Efees 4:12 - NQAARIIT NE ROOG

¹² Kaa fi’it neene, ndax ta jagand we mbogna na xeet fee Roog, da mbadin calel ke gimu we a ndoxondeena, a njokaa cer ke Kiristaa kam o ngim onqe.

Efees 4:12 Referans Kwoze

Efees 4:16

O ten fi’u boo a seek a pogreer ake no cer ke a mbaag o mbokatoor, soo cer ke fop a kiɓ a mbokat a den. Neene, boo a seek aluu refna a fi’na ke waruuna, xan cer ke a njokoox, soo a maak kam o mbeq.

1 Korint 12:27

Neene nu ndeftu cer ke Kiristaa, oxuu refna a ref teen a seek.

O leetar ole Pool a bindna GIMU WE NGENNA ROM 15:14

Fog es, mi fa xoox es andaam no ndigil ee nu maya fo o paaxel. A xoolaxam tigi yee nu anda ke wareena o and fop bo ta dey. Nu anda itam ne nu mbaagna o cooxrit xa as a ndeer nuun.

1 Korint 14:26

Yaaga koy, fog es, xar waru? Boo nu mbokatoorna, fat nu ƭofit kuu fi’eena a jok o ñoow no we mbokatoorna, oxuu jegna a kim a tedu mbaat kaa ta janginna mbaat mbeeñil naa ta bugeena o xaajir mbaat lak-yiif mbaat a lapatax, fat a inoox, a geenoox, ndax fop a jokteel o ñoow no gimu we.

O leetar ole Pool a bindna GIMU WE NGENNA ROM 14:19

Yaaga boog, fat i naaɓaa ke na ɓisiidaa jam, too a jokaa o ngim a ndeer in.

1 Timote 1:12

Kaam gidmaa oxe dif’axama, ta ref Kiristaa Yeesu fee o Yaal in, yaam ne ta ɗeetaxama nen o kore’u, soo a ɓekaam no calel um,

1 Korint 14:12

Yaaga koy, feek ke Yiif le Roog a ci’taa nu ngindaa, mbaaƭyo ke na jokaa mbokatax ne no gimu we fop.

Hebre 13:17

Nananyo we na ƭoxaa a nuun, neewandoox mbaambir den, yaam kaa ndef waa na ngaynaakaa xa laaw nuun kili. Weene xan a njangtoox a Roog ke da njalna. Boo nu nananaa a den, xan a mbadin calel den fo o ɗaay. Keene a jegangee koy, xan a mbadnitin naqad, ta ref kasaara na nuun.

Hebre 6:1

Yaaga boog, fat i nqaƴ a cangin a koƭeer ale jaginna na fa lay fee Kiristaa. Kaam ee fat i suur na cangin ale maak we a ndaawaa, mbañ o ndalnahin a cangin ale na layaa kaa farna no fes a cinj a pi a qonu ke, soo ngimat na Roog.

2 Korint 6:3

I mbugee dara kaa tolofnoorna o kiin, no kuu ta waagna waag o ref, yaam ndik Yegil mbaax ne a ref na in ŋañel.

2 Korint 5:18

Keene fop na Roog a inooru, ten fee jofoorandna a in fa xoox um na pexey Kiristaa, soo a doxin a in i ndef dag no njofoor ne.

YEGIL MBAAX NE YEESU ne Lik a bindtuuna 22:32

Kaa koy, xeɗanaaxoong, ndax o ngim of ñufkee. Boo nomtooxiidoona, fat o saƭkand xa teɓ of.»

2 Timote 4:5

Wo o mat, fat o fod no kuu refna, fañ o hupal, jaɓ o coono. Fi’i ke o baawaare Yegil mbaax ne a warna o fi, calel of, o fadnitin ne ta waritna.

Kolos 4:17

Layanaamoo a Arkip ta foŋik calel ke o Yaal oxe a doxnuuna, ndax ta waagin o jalit ne ta waritna.

