Efees 3:17 - NQAARIIT NE ROOG

¹⁷ Kaam xeɗaa, ndax Kiristaa a gen kam a qeeñ nuun na pexey o ngim nuun. Kaam xeɗaa itam nu sax no mbeq onqe, ndamoox, saƭik teen.

Efees 3:17 Referans Kwoze

Kolos 2:7

Saxyo no ten, ndamoox no ten, o ngim onqe a fapit a nuun doole, ne nu njangnit’eena o ten, too ngen no ngidman.

1Saŋ 4:16

In o mat, i anda ne Roog a fexitna a in, too i ngimaan. Roog o mbeq oo. Oxe genna no mbeq, na Roog a genu, too Roog itam, no ten a genu.

YEGIL MBAAX NE YEESU ne Saŋ a bindtuuna 14:23

Yeesu a doonaan ee: «Fexaxama, xan a gay fa lay es, too xan Faap es a fexin itam. Yaaga xan i ngar, ngen no ten.

Galati 2:20

Refatee yee mi na ñoowaa, ndaa Kiristaa na ñoowaa na mi. Kaam ee um naagangaa o xuƥaa ndiiki sax oo, no ngim no Ƥeenqe Roog um ñoowaa, ten fee fexaxama boo a ɓoxot o ñis um yaam mi.

O leetar ole Pool a bindna GIMU WE NGENNA ROM 5:5

Yaakaar ne o mat saalkee na in muk, yaam Roog kaa yip o mbeq um kam a qeeñ in na pexey Yiif Tedu le ta ci’na a in.

Mbeeñil 3:20

Nan-gilooxi! Mexey no ndokand ne koŋ-koŋnaa. Oxuu nanna o ñuxur es, soo a wet begax ne, xam rok me ten, fog fo ten o roon, too ten itam xan a ñaam fa mi.

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

1Saŋ 4:4

Nuun xa teɓandoong es, na Roog nu mbogu, too nu maafa duleer maamaaɓ weene, yaam oxe refna na nuun hupu oxe refna na adna fee.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

YEGIL MBAAX NE YEESU ne Saŋ a bindtuuna 17:23

mi na den, wo na mi, da ndef o leng kut. Neene xan adna fee a and ee wo luliidaxam, a and itam ee fextaa a den, ne fextaxamoona.

YEGIL MBAAX NE YEESU ne Saŋ a bindtuuna 14:17

O Yaayaal oxeene refu Yiif le Roog saqna ndigil ne, ndaa o kiin adna waagiran o jaɓ, yaam ga’iran too andiran. Nuun o mat, nu andaan, yaam fa nuun a genu, too xan a ref na nuun.

YEGIL MBAAX NE YEESU ne Lik a bindtuuna 6:48

Oxeene kiin kaa nand fo o koor oxaa waqna boo ta xooɗ, ta sinj mbind um took ɓil. Ye ndiig ne a garna, a qaandiind ake fo a und ake a ngoma mbind ne, ndaa yenee, yaam no ɓil a sinje.

Mace 13:6

Yaa njeeƈ naa a sumna, a leeƥa too a weera, yaam jeg’ee a paƴ.

Galati 5:6

No we ngimna na Kiristaa Yeesu, xucoox fo o ñak o xucoox mbodu, too ƭaxee dara. O ngim onqe o mbeq a ñoownaa soom jegu o njiriiñ.

YEGIL MBAAX NE YEESU ne Saŋ a bindtuuna 6:56

Ñaamna cer es, a yer fo’oy es, xan a sax na mi, um sax no ten.

1 Korint 8:1

Nu laamta itam kaa jofna no ke sadaxeena pangool ke. Ndigil oo, in fop, «oxuu refna na in a jega o and», ne ta layeel, ndaa o and oleene, no ga’atinax rek a ɓekaa a in. O mbeq kañ, na jokaa o kiin.

1 Korint 3:6

Kaam jimb, Apolos a soor, Roog a maakin ndaxar ne.

2 Korint 13:5

Fat nu ngoroox o ñoowooƭ nuun boo and, ndax nu njega o ngim. Ƭeetlooxyo boog! Ndax nu anddilooxa yee Yeesu Kiristaa oxe na nuun? Kaa koy, fat a soƥ ee ƭeetlax ne refkee njom na nuun.