Efees 3:19 - NQAARIIT NE ROOG

¹⁹ Ii, yaasam nu mbaag o and o mbeq onqe Kiristaa, ke o leng a moseeruuna mos o waag o and fop oo, ndax nu mayƭandel fo o yaajel ole Roog fop.

Efees 3:19 Referans Kwoze

Efees 1:23

O fog ole no gimu we refu cer ke Kiristaa. No ten Kiristaa a genu bo ta dey, ten fee mayƭandna ke sakeena fop.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

2 Korint 5:14

O mbeq Kiristaa kaa daaw o adin a in, yaam a woora a in ee o leng kut xonanu fop, ta tekit ee fop a nqonta no ten.

YEGIL MBAAX NE YEESU ne Saŋ a bindtuuna 1:16

I ndaawa koy no paax ke ta garitna fop, ta ref yirmande took yirmande.

Filip 4:7

Yaaga xan jam fee Roog hupna o and oluu refna a xoxit a qeeñ nuun fo a yiif nuun na Kiristaa Yeesu.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

Efees 5:2

Fat nu ñoowaa no mbeq, ne Kiristaa a fexitna a in, boo a ɓoxot o ñis um yaam in. O mbeq onqeene na Kiristaa kaa ref nen a su’nit fa sadax faa ɓoxoteena a Roog too a felin.

Efees 3:18

Yaasam nu mbaag o and, nuun fo we mbogna na xeet fee Roog fop, ne o mbeq onqe Kiristaa a yaajitna soo a jigdit neen, a goƭ took soo a xooɗ.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

YEGIL MBAAX NE YEESU ne Saŋ a bindtuuna 17:3

O ñoow o fagkeer ole koy refu yee da andong, wo fee refna Roog fa leng fa ndigil fee, a and itam oxe luliidoona, ta ref Yeesu Kiristaa.

Mace 5:6

We nqeexeena too a ngoɗomel o cofel ole Roog a ƭaaya, yaam xan a ngiñ!

Efees 5:25

Nuun gor we, fat oxuu refna na nuun a fex o teem, ne Kiristaa a fexitna o fog ole no gimu we boo a ɓoxotanin o ñis um.

A kim a tedu ke 43:4

Maaga, xam matiid o sadaxand ole wo, matong, wo Roog fee o ɗaay es fo o mbelakinax es, soo xilmbanang, wo Roog fee refna Roog es.

Filip 1:7

Xalaat es na nuun fop, nuun we mbogna na yirmande fee daawuuma, keene cofu yoo, yaam kaa nu ndef no xeeñ es, ta ref um ɓekel kaso mbaat yaa um xoxtaa, saƭkandaa Yegil mbaax ne.

A kim a tedu ke 17:15

Mi o mat, o cofel xan a tax um ga mukit of, too um yokooxangaa, xam ɗeetaa o mem of boo deyƭoox.

O leetar ole Pool a bindna GIMU WE NGENNA ROM 8:35

Xar waagu boog o saƭtirand a in fo o mbeq onqe Kiristaa? Ndax coono a refkaa boog, ndi o laaw o xaƭa, ndi ñagadil mbaat nqeex mbaat a ƥangid mbaat taamaala mbaat fa nqon?

O leetar ole Pool a bindna GIMU WE NGENNA ROM 8:39

katil ke took mbaat ke ɗuga lanq mbaat mbindel nuu ta waagna waag o ref, dara teen waagkee o saƭtirand a in fo o mbeq onqe Roog i ndaawitna na Kiristaa Yeesu o Yaal in.

1 Piyeer 1:8

Nu mbexaan, too nu mosiran o nga. Boo ndiik, nu nga’afuliran, ndaa kaa nu ngimaa no ten, soo mbelakinooxaa fo o ɗaay o maak o jegu o ndam onqaa waagaandeena o lay,