Efees 2:14 - NQAARIIT NE ROOG

¹⁴ Yaam Kiristaa fa xoox um refu jam in. A fi’a boo Yaawuur we fo we ndefeerna Yaawuur a ndefat xeet fa leng kut. A jofooranda a den, a watin mbañir ne reeƭna a ndeer den, ye ta ɓoxotna cer um.

Efees 2:14 Referans Kwoze

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

Kolos 3:15

Fat jam fee Kiristaa, nu nqoyteena, ndefik njer leng, a gar na qeeñ nuun, nu njeg o ngidim.

Efees 2:15

A laafa kebil ke no Yaawuur we fo bargal ke den na pexey fa nqon um, ndax ta fi xa kurcala xa ƭaq axeene, da ndefat xeet fa leng kut fa nqas, yaa da mbogna fo ten. Neene o mat a dalnitu jam fee.

Kolos 1:20

Na Kiristaa, Roog a fi’u fop a njofooratin fo ten, a xotit no ke refna took lanq ke boo no ke refna na asamaan, a njamsa’oor fo ten na pexey fo’oy um le ta ɓaxna na kurwaa.

Kolos 2:20

Kaa nu nqon fa Kiristaa, tig adna a sooƴ na nuun. Xar taxu boog nu mbesooraa nen wiin adna boo ndiik? Xar taxu nu njaɓ ke da layaa yee:

O leetar ole Pool a bindna GIMU WE NGENNA ROM 5:1

Yaaga boog, ne i ƭeeteena nen jofu yaam o ngim onqe, i njegata jam fa Roog na pexey o Yaal in Yeesu Kiristaa.

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

A pi ake 10:28

Piyeer a laya a den ee: «Refee nu anda yee a ƭat no Yaawuur kaa xañtaam um fokatoor fo o tefee o Yaawuur mbaat um rok no mbind um. Mi o mat, Roog kaa lalaam ee wariim o ɗeet o kiin o leng nen tiimbel mbaat qoolaƭaru.

Hebre 13:20

Roog a xontooxnoora o Yaal in Yeesu a ndeer no xon we. O ten refu o kaynaak o maak oxe na gayaa paal um, yaam ne ta ɓoxotooxna nen sadax na pexey fo’oy um. Fo’oy leene o mat sinju ngiɓoor mbooru ne faafkeerna. Yaasam Roog fee mayna fa jam a ci a nuun doole faa nu mbi’taa paax, ndax nu mbadin ke ta bugna. Yaasam ta fi na in ke feluuna na pexey Yeesu Kiristaa. Kaam ee, yaasam o Yaal oxe Yeesu a ɓoxotel o ndam boo faw. Amiini.

YEGIL MBAAX NE YEESU ne Lik a bindtuuna 2:14

«Tedaanga a hela Roog took asamaan fa jam na adna, took no wiin we ta fexna.»

YEGIL MBAAX NE YEESU ne Saŋ a bindtuuna 10:16

Jegaam koy paal lakas kaa ndefeerna no ged leeke, too waraam o xotiid a den. Xan a nan o ñuxur es, ged leng kut a jegat, da mbog o kaynaak o leng koŋ.

YEGIL MBAAX NE YEESU ne Lik a bindtuuna 1:79

ndax ta xooland we moofna no niɓaan ole fo we ndefna na pelyook fa nqon. Neene koy xan a ɗox a in, i ndeef a ƭat jam.»

Mise 5:5

Weene xan a maadooxan saax le Asuur fo laƥ, a maadooxan saax le Nimrood fo ƥonax mboose. Neene o maad oxe na jam fee a watitkaa a in no Aa-asuur we, yaa da songiidkaa saax le in, boo a caf ake den a ndak no fiisel ole in.

Hebre 7:2

Abraham a cooxaan a seek xarɓaxayandeer ale no ke ta jegiid’ina fop. Gon le Melkisedek kaa eet o tekit ee ‹o maad no cofel›, kaa jolna keene a reeƭa o maad Saleem, tekitna yee ‹o maad jam›.

Efees 4:16

O ten fi’u boo a seek a pogreer ake no cer ke a mbaag o mbokatoor, soo cer ke fop a kiɓ a mbokat a den. Neene, boo a seek aluu refna a fi’na ke waruuna, xan cer ke a njokoox, soo a maak kam o mbeq.

Efees 3:15

No ten ke sakeena fop a inooru, ta ref na asamaan mbaat took lanq ke.

YEGIL MBAAX NE YEESU ne Saŋ a bindtuuna 16:33

Kaam lay a nuun keene, ndax nu njegit jam na mi. Xan nu njeg coono maak na adna fee, ndaa koy saƭakinooxyo, yaam mi gartu adna fee took.»

YEGIL MBAAX NE YEESU ne Saŋ a bindtuuna 11:52

Reeƭee koy soom yaam xeet fee, ndaa ndax xa ƥiy Roog axe pictoorna a nqurel, a ndefat xeet fa leng koŋ.

Sakari 6:13

Kaam ee ten na maxkaa Mbind ne mi. Xan a ɓoxotel o ndam, a moof no uum-maamaad um, a maadooxan xeet fee. Xan a ref o saasadax no uum-maamaad um, too ƭik ke fop xan a nanoor tigi.

Esteer 3:8

Haamaan a laya o maad Asuwerus ee: «Daali maad, kaa jeg xeet faa ndefna xeet a qoox den, a pasaroox kam xa cegel axe no maat of fop. Kebil den kaa njektir fo ke no qeet lakas ke fop, too ndeefkee muk bargal of. Refkee ngoora of, yaa xaƴoona a den fo njaambuur den.

Efees 2:17

Neene, Kiristaa kaa gar, a yegnitiid Yegil mbaax ne na ɓisiidaa jam. Kaa yegnin a nuun, nuun we ndefeerna Yaawuur, too ngoƭ’u a Roog, a fi’anin Yaawuur we mat’uuna itam.