Biblia Todo Logo
Bib sou entènèt

- Piblisite -




Efees 3:20 - NQAARIIT NE ROOG

20 Na pexey katil ne na jalaa na in, Roog a jega sañ-sañ faa ta fi’taa kili kupu ke i nqeɗaa mbaat i nqalaatan sax.

Gade chapit la Kopi




Efees 3:20
32 Referans Kwoze  

Roog a jega katil faa ta mayƭanditna a nuun fo paax kuu ndefna, nu ngen no njegaa kili ƭaxir soxla nuun fop, boo ta yoq kaa waagna o jal paax,


A woor’aan ee Roog a jega katil naa ta fadnitna ke ta regitna.


«Andaa yee mi refu o Yaal oxe, Roog fee no pindeef ke fop. Ndax a jega kaa xoxaxama?


Roog oxe refna o leng, a ref o Muumucil in na pexey o Yaal in Yeesu Kiristaa, ten soom waagu o saytoox a nuun no njom nuu refna. O ten waagu o geenin a nuun itam no ndam um, nu ñak sik, ndef no ɗaay o maak. Yaasam ta ɓoxotel o ndam fo maat fa doole fa sañ-sañ no kaa xotitna no mberaand naa, a gar ndiiki bo na moos boo moos! Amiini.


No kaa farna no jeg-yiif oleene koy, a Pind a Tedu ke a laya yee: «Kaa ref kaa a ngid a ga’eerna, nof ɗaaɗiran, too yiif no kiin gomiran. Kaa ref kaa Roog a roxanna we mbexuuna.»


Kaam xeɗaa itam, ndax nu and ke refna katil maak njegee hap ne ta jegna na in, in gimu we. Katil neene refu sax ke Roog a lalitna fa doole fa mbagkatar,


‹Ey, o Yaal oxe na refkaa boo faw, wo saktu asamaan fo lanq katil magnu of fo o ɓay o jegu doole le wo. Dara xoxirang.


Ten taxu, ndiiki Yeesu a waaga o mucil boo faw we na matiidaa a Roog na pexey um, yaam oxe ñoowaa boo xaye, ndax ta xeɗanaa a den a Roog.


Kaam refat o caajal no Yegil mbaax ne yaam ci’it ne Roog a cooxaxama kam yirmande um na pexey doole fee na katil um.


Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.


Xam ci’ong itam kaa xeɗeeraxamoona, ta ref halal fo o ndam, too no ñoow of fop jegkee o leng oxaa nandna fa wo a ndeer no maad we.


Ye Abram a jegna xa kiid qarɓeen ɓetuu nahik fo xa kiid ɓetaa nahaq, o Yaal oxe a feeñooxaan, a layin ee: «Mi refu Roog o Cegu katil oxe. Ñaaƴti o cofel mbaambir es boog!


Kaaga a jegangaa, Roog fee i ndagoo-xaa a waaga o mucil a in na fuur faa na kaƥaa jir-jir, too xan a mucil a in na xa ƥay of sax, wo o maad oxe.


Keene itam refu calel es, um gomriteel doole um, ta jalaa na mi fa katil.


Amatsiya a laya o kiin Roog oxe yee: «Nam um fi’kaa koy fa xaaliis fee cooxuuma xiixire weene?» A doonaan ee: «O Yaal oxe a jega pexey naa ta ci’toonga kupu keene.»


O kuuɗ, nguuƭ fo a bar fo yaq na inan. Mi koy, kaam gar, ndax paal ke mi a njeg o ñoow, a njegin ta dey sik.


Maaga, o Yaal oxe a joonaan, a falalooxahin ee: «Mi yoo, mi o Yaal oxe refna Roog fa mayu yirmande, laabiir, muñantaa, may fo o paaxel soo gore.


Roog soom cooxu wiin we kebil ke. Ten soom jegu hate fee. Ten soom waagu o mucil wiin we. Ten soom waagu o saŋik a den. Wo koy, an foogo yee o ten refo, boo hate’aa o pog of?


Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.


Yaa mbeet naa a leeliidaa, o maad oxe a inooxa, a siipan maa cogoy kaa a mbegeena.


Abraham a xalaata yee Roog a jega sañ-sañ faa ta xontooxnooritna oxaa xonna. Neene, Abraham a daawatin’a a Isaak nen o qontooxu.


Fat o soxodu xe a waas a ƭat um, o piifi paaxeer oxe a supit a qalaat um. Fat a ngeleeroox farna fo o Yaal oxe na yirimkaa a den, a njaɓnoox na Roog in fee na waasantaa boo ta dey sik.


Boo nu mbi’taa neene, xan nu ci’el maa nu ndokitna kam Maat mbagkeer ne no Yaal in fo o Muumucil in Yeesu Kiristaa.


Xan a may fo piɗ mosu, a mbecoox fo o ɗaay, a mbelakinoox soo a soroxole. Xan a cooxel o ndam onqe Libaŋ fo o mosel ole no joong ole Karmel fa Saron. Xan a nga o ndam onqe no Yaal oxe, o mosel Roog in.


Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.


Ndaa sax, wo o Yaal oxe na refkaa boo faw, keene deyirang boo o fi’an ƥasil es a tegit alaa na fadnooxkaa no camaane miñu ke na ngaraa, soo doon teen yegnaam o ten, mi fee o tag of refna o kiin soom.


O cigeen es, o toog es, mexe garaa na ƭing es, ɓooriid miir fee mi fo qeeñe-xeeñe ke mi, ɓaƈit xef es, ñaam suum ke, yer biiñ es fo fo sis es. Nuun qaariit ke, ñaamyo boo ngiñ, yer mbug ne boo mbay nep.


Ngela cungyo foofi a ɓisiidel, nu ƥoganel a caf nuun. Ñootnooxafulyo yoora ndaxar neeke.


O maad Salomo koy, a ci’a o maad o tew oxe Saba fop ke ta bug’ina too ta xeɗ’un o ten, kupu ke ta ɓisiid’ina o maad Salomo. Cinj kaaga, o maad o tew oxaa fo a ƭat um a nqaada no saax den.


Swiv nou:

Piblisite


Piblisite