Efees 4:17 - NQAARIIT NE ROOG

¹⁷ Keeke um layaa a nuun boog, soo yegnan a nuun no gon le no Yaal oxe: Ba nu ñaaƴtat nen gimaƭaru we, na ndeefaa a qalaat ake den naangeerna o ƥisaa den sen.

Efees 4:17 Referans Kwoze

O leetar ole Pool a bindna GIMU WE NGENNA ROM 1:21

yaam kaa da and a Roog boo a ƈut, soo a mbañin o ƥoxot o ndam nen a Roog, ne’katiim koy da ngidman. Kaa kuuc, a mo mir kam a qalaat den, soo a qeeñ den ake mbofeerna o and o leng, a ndiim kam o niɓaan.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

Kolos 2:4

O nanangaa um layaa keene, kaa bugiim o leng a laxad a qoox nuun fo mbel-o-ɗek,

1 Piyeer 1:18

Nu anda a paax njigand ne nu mbatteena no ñoow kasaara le nu lamitna no daan nuun. Refee koy ee kaa na yaqooxaa nen xaaliis mbaat wurus watu a nuun,

A pi ake 20:21

Jasnooraam fo Yaawuur we fo we ndefeerna Yaawuur, xoy a den ndax da ndamoox na Roog, too a ngim no Yaal oxe Yeesu.

A pi ake 18:5

Kaa koy, ye Silaas fa Timote a inooriidna Makedoni, Pool a pay’ata no waare’aa fa lay fee Roog, a feednaa Yaawuur we yee Yeesu refu Kiristaa fee, refna o Muumucil oxe regteena.

A pi ake 14:15

«Bara waay, fog we! Xar taxu nu mbi’aa kene? In itam, wiin i ndefu nen a nuun. Kaa i ƥisiid a nuun Yegil mbaax ne na xoyaa nuun, nu mbes a cinj xa koɓong axene nu mbi’na roog, too mbiƈaqiloox na Roog fa ñoow jok fee sakna asamaan fo lanq fo o maag ole fo fop ke refna teen.

Yeremi 42:19

Nuun yoqatin we Yudaa, o Yaal oxe layu a nuun ee ba nu ndet Misira! Andeenoo a paax, mexe woornan a nuun xaye!

2 Timote 4:1

Mexe maƭooxang mbaambir Roog fa Kiristaa Yeesu fee warna o hate ñoow we fo xon we, maƭooxang itam took a kar um fo maat um ee:

1 Timote 6:13

Mbaambir Roog fee na ñoownaa kuu refna fo mbaambir Kiristaa Yeesu fee lay’ina ndigil nqoolu qac maa Poons Pilaat, mexe heblang,

1 Timote 5:21

Mexe gaañtang kene mbaambir Roog fo mbaambir Kiristaa Yeesu fo mbaambir malaaka tedu ke: Ngela horooxi keene. Fat o fañ o lay dara yaa ga’afuleeroona tig, too ba o farit o leng itam.

1 Tesalonik 4:6

No keene, ba o leng na nuun a tooñ o pog um o kimu mbaat ta jaɓ o teem, yaam i lay’aan, too maƭooxin a nuun boo ƈut, xan o Yaal oxe a dalin hate no keene fop.

Kolos 2:18

Ba o leng a nax a nuun boo a yaqan a nuun eetatir ne nu ndefitna, yaam a fi’ooxaa o neewandooxu mbaat tee kaa reefaa kaa malaaka a dalinna. O kiin um a waaga o ret sax boo a saaƭoox na xa ƭaaɗ xa andand, a magnandooxaa yaam a qalaat um a cegee xoox,

Efees 4:22

Neene boog, nu mbara o mboloox qac no ngiin ngiid ne nuun riñoogna a nuun no ne nu ñaaƴtoogna yaaga. A yaaw a naanax ake no ngiin ngiid neene, na saŋkax soom a ƥisaa.

Efees 1:22

Roog kaa doon tig kuu refna na caf Kiristaa, soo a ci’in ta ref xoox le no fog ole no gimu we fop.

Galati 5:3

Kaam bug o ɓaat o maƭoox a nuun ee oxuu xucnoorna a xoox um yaam Roog, a wara reef kebil lakas ke Roog fop.

Galati 3:17

Keeke um ne’aa: Njofoor naa Roog a fi’na yaaga, waagaand o laaf. Yaaga koy, ke regteena, a ref meen boo a jeg xa kiid teemeed nahik fo xa kiid qarɓeen tadik, waagaand o laaf yaam kebil ke ndeefanuuna.

2 Korint 9:6

Fat nu and kene: Oxe duufna o ndik, o ndik rek a saxadkaa, ndaa oxe duufna mayu o mat, mayu a saxadkaa.

1 Korint 15:50

Keeke soom um ne’aa a nuun, fog we: O kiin sang um sang um oxe refna njer fo fo’oy waagee o lam Maat ne Roog. Kaam ee ke na fotaa waagee o lam ke fotkeerna boo faw.

1 Korint 1:12

Kene um ne’aa: Wene kaa layaa yee: «In, Pool i ndeefaa», weeke yee «Apolos», waana yee «Kefaas», lakas we yee «Kiristaa i ndeefaa».

A pi ake 2:40

Maaga, Piyeer a saƭakina a den fo fa lay fa lakas fa mayu, too a maƭoox a den ee: «Njaɓyo muc no wiin faaxeer we ndiiki.»

Nehemi 13:15

Na jamaane fa leng kut faaga, ga’aam kam Yudaa wiin waa nduutoogna xa tim taxar biiñ kam xa nirand na bes fee na ñootnax ale, waa na ƥisaa a keeg, a sufaa sax biiñ, xa tim taxar biiñ, xa tun fo tig lakas kuu refna took xa paam, a ƥisaa a den Yeerusaleem na bes fee na ñootnax ale. Raagooxaam a den no ñaal naa da njikooxoogna cula den.

YEGIL MBAAX NE YEESU ne Lik a bindtuuna 16:28

Jegaam xa teɓ xa ƥetaq. Fat a maƭoox a den, ndax ngarkee den itam no mbiñ o ƭomu nqene.›

A paɗax ale 15:18

Boo o koor fo o tew a mbondooxna, den ɗik fop fat a ƥogdoox. Yaqankee koy, xan a nqoolaƭar boo no yaar olaa.»

A cangatin ale 27:10

Fat nu nanan boog o ñuxur ole no Yaal oxe Roog nuun too ngay kebil ke ten fo bargal ke ten um cooxaa a nuun xaye.»