Efees 3:15 - NQAARIIT NE ROOG

¹⁵ No ten ke sakeena fop a inooru, ta ref na asamaan mbaat took lanq ke.

Efees 3:15 Referans Kwoze

Efees 1:10

Yuuƥ neene, Roog a fadandkaa yaa hap fee a fadna, refu ta fokat fop ke refna na asamaan fo took lanq ke, da mbog o aa-adax o leng kut, ta ref Kiristaa.

Efees 1:21

Maaga, na asamaan, Kiristaa kaa dalnel took sañ-sañ fuu refna fo maat nuu refna fa katil fuu refna fo ngelfa nuu refna. Kiristaa kaa dalnel itam took gon lakas luu waageena o ne, refee soom na adna fene, ndaa no camaane ke na ngaraa itam.

Mbeeñil 3:12

Oxe na maafkaa koy, xam geennin nen a toodook ta jaƭ Mbind ne na Roog fee mi, too sutooxkatee teen. Xam bind took a tagid um gon le na Roog fee mi, bind teen itam gon le na teeru fee Roog, refna Yeerusaleem fa nqas fee na fudoortiidkaa na asamaan, a inoor na Roog es. Xam bind teen itam gon xas le jeguuma.

Yeremi 33:16

No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Mbeeñil 2:17

Oxuu jegna nof, fat a nan-giloox ke Yiif le a layaa pokatax ke no gimu we: ‹Oxe na maafkaa, xam ci’in maan fa ƭasu. Xam ci’in itam ɓil ran fur. Took ɓil leene koy, gon xas a binde teen. Gon le o mat, o leng andiran a refangee oxe na daawkan.› »

Kolos 1:20

Na Kiristaa, Roog a fi’u fop a njofooratin fo ten, a xotit no ke refna took lanq ke boo no ke refna na asamaan, a njamsa’oor fo ten na pexey fo’oy um le ta ɓaxna na kurwaa.

A pi ake 11:26

Yaa ta ga’uuna, a ɓisaan Ancook. Den ɗik fop a ndeeƭa maaga o hiid o muum, a njangnaa wiin mayu no mbokatax naaga no gimu we kaa farna no ngim onqe. Maaga Ancook, daalbe we a mbere o nqoyit kerceen.

Esayi 65:15

We jiluuma xan a saloortataa gon nuun ee: ‹Yaasam o Yaal oxe na refkaa boo faw a warnoorong nen o leng no weene!› Kaa koy, den we ndefna dag es o mat, xam coox a den gon lakas.

Efees 3:14

Ten taxu mexe gooknooxaa mbaambir Roog Faap fee.

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.