boo nu mbaag o mbetandoox yegnit padafuleer ke no duleer tedu we yaaga, mbetandoox itam kebil ne no Yaal oxe fo o Muumucil oxe, apootar we nuun a njanginna.
A ci’axam itam, ndax um xoolandan wiin we fop, da and ne kunpa fee Roog a wareena o feeñlit. Roog oxe sakna fop, kaa bug’u o ɗasin yuuƥ neene, yaaga boo fa ndiik.
Piyeer a laya a den ee: «Refee nu anda yee a ƭat no Yaawuur kaa xañtaam um fokatoor fo o tefee o Yaawuur mbaat um rok no mbind um. Mi o mat, Roog kaa lalaam ee wariim o ɗeet o kiin o leng nen tiimbel mbaat qoolaƭaru.
Kaa koy, boo o Yaayaal oxe, refna ref Yiif Tedu le Faap fee a luliidkaa no gon es a garna, xan a jangin a nuun fop, a wetand a nuun fop ke layuuma a nuun.
Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.
Kaa koy, yaa Yiif le Roog saqna ndigil ne a garkaa, xan a ɗox a nuun no ndigil ne fop, yaam layitkee a xoox um, ndaa ke ta nanna rek, too xan a yegin a nuun kaa fadiidafuleerna.
Ten taxu nan-gilooxaamoo! Mexe ɓisiidaa me nuun duleer fo yaal-o-and fo waa na mbugko njangnaa a Pind a Tedu ke. Kaa koy, xan nu mbar leng we, lakas we nu ndeng a den na kurwaa, we yoqna nu nqaw a den xa cap kam pind a qeƭ ke nuun, soo ñagadilit a den na teeru boo na teeru.
neen qeet mayu a ndefitkaa no jaq yaam o ten, soo maad we a naang cel mbaambir um, yaam xan a nga kaa da mosaandeena o yegin, a and kaa da moseerna o nan ta layteel.»