Efees 4:19 - NQAARIIT NE ROOG

¹⁹ Naangee o sedaa dara, a ngen no combol-combol, ndax da mbi qoolaƭaru kuu ndefna, too mbaagee o ndeyƭoox.

Efees 4:19 Referans Kwoze

1 Timote 4:2

Xan a ndeɓoox no jaajangin yememaar maamaaɓ we na mo’noorkaa a den. Jaajangin weene koy, a yiif den kaa nqon, nen kaa doxteena njelem saasu.

Kolos 3:5

Ten taxu nu mbara o mbañ cer nuun a ñoowaa no ceeq fo no nqoolaƭar fo na yuxum a paaxeer fo no bug halal, yaam kaa ref xaƴ a Roog fa ndiindigil fee, soo reefaa lakas.

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

Mbeeñil 18:3

A yerna qeet ke fop biiñ fee ten refna ceeq. Maad we na adna fee fop a seeqa fo ten, soo jiijikax we na adna fee sax a njegit halal no neq um.»

2 Piyeer 2:22

Ke o feƭit ndigil oleeke a layna, dalu a den: «O ɓox ole xan a geleeroox, a ñaam ke ta xuqna», too itam: «Ruul le ɓogeena boo a ƴut, xan a firkilookahin kam lopopooƈ le.»

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

Efees 4:17

Keeke um layaa a nuun boog, soo yegnan a nuun no gon le no Yaal oxe: Ba nu ñaaƴtat nen gimaƭaru we, na ndeefaa a qalaat ake den naangeerna o ƥisaa den sen.

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.

Ke bindeena no xe ne’eena YOB 15:16

nam boog o mbindeef onqe jakalaarna too a laawoox a xoolitkaa mbaambir um, o kiin oxe fodandna njofaƭar fo a yer foofi?

Mark 7:22

fo ceeq ke fo bug xaaliis fo coxod ne fo naxir ke fo a pi a parƴu ke no cer ke fo ciisir ke fo a ben ake fo a magnandax ale fo o ñak-xoox ole.