Efees 4:23 - NQAARIIT NE ROOG

²³ Nu mbara o ndakoox qas tigi no xeeñ nuun fo no yiif nuun.

Efees 4:23 Referans Kwoze

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

O leetar ole Pool a bindna GIMU WE NGENNA ROM 8:6

Topatooxaa ke cer ke a mbugna koy, na fa nqon a ɓisaa, ndaa topatooxaa ke Yiif le Roog a bugna no ñoow fo na jam a ɓisaa.

A kim a tedu ke 51:10

Felakinaam too ɗaaynooraam, ndax cer es ke leeƈ’oona a mbecoox.

Kolos 3:10

Ndiiki koy, nu ndokooxa ngiin nqas ne na jib’atintaa no nand Roog fee sakuuna, ndax ta fadnoox no andin tigi.

1 Piyeer 1:13

Ten taxu, njagandooxyo na qalaat nuun, yokoox a paax, too ndoon yaakaar nuun fop na yirmande fee nu ƥisiidkeel, yaa Yeesu Kiristaa a feeñkaa.

Heseki’el 36:26

Xam ci a nuun xeeñ xas soo ɓek na nuun yiif xas. Xam watin no ngiin nuun xeeñ nuun le saƭkitna nen ɓil soo ci a nuun xeeñ hiihiin.

Tiit 3:5

a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.

Heseki’el 18:31

Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?

Heseki’el 11:19

Xam ci a den xeeñ leng kut soo ɓek na den yiif xas. Xam watin no ngiin den xeeñ den le saƭkitna nen ɓil soo ci a den xeeñ hiihiin,

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

O leetar ole Pool a bindna GIMU WE NGENNA ROM 6:4

Kam batiise fee kaa i nqon fo ten, soo ngasel fo ten. Keene kaa jeg, ndax ne Faap fee a xontooxnooritna a Kiristaa a ndeer no xon we na pexey doole fee ten jegna o ndam, neene i ñoowatinitkaa kam o ñoowooƭ o xas, in itam.