Efees 2:6 - NQAARIIT NE ROOG

⁶ Roog a nomtiida a in no ñoow ole kam mbokatoor in fa Kiristaa Yeesu, ndax i maadoox fo ten kam asamaan.

Efees 2:6 Referans Kwoze

Efees 1:3

Yaasam Roog Faap fee no Yaal in Yeesu Kiristaa a simatel! A barke’a a in, in we mbogna fa Kiristaa, ye ta ci’na a in barke-yiif fuu refna na asamaan.

YEGIL MBAAX NE YEESU ne Saŋ a bindtuuna 12:26

Oxuu na dagooxaxam, fat a reefaam. Muu refuuma, maaga o tag es a refkaa. Oxuu na dagooxaxam, xan Faap es a niwin.»

YEGIL MBAAX NE YEESU ne Saŋ a bindtuuna 14:3

Boo retuuma, boo nu njeg maa nu moofna, xam nomtooxiid, xot a nuun, ndax me um refkaa, nu ndef maaga nuun itam.

Mace 26:29

Mexe layaa a nuun ee: Yerkatiim kaa inoorna no ndaxar biiñ a refangeerna na bes faa um dakooxkaa o yer fa nuun biiñ fa nqas faa refna kam Maat naa Faap es.»

YEGIL MBAAX NE YEESU ne Lik a bindtuuna 12:37

Faɗ we o yaal den a soƥkaa da yetooxaa a ƭaaya! No ndigil, mexe layaa a nuun ee: Xan a humnoox boo yee ŋaƭ, a diƈ a den, soo a matiid ndax ta dagoox a den.

Kolos 1:18

Ten refu xoox le no fog ole no gimu we fop. Ten refu itam mberaandoong ne, a ret jaaniif, a ref taaw fee eetna o sutoor maaga, ndax ta adoox no kuu refna ref.

Efees 1:1

Mi Pool fee refna apootar Kiristaa Yeesu ne Roog a bugtuuna, na bindaa a nuun o leetar oleeke, nuun gimu tedu we na Kiristaa Yeesu ngenna Efees.

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

Efees 2:13

Kaa koy, ndiiki, yaam ne nu mbogatna fa Kiristaa Yeesu, nuun we andoona yee yaaga kaa nu ngoƭ’u, nu matiidata na pexey fo’oy le Kiristaa.