Efees 3:16 - NQAARIIT NE ROOG

¹⁶ Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

Efees 3:16 Referans Kwoze

Kolos 1:11

Kaa i nqeɗaa itam doole um fee jegna o ndam a fap a nuun o saax oo saax, ndax nu mbaag o saƭik too njeg o muñ,

Filip 4:13

Waagaam fop yaam oxe na dif’axam.

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

Sakari 10:12

Xam fi xeet es a njeg doole, a ñaaƴaa no gon es. Mi o Yaal oxe layun.»

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.

2 Korint 4:16

Ten taxu i mo’nee njambaar in, too sax ke refna ngiin tafil in a yaqooxangaa, xan ngiin kam ne a saxatinaa ñaal oo ñaal.

Efees 6:10

Ndiiki koy, ne nu mbogna no Yaal oxe, mbaaƭityo no ten doole nuun, too ndokoox katil magnu ne ten.

2 Korint 12:9

Kaa koy, a doonaxam ee: «Yirmande es a deyaang, yaam katil es, we neewna doole a refanu.» Ten taxu yoo, xam moƴ o fakoorit o neew doole es a paax, ndax katil ne Kiristaa a fudoox took es.

Filip 4:19

Roog es koy, xan a ɗaxit coxla nuun fop halal um fo o ndam um na Kiristaa Yeesu.

A kim a tedu ke 28:8

O Yaal oxe refu doole xeet um. O ten refu njaɓnooxand fo a muc no xe ta ɗuumna.

O leetar ole Pool a bindna GIMU WE NGENNA ROM 7:22

Kaam jegtaa o ɗaay no kebil ke Roog kam ee kam es.

1 Korint 16:13

Ndiiki koy, yetooxyo, saƭik no ngim onqe, ndef goor, too saƭakinooxaa.

A kim a tedu ke 138:3

A koom alaa ƴufginooxoonga, jaaɓaxamo, soɗaam njambaar, ci o laaw es doole.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.

Mace 6:13

too ba o waas a in, i ndok no mbog, ndaa mucli a in no paaxeer oxe. [Yaam wo jegu maat fa katil fo o ndam bo na moos boo moos. Amiini.]›

Efees 1:7

Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Hebre 11:34

A ñufooga xa ñaay xa cegu doole, too a nqox’a laƥ. Ke da ndeeƭna ndeeƭ neewu doole fop oo, a njegnoor’e doole, a ndefat xiixire say, boo a mbaag o maaf xiixire mayu.

Yeremi 31:33

Kaa koy, keeke refu ngiɓoor ne um dalnatinkaa fa xeet fee Isra’el cinj ñaal keene: Xam ɓek kebil es kam a yiif den, bind a den kam a qeeñ den. Maaga, xam ref Roog den, da ndefat xeet es. Mi o Yaal oxe layun.

1 Piyeer 3:4

ndaa fat a ref a qendandax alaa inoorna na qeeñ nuun, a ref yiif damooxu laa ɓuuɓna. O mosel o nandu neene waagee o yaqoox, too a jega o njiriiñ o maak mbaambir Roog.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

O leetar ole Pool a bindna GIMU WE NGENNA ROM 2:29

O Yaawuur tigi refu oxe refuuna kam um, a xucoox no xeeñ. Nquc neene koy, inooree no ke bindeena kam kebil ke, ndaa kaa refit na pexey Yiif le Roog. Yaawuur tigi neene koy, o ndam um naagee o hataa no wiin we ndaa na Roog.

Ke bindeena no xe ne’eena YOB 23:6

Ndax doole um fop a xelooritkoogu fa mi? Ha’aa, ndaa kañ a nan-gilooxkoogaxam a paax.

Efees 3:15

No ten ke sakeena fop a inooru, ta ref na asamaan mbaat took lanq ke.

Kolos 2:2

ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.