Efees 4:21 - NQAARIIT NE ROOG

²¹ A wooraxam ee nu nana Yeesu a layteel, too nu njangne ndigil ne refna no ten, nu ndefangaa kerceen kañ.

Efees 4:21 Referans Kwoze

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Efees 1:13

Nuun we ndefeerna Yaawuur itam, boo nu nan-gilooxna fa lay fee no ndigil ne, refna Yegil mbaax ne ɓisiidna a nuun a muc ale, nu ngima na Kiristaa. Neene, Roog a fi’a na nuun o ñaas olaa lalitna yee no ten nu mbogu, ta ref Yiif Tedu le ta cooxna a nuun too ta regit’un.

Kolos 2:7

Saxyo no ten, ndamoox no ten, o ngim onqe a fapit a nuun doole, ne nu njangnit’eena o ten, too ngen no ngidman.

YEGIL MBAAX NE YEESU ne Saŋ a bindtuuna 14:17

O Yaayaal oxeene refu Yiif le Roog saqna ndigil ne, ndaa o kiin adna waagiran o jaɓ, yaam ga’iran too andiran. Nuun o mat, nu andaan, yaam fa nuun a genu, too xan a ref na nuun.

2 Korint 11:10

Ne ndigil ne Kiristaa a saxna na mi, mexe yegnaa a nuun ee mbakax nene xañitkaandeem o ten muk kam caate ke mbidna Akayi fop.

2 Korint 1:20

A tegit ake Roog fop, na «ii» feene no ten a sinje. Boo ten taxu no gon Yeesu soom i laytaa a Roog ee «Amiini», ndax i ƥoxot a Roog o ndam um.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

YEGIL MBAAX NE YEESU ne Saŋ a bindtuuna 10:27

Paal ke mi kaa nan-gilooxaa o ñuxur es. Andaam a den, too a naangaxam o ndeefaa.

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

YEGIL MBAAX NE YEESU ne Lik a bindtuuna 10:16

Yeesu a dakooxa o lay daalbe um ee: «Oxuu nan-gilooxna a nuun, mi a nan-gilooxu, oxuu fañna a nuun, mi a fañu, too oxuu fañaxama, Faap es fee luliidaxama a fañu.»

Mace 17:5

Yaa ta maadna o layaa, eel xoolu a muura a den. A jega o ñuxur olaa nannoorna kam eel laa, too a lay ee: «Oxene refu o Ƥees onqe fexuuma fex, too no ten felakinoortum. Nan-gilooxeenoo!»

A kim a tedu ke 45:4

Wo fee o qir o say, humooxi laƥ of no saax, meleƈ of fo a qoolaand of.

O leetar ole Pool a bindna GIMU WE NGENNA ROM 10:14

Kaa koy, nam a ƈufginooritkan, too ngimee no ten? Nam a ngimitkaa no ten koy, too nanee ta layteel? Ndi nam a nanitkaa ta layteel, yaa o kiin a waare’eerna kaa jofna no ten?

Efees 2:17

Neene, Kiristaa kaa gar, a yegnitiid Yegil mbaax ne na ɓisiidaa jam. Kaa yegnin a nuun, nuun we ndefeerna Yaawuur, too ngoƭ’u a Roog, a fi’anin Yaawuur we mat’uuna itam.

Kolos 1:5

O nanangaan koy, kaa nu kesanel yaakaar na asamaan, fa lay fee no ndigil ne refna ref fee no Yegil mbaax ne a andnin a nuun.

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.