaa i meleƈtaa no ndam onqe no Yaal in. Neene, kaa i suptel, ndax i nand fo o Yaal oxe. Kaa i sutooraa no ndam, ndokaa no ndam onqaa moƴna o magin. Keene refu boog calel ke no Yaal oxe refna Yiif.

2 Korint 4:16

Ten taxu i mo’nee njambaar in, too sax ke refna ngiin tafil in a yaqooxangaa, xan ngiin kam ne a saxatinaa ñaal oo ñaal.

O leetar ole Pool a bindna GIMU WE NGENNA ROM 13:12

O yeng ole xe faafaa, too mbeet ne xey a leeliidaa. Fat i mbaas boog a pi a niɓaanu ke, too nqot ƥonax ke Roog a cooxna a in, ndax i ñoow na qoolaand ale.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

O leetar ole Pool a bindna GIMU WE NGENNA ROM 8:29

Roog kaa heboox’u o nandand we ta jilna yaaga fo o Ƥeem, ndax o Ƥeem onqeene a ref taaw kam ƥasil maak.

YEGIL MBAAX NE YEESU ne Saŋ a bindtuuna 17:17

Tedlandti a den ndigil of. Fa lay of refu ndigil ne.

Galati 6:15

Xucoox fo ñak o xucoox mbodu. Ref mbindel nqas jegu o njiriiñ.

Galati 3:27

Nuun fop, nuun we mbatiise’eena ndax nu mbog na Kiristaa, nu ndokooxaan.

Esayi 52:1

Wo Siyoŋ, yokooxi, ñofi yokoox, jegatin doole. Wo Yeerusaleem, teeru fa tedu fee, rokooxi toki of ke moƴna o mos, yaam o qucooxeer mbaat o qoolaƭaru dakkatee me wo.

1 Korint 15:53

Cer in keeke mbarna o mbot, xan a ndokoox cer lakas kaa mbaagkeerna o mbot, kaam ee cer in keeke andoona yee kaa nqonaa, a koom da suptel, a ndefat cer kaa mbaagkeerna o nqon.

Ke bindeena no xe ne’eena YOB 29:14

Kaam rokoox’u o cofel, ta ref ndoki es, a ƭat a ref sabadoor es fo tañalax es.

Efees 2:15

A laafa kebil ke no Yaawuur we fo bargal ke den na pexey fa nqon um, ndax ta fi xa kurcala xa ƭaq axeene, da ndefat xeet fa leng kut fa nqas, yaa da mbogna fo ten. Neene o mat a dalnitu jam fee.

Esayi 59:17

O cofel oleene refu ndoki njelem ne no ngang um, soo a muc ale a ref o maxanda xire um. A rokooxa ndoki ndabdinoor ne soo a huloox o jaflax nen sabadoor.

Hebre 12:14

Ngoorgoorlooxyo, ndax nu ndef na jam fo wiin we fop, too o ñoow nuun a ted, yaam oxuu o ñoow um a tedeerna, jasnoorkee fo o Yaal oxe.

Hebre 1:8

Kaa koy, no ke jofna no Ƥeenqe, Roog a laya a qoolu yee: «Gamb no maad le wo de Roog, xan a ref boo faw. O cofel rek o maadooritkaa maat ne wo.

Mberaand 5:1

Keeke refu safe le na kon ake na xa taan Aadama: Ye Roog a sakna o kiin, a fi’aan ta nand fa Roog.

YEGIL MBAAX NE YEESU ne Lik a bindtuuna 1:75

A taxa itam i ñaaƴaa mbaambir um kam o tedel fo kam o cofel bes fuu refna no ñoow in.

O leetar ole Pool a bindna GIMU WE NGENNA ROM 7:6

Kaam ee, me ta refna i mbate no kebil ke, yaam ke dam’ina a in mbaƭ a xona na in. Ndiiki koy kaa i ndagooxaa a Roog a tagoorooƭ a qas na pexey Yiif Tedu le, soo mbaas a tagoorooƭ a kiid ale me i ndagoortoogna kebil ke.

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

2 Piyeer 1:4

Neene, o Yaal oxe a cooxa a in a tegit ake moƴna o mboor fo ake moƴna o magin, ndax na pexey den nu ndefat waa mbogna no ten, yaa nu ƈufaa ke na yaqaa adna fee yaam a yaaw a paaxeer ake.