Efees 4:16 - NQAARIIT NE ROOG

¹⁶ O ten fi’u boo a seek a pogreer ake no cer ke a mbaag o mbokatoor, soo cer ke fop a kiɓ a mbokat a den. Neene, boo a seek aluu refna a fi’na ke waruuna, xan cer ke a njokoox, soo a maak kam o mbeq.

Efees 4:16 Referans Kwoze

Kolos 2:19

soo a fañ o reefan a Kiristaa fee refna xoox le saqna cer ke fop. Cer keene, o fog fo a kiɓ kaa mbokat a den, soo Roog a cooxaa a den kaa da maakitna na Kiristaa.

YEGIL MBAAX NE YEESU ne Saŋ a bindtuuna 15:5

Mi refu ndaxar ne, nu ndef xa par axe. Oxuu saxna na mi, um sax no ten, xan a saq xa tim xa mayu. Um refangee fa nuun, nu mbaagoodee dara.

Kolos 2:2

ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.

Efees 4:12

Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.

1 Korint 13:13

Yaaga koy, tig tadik kene rek saƭku, too den na yoqkaa, ta ref o ngim fo yaakaar fo o mbeq, ndaa ke moƴna o magin no tadik keene refu o mbeq.

Efees 4:15

Kaa koy, boo i layaa ndigil ne fo o mbeq, xan i maak no kuu ta refna ref farna fa Kiristaa refna xoox le.

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

1 Tesalonik 2:13

Ten taxu, i ngen no ƥoxotaa a Roog o ngidim, yaam nu ndamtee Yegil mbaax ne ten i nannoorna, nen fa lay faa sutoorna no don no kiin soom. Kaa nu ndamtin nen fa lay fa ndigil fee Roog. Fa lay feene koy na jalaa kam a qeeñ nuun, nuun we ngimna.

Filip 1:9

Ke um xeɗaa refu rek ee o mbeq nuun a jof mbaambir, a lingir fo o and tigi fo o jeg-yiif o xoolu,

Efees 3:17

Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

Efees 3:7

Kaam refat o caajal no Yegil mbaax ne yaam ci’it ne Roog a cooxaxama kam yirmande um na pexey doole fee na katil um.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

1Saŋ 4:16

In o mat, i anda ne Roog a fexitna a in, too i ngimaan. Roog o mbeq oo. Oxe genna no mbeq, na Roog a genu, too Roog itam, no ten a genu.

2 Tesalonik 1:3

Kaa i mbar o ngidmaa a Roog kili yaam nuun, nuun fog gimu we, too keene sax kaa warna o jeg oo, yaam o ngim nuun kaa moƴ o jofaa mbaambir rek, soo o mbeq onqe o kiin oo kiin a jegna no lakas we a xay no xuu refna na nuun.

1 Tesalonik 3:12

Yaasam o Yaal oxe a xayandaa, too a mayƭandaa o mbeq onqe nu njegna a ndeer nuun fo ne nu mbexitna lakas we itam, boo ta nand fo o mbeq onqe i njegna na nuun.

1 Tesalonik 1:3

I ñakee o mbetandooxaa a nuun na qeƭ in mbaambir Roog Faap in yaam o ngim nuun o laltinooxu nqe fo o mbeq onqe nuun na jaflaxnooraa a nuun fo yaakaar mbooru ne nu njegna no Yaal in Yeesu Kiristaa.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

O leetar ole Pool a bindna GIMU WE NGENNA ROM 12:4

A jega a seek a mayu no njer no kiin, too ke a seek aluu refna a jalaa, a guutatira fo ke a kend um a fi’aa.

1 Korint 10:17

In we na nqaajraa mbuuru ne, i maya, ndaa ne mbuuru ne a refna leng, in itam o leng i ndefu.