Efees 3:13 - NQAARIIT NE ROOG

¹³ Neene boog, mexe xeɗaa a nuun nu mbañ o ndeɓ njambaar ne nu njegna, yaam coono ke um gomanaa a nuun. Coono keene na ndimaa o ndam nuun.

Efees 3:13 Referans Kwoze

2 Tesalonik 3:13

Nuun o mat fog we, ba nu lay muk ee: «I nqija no paax ke i mbi’aa.»

Kolos 1:24

Jegaam o mbelakinax lool no coono ke um coono’aa yaam nuun. Keene koy, kaa ref kaa um ɓaataa no coono ke Kiristaa no cer es, fadnanan o fog ole no gimu we, refna ref cer ke Kiristaa.

2 Korint 1:6

Boo i ndefna no torox koy, a yaalax nuun fo a muc nuun taxun. Boo i yaaleena itam, o saƭkel ole na yaalax nuun taxun, ndax nu mbaag o ndoxondoox coono leng kut ke i miñna o ndoxondooxaa.

Efees 3:1

Ten taxu, mi Pool fee Kiristaa a taxna um wegel kaso yaam nuun, kaam gen no xeɗanaa a nuun a Roog, nuun we ndefeerna Yaawuur.

Sofoni 3:16

A koom, xan Yeerusaleem a layel ee: «Wo Siyoŋ, ba o saɗar dara! Ba xa ƥay of a leeƈoox!

Galati 6:9

Baa o fi paax a fas a in. I yapatilangee a pi a paax, i ñakkee o saxad muk, yaa hap fee a fadiidna.

A pi ake 14:22

A ndif’ooga a qeeñ ake no daalbe we, a saƭakinaa a den da sax no ngim onqe, too a layaa a den ee: «Kaa i mbar o ngom coono mayu, soo ndokkaa no Maat ne Roog.»

A cangatin ale 20:3

Fat a lay a den ee: ‹Nuun xiixire we Isra’el, nan-gilooxyo! Me ta refna koy, o nqire fo fañ nuun yoqu. Nu njasnoorangaa fa den, ba nu ñak njambaar, ba nu ndiid, ba nu mbiriɓ too ba nu send,

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

Filip 2:18

Nuun itam, mbelakinoorityo neene. Kaam ee nu mbelakinoox fa mi.