Efees 3:10 - NQAARIIT NE ROOG

¹⁰ Kaa koy, ndiiki, na pexey o fog ole no gimu we, kelfa ke fo sañ-sañ ke ndeer asamaan fa lanq a mbaaga o and o jeg-yiif ole Roog.

Efees 3:10 Referans Kwoze

1 Piyeer 1:12

Roog a feeñla duleer weene yee den fa qoox den maadkee yegnit padafuleer keene. Nuun we taxna da ndef jaajal no keene o mat na maadkan. Ndiiki koy, Yiif Tedu le inoorna na asamaan a yegna a nuun nduleer neene na pexey no we mbaare’na a nuun Yegil mbaax ne. Malaaka ke sax a mbug’a o and keene.

Efees 6:12

Yaam i mbaree o maafir fo wiin we, ndaa fo kelfa ke fo sañ-sañ ke fo aa-adax we na yiif ake ndefna no niɓaan ole fo katil ke na yiif a paaxeer ake ndefna ndeer asamaan fa lanq.

1 Korint 2:7

O jeg-yiif ole i mbaare’aa refu ole hatna na Roog, a ref kunpa, too Roog a yuuɓ’un yaaga jamaane jegafulee, ndax ta ɓis a in no ndam.

O leetar ole Pool a bindna GIMU WE NGENNA ROM 11:33

An waagu waag o xoolin ne yirmande fee Roog a magnitna fo ne o and ole ten fo o jeg-yiif ole ten a nqooɗitna? Kaam ee, an waagu o and yuuƥ ke Roog? Ndi an waagu o tekit o jaf um?

Efees 1:21

Maaga, na asamaan, Kiristaa kaa dalnel took sañ-sañ fuu refna fo maat nuu refna fa katil fuu refna fo ngelfa nuu refna. Kiristaa kaa dalnel itam took gon lakas luu waageena o ne, refee soom na adna fene, ndaa no camaane ke na ngaraa itam.

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

1 Korint 1:24

Kaa koy, no we ngimna fop, ta ref o Yaawuur mbaat o tefee o Yaawuur, Kiristaa refu doole fo o jeg-yiif ole Roog.

1 Piyeer 3:22

fee ŋaayna na asamaan, a ref na ñamaak Roog, a maadooxaa took malaaka ke fo sañ-sañ ke fo katil aa-asamaan ke.

Kolos 1:16

No ten ke sakeena fop a reefande, ta ref ke lanq mbaat ke took, ke waageena o ga fo ke waagaandeena o ga, ta jof no maat fo ngelfa fo a adax fa sañ-sañ. No ten Roog a saktu fop, a sakanin o ten.

1 Timote 3:16

Kunpa fee no reef a Roog tig maak oo: Roog kaa xawoox, a ref o kiin. Yiif le Roog a lalta yee a jofa, malaaka ke a nga’in, ta waare’el adna fa muum. Mayu na adna fee a ngimaan, cinj kaaga, ta yoɗel, a sipel kam o ndam um.

Efees 1:8

fee ta ci’na a in bo ta dey sik, ye ta daawinna a in o and o deyu sik fo o jeg-yiif.

O leetar ole Pool a bindna GIMU WE NGENNA ROM 8:38

Yaam a wooraxam ee dara waagkee o saƭtirand a in fo o mbeq um, ta ref fa nqon mbaat o ñoow, malaaka mbaat cini ke, ke na xewaa ndiiki mbaat ke na garaa,

A kim a tedu ke 104:24

O Yaal oxe, jale of jegee hap. Kaa o fi’it a den o and, den fop. Lanq ke kaa may muut fo sake le wo.

Heseki’el 3:12

Maaga, Yiif le a gifaxam, too nantaam a cinj es fangax combol maak ee: «O ndam onqe no Yaal oxe a hela o simattel no ngenand um!»

A kim a tedu ke 103:20

Simatyo o Yaal oxe, nuun malaaka ke ten, nuun a salma-koor a cegu doole ke na mbadnaa ke ta heblaa, yaa nu nanna o ñuxur um.

Efees 1:23

O fog ole no gimu we refu cer ke Kiristaa. No ten Kiristaa a genu bo ta dey, ten fee mayƭandna ke sakeena fop.

Kolos 2:10

No ten nu njegtu fop, ta dey sik, too ten kelfa’u sañ-sañ fuu refna fo maat nuu refna.

Kolos 2:15

Neene a sañtitu itam sañ-sañ ke fo maat ke, a huyit a den bo dee huyit mbaambir no fop, soo a ɓis a den nen faɗ we mbogna na qaaj ale Kiristaa a maafna.