Efees 4:14 - NQAARIIT NE ROOG

¹⁴ Yaaga i ndefkatee xa teɓandoong axaa a yag-ee-yag ake a ƥisaa, soo a cangin a andand ake wiin naanax a ndalinna a ndiñaa a den mene fo maana. Wiin weene kaa mo’nooraa lakas we na pexey o ƴiƴ ole da nqalaatanna a qoox den.

Efees 4:14 Referans Kwoze

Hebre 13:9

Ba nu ndeɓ a qoox nuun, boo mo’noorel na cangin a pogreer akaa o leng a andeerna. Ke jegna o njiriiñ kañ refu nu saƭakinit a qeeñ nuun yirmande Roog. Keene waree o inoor muk no ɓaalaa kebil kaa njaginna no ñaamel. We na mbadnaa kebil keene, kasaara soom a njegitkaa teen.

1 Korint 14:20

Fog es, ngela ba nu saq yiif no ndeɓandoong. No paaxeer koy, njaɓyo o ndef xa qeq, ndaa fat nu ndef maak no Yiif le Roog,

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

2 Korint 2:17

Yaam in o mat, i ndefee nen wiin mayu we na njula’aa fa lay fee Roog. Kaa koy, kaa i ndef waa na laytaa a qool qac kaa farna na Kiristaa mbaambir Roog, yaam Roog o mat lulu a in, i ndef faɗ Kiristaa.

Saak 1:6

O kiin a xeɗangaa a Roog tig, fat a fañ o jeg a yiif-a-ƭak. A wara o gim ndigil ee xan Roog a ci’in o ten, yaam oxe jegna a yiif-a-ƭak kaa nand fo a yag-ee-yag akaa nqeñ ne riñaa o mbiñ fo o mbiñ.

Efees 6:11

Nqotyo ƥonax ke Roog fop ndax nu mbaag o nqox pexey ke no ƈiƴ oxe.

Mace 24:24

Xan Kiristaa maamaaɓ fo duleer maamaaɓ a mbeeñ, too xan a mbi’aa xa anddiloor xa magnu fo comlaand, ndax da nax we Roog a jilna sax, a mbaagangaan.

2 Timote 4:3

Xan a jeg jamaane faa a ƭat no wiin we a yongkateerna na cangin a ñoow ale. Yaam ne a yuxum den a adinkaa a den, da saakaa pel, a mbaaƭaa jaajangin fagkatar waa na mbugko layanaa a den ke nof den a ndiiraa.

Yudaa 1:12

A tef den fa nuun yaa nu ndeerna a ñaam kaa ref na nuun njom, a topatooxaa a qoox den soom. Muu da ndefna kaa laltaa o ruud den, too njegee teen gaci. Kaa nand nen a karinj akaa nqeñ ne a yetnaa, too ndeɓkee foofi muk. Kaa nand itam nen taxar ke ndimkeerna muk, a refangaa sax ee waxtu den kaa gar. Taxar keene njegee a paƴ. Kaa nqon boo faq!

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

Galati 3:1

Cey, Gaagalati ñaku xoox we! An laxadu a qoox nuun? Nu mbetandooxe a paax ne Yeesu Kiristaa a warit’eena na kurwaa boo kaa fi’at sax nen kaa nu maadin.

Mace 24:11

Xan a jeg duleer maamaaɓ mayu waa ngarna, too xan a nax wiin mayu.

1Saŋ 2:26

Bindaam a nuun keene, yaam we na mo’andaa a nuun.

2 Timote 3:13

Soxodu we fo fan we koy kaa mbugko moƴ o loofaa na bakaad, a mo, a mo’andaa lakas we.

Esayi 28:9

Kaa da laamtaa yee: «Ndi an Esayi a aqatinaa o and? An a xooldandaa a cangin ale? A toɓtatin akaa na sogaa mbaas ƭeen a aqatinaa.

2 Korint 4:2

Kaa i njoor maana a pi a yememaar a sednooxu ke, too naanaxir leng refatee na in. I sufaalee fa lay fee Roog muk, ndaa kaa i yegnitaa ndigil ne, too mbaaƭaa naa wiin we fop a ngoolooritna a in mbaambir Roog.

Mace 11:7

Yaa da nqaadatna, Yeesu a laya wiin mayu waa no kaa farna na Saŋ o Paabatiise xe yee: «Xar nu ƭeetik’u na koƥ-a-ƥor alaa? Ndax o siind olaa nqeñ ne a yo’naa nu ƭeetik’u?

1 Korint 12:2

Nu anda yee, ye nu ndefaa yeefar, kaa nu ndeɓoox’u no pangool ke, mbaɗooxaa a den, den we mbaageerna fa lay.

A pi ake 23:21

Kaa koy, ba o jaɓ ke da nqeɗiidang, yaam waa ngupna qar­ɓeen nahik a ƭaapanaan mbog. Kaa ndaaɓoox ee a refangeerna kaa mbar a Pool, ñaamkee, yerkee. Ndiiki koy, waaj den a ɓela, too fa lay of soom a nan-gilooxataa.»

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.

A kim a tedu ke 59:3

Wataam no we na mbi’aa njofaƭar, muclaam no wiin fo’oy we,

A kim a tedu ke 10:9

Kaa ɗasaa a paax, a fogoox nen njogoy kam ngol, a ɓeedaa o ndool onqe ndax ta damin, a naagin nuus soo a ɗooqtin mbaal um.

1Saŋ 2:19

Kam in a sutooru, ndaa mbog’ee na in, yaam a mbog’angaa na in tigi, a yoqkooga fa in. Keene a xewa, ndax ta woor a in ee fop mbogee na in.

2 Piyeer 2:18

Fo a ƭelem a cegee xoox akaa mayna fo o nga’atinax, kaa naxaa we na sogaa o muc a ndeer no wiin we na ñoowaa na ƭat a saŋkax ale, yaam a yaaw cer den a paaxeer ake na ƥekaa a den caasaay.

Saak 3:4

Ƭeetaqinyo itam a kaal a maak ake: A kaal akeene a magna lool, ndaa a jega o feɗir o dutuuñ olaa andoona yee nqeñ ne a ɗomangaa sax, a kaal ale a xot me o ƈuuƴufin oxe a bugna.

1 Timote 3:6

Waree o ref itam oxaa na sogaa o gim, yaam ndik o nga’atinax a rokin, ta yen no kate ne o ƈiƴ oxe a yenna.

2 Timote 1:15

Refee andaa yee Aa-asi we fop a mbesaxam a cinj, boo no goor wene: Figel fa Hermosen.

1 Korint 3:19

Yaam o jeg-yiif ole na adna feeke, o ñak-xoox Roog a fi’un. Ten taxu ta layel na Pind a Tedu ke yee: «Roog kaa maaftaa jegu yiif we o ƴiƴ den.»