Efees 4:22 - NQAARIIT NE ROOG

²² Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Efees 4:22 Referans Kwoze

O leetar ole Pool a bindna GIMU WE NGENNA ROM 6:6

Fat i and a paax ee o kiin o kiid oxe i ndeeƭna yaaga, a rengandoor’e na kurwaa fa Kiristaa, ndax ngiin mbaabakaad neene a sooƴ. Yaaga koy, i ndefkatee faɗ bakaad boo muk,

Hebre 12:1

Faan maak leene no weene ngimna kaa mbid a in o kurul-keƥ, a ndef seede no ngim den mbaambir in. Ten taxu, kaa i mbar o ndoxodoox ndoq meɗu ne na yaqanaa a in a ñaaƈ, mbaas itam bakaad fee yooɓna o dik a in. Fat i ngen no ƈufaa ne waritna no ndaƭatir ne i ndefitna.

Saak 1:21

Ten taxu, mbaasyo paaxeer ke ndefna kam a qeeñ nuun fop, mbootoox bakaad. Fat nu neewandoox paam Roog, ndax nu njaɓ fa lay fee duufeena na qeeñ nuun. Fa lay feene waagu o mucil xa laaw nuun.

Hebre 3:13

Baa ref naaga! Saƭakiniryo kili boo na «xaye» fee Roog a ne’uuna, yaam ndik bakaad a nax o leng na nuun boo ta ŋaj.

Tiit 3:3

In itam, wiin ñaku a qoox i ndeeƭu yaaga. Kaa i nanaƭar’u, mo, ndef faɗ a yuxum in fo no kuu na ci’aa a in baneex. Kaa i ñoowoogu no coxod, siisaa, ndef waa njareena o sib, sibraa.

Efees 4:25

Ten taxu, ngoƭatiryo fo o maaɓ. Fat oxuu refna a layaa o kend um ke refna ndigil, yaam in fop, in mbokatooru, mbog njer leng kut ne, oxuu refna a ref a seek no njer ne.

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

Efees 4:17

Keeke um layaa a nuun boog, soo yegnan a nuun no gon le no Yaal oxe: Ba nu ñaaƴtat nen gimaƭaru we, na ndeefaa a qalaat ake den naangeerna o ƥisaa den sen.

2 Piyeer 2:13

Neene, xan a ndaaw ndabid njofaƭar den. Kaa njegaa o ɗaay, yaa da ndeefaa a yuxum a paaxeer ake den njoloor o mbuc. A tef den, yaa da ndeerna fa nuun a ñaam fo o naxaa nuun ole na sawarnooraa a den lool, kaa ref gaci.

1 Piyeer 1:18

Nu anda a paax njigand ne nu mbatteena no ñoow kasaara le nu lamitna no daan nuun. Refee koy ee kaa na yaqooxaa nen xaaliis mbaat wurus watu a nuun,

Kolos 2:11

No ten nu mbi’ante nquc ne refna o ñaas ngiɓoor ne a ndeer nuun fa Roog. Nquc neene koy, o ɓay fi’iran, Kiristaa fi’un, ta ref a bolax no ke cer nuun a yaawaa.

Xa peƭit axe 11:18

Mbef no soxodu xe kaa kasaara’ooxaa, oxe na duufaa o cofel o mat a xottaa teen ndabid mbagkeer.

Ke bindeena no xe ne’eena YOB 22:23

O nomtooxiidangaa no Cegu katil oxe, sut njofaƭar ne no mbind of, xan o jegatin doole.

Efees 2:3

In fop itam, nen a den i nand’u. Yaaga, kaa i ñoowoogu kam a yuxum ake no cer in, too mbi’aa ke cer in fo a yiif in a mbug’ina. Yaam ke i ndeeƭna yaaga, a qaw ale Roog a war’a o dal took in, ne ta dalitna took no lakas we itam.

Abjaas 1:3

A magnandax ale wo kaa mo’andang, wo fee genna kam luf ke na ƥil ake, fod no fo mbiñ fo ngoƭu took ne soo layooxaa yee: ‹An na waagkaxam o ɗangtit meeke?›

2 Piyeer 2:7

Na jamaane faaga, a mucla a Lot fee reeƭna o koor o cofu, naqadiloox’ina no xeeñ um yaam caasaay ne wiin weene a saq’ina na pesoorooƭ a paaxeer ale den.

Yeremi 49:16

Diid le o oraa fo a magnandax ale wo kaa mo’andang, wo fee genna kam luf ke na ƥil ake, fod no jul ole na ñaang ake. O sip’angaa ndaang of took-ee-took sax nen a canjiik, xam maaftiidong maaga. Mi o Yaal oxe layun.

Galati 1:13

Nu anda a paax sax ke reeƭna jiko es na ƭat ale no Yaawuur we fo ne ñagadiltooguuma mbokatax ne no gimu we Roog, too ɗoftan o yaq.

1 Sami’el 1:14

Eeli a layaan ee: «Ndi wo o mat, kaa o refkaa fo way of leeke boo a mban? Sutooxi, salditik tafil!»

O leetar ole Pool a bindna GIMU WE NGENNA ROM 7:11

Bakaad fee kaa jegit o gom no kebil ne, a naxaam, soo a wartaam o ten.

Saak 1:26

O foogangaa yee kaa o reefaa a Roog, too waagiro o dam ɗelem of, kaa o naxaa a xoox of. Kaa o layaa yee kaa o reefaa a Roog, ndaa a teef a Roog of ɗaxirang dara.

Yeremi 17:9

Xeeñ no kiin moƴu o naɗoox kuu refna, too waagaand o wodand! An waagun o and?

2 Korint 11:3

Kaa koy, kaam diidaa sax a qalaat nuun a ndok no naanaxir, soo nu naang tukit o kumnoor o saƭku o ñaku sik ole humin’ina a nuun fa Kiristaa, nu nandat fa Awa fee fangool fa ƈiƴu fee a nax’ina.

Efees 4:31

Ba nu saqan o leng o njaaku kam mbaat nu mat xeeñ, too ba nu mbuux. Ƈufyo coow fo a ben! Baa coxod leng a ref fa nuun!