Kolos 1:28

O ten o mat koy i yegnitaa, maƭooxaa o kiin oo kiin, njangnaa a den o and tigi, ndax oxuu refna a waag o geenoox mbaambir Roog, a ñak sik na Kiristaa.

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

Efees 1:23

O fog ole no gimu we refu cer ke Kiristaa. No ten Kiristaa a genu bo ta dey, ten fee mayƭandna ke sakeena fop.

2 Korint 12:19

Kaa nu miñ o nqalaataa yee kaa i njofandataa a qoox in mbaambir nuun. Kaa koy, mbaambir Roog i laytaa keene fop na pexey Kiristaa, nuun qaariit ke ndalna na qeeñ in bo, kaa i mbug o njok a nuun kam o ngim onqe.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

2 Korint 3:8

yaaga nam a qoolaand ale no calel ke no Yiif Tedu le a waru o fod?

1 Korint 14:14

Um naagangaa o xeɗaa na lak-yiif, yiif es oxe na qeƭ, ndaa o and es rimee dara. Refee yee ten na laynooraxam.

O leetar ole Pool a bindna GIMU WE NGENNA ROM 15:29

Andaam koy ee boo um garaa, xam fadtiid barke fa ndeyu sik fee Kiristaa.

O leetar ole Pool a bindna GIMU WE NGENNA ROM 15:2

Fat oxuu refna na in a waaƭaa ke faaxna no kend um, ndax oxeene a moƴ o jof mbaambir no ngim um.

O leetar ole Pool a bindna GIMU WE NGENNA ROM 12:7

O lakas a jegangaa ci’it no tiidimle, fat a dimle’it. Oxe jegna ci’it a cangin, a jangin itam.

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

A pi ake 9:31

O fog ole no gimu we a ref’ata na jam kam xa cegel axene fop: Yudee fa Galile fa Samari. Kaa jokooxoogu, a ñoowaa no saɗar o Yaal oxe, soo a xayaa no pexey o ndimle nqe no Yiif Tedu le.

A pi ake 1:25

ndax ta rondand a Yudaa na seek um ale refna calel apootar kene ta xaƴna, soo a xaad me ta jegeena.»

A pi ake 1:17

Yudaa o leng na in a reeƭu, too a jeg’a a las no calel ke in.

2 Timote 4:11

Lik soom yoqu fa mi. Boo o garaa, fat o yooniid fa Mark, yaam a jega na mi o njiriiñ no calel ke.

Efees 4:29

Ba nu lay ɗelem faaxeer leng! Layyo soom a ƭelem a cegu o njiriiñ akaa na ndimle’aa lakas we, da njof mbaambir no ngim onqe. A ƭelem a nandu neene kaa ƭaxaa soxla, too a mbi’anaa paax we na nan-gilooxaa a den.

Efees 4:4

Njer leng kut jegu fo Yiif Tedu leng kut. Neene nu nqoyte no yaakaar leng kut itam na pexey o xoy ole nuun.

2 Korint 13:9

I neewangaa doole soo nuun o mat, nu ndef doole fa ƥor, kaa i mbelakinooxaa teen, too ke i nqeɗanaa a nuun refu nu ñak sik.

1 Korint 12:7

Oxuu refna koy, kaa danqel no ke Yiif le Roog a ci’taa, a reefandel no ke jeganna mbokatax ne no gimu we fop o njiriiñ.

O leetar ole Pool a bindna GIMU WE NGENNA ROM 12:5

Neene itam, in we mbogna na Kiristaa, ke i mayna may fop oo, njer leng kut i ndefu no mbokatoor ne in fa Kiristaa, too kaa i ngiɓoor a ndeer in nen a seek ake mbokatoorna, a ndef njer leng kut ne.

2 Korint 13:11

Ndiiki koy fog we, fat o ɗaay a ref fa nuun! Njeemyo o njagandoox, yaalooraa, mbog xalaat, ñoowaa na jam! Yaaga Roog fee refna o mbeq fa jam xan a ref fa nuun.