Efees 4:15 - NQAARIIT NE ROOG

¹⁵ Kaa koy, boo i layaa ndigil ne fo o mbeq, xan i maak no kuu ta refna ref farna fa Kiristaa refna xoox le.

Efees 4:15 Referans Kwoze

1Saŋ 3:18

Xa teɓandoong es, ba i mbex na ñiiñ fo na fa lay soom, ndaa fat i njeg o mbeq na pi fo no ndigil.

Efees 4:25

Ten taxu, ngoƭatiryo fo o maaɓ. Fat oxuu refna a layaa o kend um ke refna ndigil, yaam in fop, in mbokatooru, mbog njer leng kut ne, oxuu refna a ref a seek no njer ne.

Sakari 8:16

Keeke refu ke nu mbarna mbi: Naangyo layraa ndigil a ndeer nuun, ngate’taa ndigil no qeloorand ke nuun, ndax jam a jeg.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

Efees 2:21

Ten saƭkinu tabax ne boo ta waag o geenoox, ndax ta refat Mbind Roog tedu no Yaal oxe.

Efees 1:22

Roog kaa doon tig kuu refna na caf Kiristaa, soo a ci’in ta ref xoox le no fog ole no gimu we fop.

1 Piyeer 2:2

Nandyo nen xa qeq axaa sogeena o ndim, ñoowtaa fa lay fa nqoolu fee Roog ne da ñoowtitaa fo ɗeen, ndax nu maakaa too muc.

O leetar ole Pool a bindna GIMU WE NGENNA ROM 12:9

O mbeq waree o jeg luq-luq fa leng. Fat nu mbañ ke faaxeerna, soo saaƭoox no fop ke faaxna.

YEGIL MBAAX NE YEESU ne Saŋ a bindtuuna 1:47

Yaa Yeesu a ga’na a Natana’el a garaa me ten, a laya kaa jofna no ten ee: «Kene refu o Ii-isra’el tigi, mbi’akaan leng refee no ten.»

Efees 5:23

Yaam o kor refu kelfa no teem, ne Kiristaa a refitna kelfa no fog ole no gimu we. Kiristaa fee fa xoox um refu o Muumucil oxe no gimu we ndefna cer um.

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.

A kim a tedu ke 32:2

Ndaw o ɗaay no xe o Yaal oxe a ɗeeteerna tooñ um, too nqooƭ nof refee no ten.

Haahate we 16:15

Dalila a layaan ee: «Nam waago o layit ee bugaxamo too hoolooxiraamo? A caf a tadak akaa o ŋastaxam, fañaam o lay me doole fa maak fee wo a hatna.»

2 Korint 8:8

Refee yee kebil um cooxaa a nuun, ndaa kaam lalaa a nuun o jaflax ole lakas we a njegna, ndax o mbeq o ndiindigil onqe nuun a waag o ɗeetaqinel.

1 Korint 11:3

Kaa koy, a jega kaa buguuma nu and: O koor kelfa’u o tew, Kiristaa a kelfa o koor, Roog a kelfa a Kiristaa.

Efees 1:4

Na Kiristaa Roog kaa jil a in, yaaga sakafulee adna fee, ndax i ted too ñak sik mbaambir um. Kam o mbeq um,