Efees 2:11 - NQAARIIT NE ROOG

¹¹ Nuun we ndefeerna Yaawuur, nuun o mat we Yaawuur we a nqoyaa xa kaat, soo koy a ne’ooxaa we nqucooxna yaam Roog – keene koy no cer rek a ndayu, a ref o ñaas, o ɓay no kiin a fi’in – nuun boog, fat nu mbetandoox ke nu ndeeƭna yaaga.

Efees 2:11 Referans Kwoze

Kolos 2:11

No ten nu mbi’ante nquc ne refna o ñaas ngiɓoor ne a ndeer nuun fa Roog. Nquc neene koy, o ɓay fi’iran, Kiristaa fi’un, ta ref a bolax no ke cer nuun a yaawaa.

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.

Kolos 3:11

Jegatee njektir leng ndeer o Keegeres fo o Yaawuur mbaat ndeer o qucooxu fo o haat. Jegatee o yokooxeer, jegatee o kiin o naaku, jegatee o paɗ, jegatee jaambuur: Kiristaa kaa ref fop, a ref no fop.

Kolos 1:21

Nuun itam, yaaga, kaa nu ngoƭatir’u fa Roog, ndef fañ um yaam a qalaat nuun fo a pi nuun a paaxeer.

Filip 3:3

We nqucooxna tigi ndefu in we na mbaɗoortaa a Roog Yiif le ten, in we a tagas in a refna na Kiristaa Yeesu, in weeke ndooneerna yaakaar in no cer.

Efees 5:8

Yaaga, kaa nu ndeeƭu kam o niɓaan ole, ndaa ndiiki nu ndefata kam a qoolaand ale, yaam ne nu mbogna no Yaal oxe. Ten taxu, ñaaƴityo nen waa mbogna na qoolaand ale.

Galati 6:12

We andoona yee kaa mbaaƭaa o mbaagir fo wiin we, na seraa a nuun nquc. Keene da mbi’aa fop, kaa mbañaa wiin we a ñaatland a den, yaam ne da ngoolooxna a Kiristaa fee rengeena na kurwaa.

1 Korint 12:2

Nu anda yee, ye nu ndefaa yeefar, kaa nu ndeɓoox’u no pangool ke, mbaɗooxaa a den, den we mbaageerna fa lay.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

1 Sami’el 17:26

Dawid a laamta xiixire waa ndeeƭna paam um ee: «Oxe na warkaa o Fiifilista xene, ndax ta watin o nqas onqe ta xasaa Ii-isra’el we xar a daawkaa? Ndi an o Fiifilista qucooxar oxene a foogu yee ten a refu boo a saɗ o wenaa xiixire we Roog fa ñoow jok fee?»

A cangatin ale 16:12

Fat nu mbetandoox ee nu ndeeƭa faɗ kam saax laa Misira. Ten taxu fat nu ngay a paax ndax nu ndeef kebil keene fop.»

A cangatin ale 15:15

Wetandooxi yee reeƭaa o paɗ kam saax laa Misira, too o Yaal oxe Roog of a watong. Ten taxu um cooxong kebil neene xaye.

A cangatin ale 9:7

«Mbetandooxyo too ba nu mbeecit muk ne nu mbuuxnoortoogna o Yaal oxe Roog nuun kam a koƥ-a-ƥor alaa. No kaa xotitna no ñaal naa nu sutooxna saax laa Misira boo neen nu mbadiidu o mbiñ onqene kaa nu siiknooraa fo ten.

A cangatin ale 8:2

Fat nu mbetandooxaa a ƭat ale o Yaal oxe Roog nuun a xotnoorna a nuun fop kam a koƥ-a-ƥor ale na xa kiid qarɓeen nahik axeene. A doona a nuun coono mayu, ndax ta ɗeetloox a nuun boo a ga ke refna kam a qeeñ nuun, a and ndax nu mbuga ndeef kebil ke ten, ndax nam.

Galati 2:15

In, Yaawuur ndimu a in, too i nqalaatoogee yee baabakaad i ndefu nen we ndefeerna Yaawuur.

Heseki’el 36:31

Maaga, xan nu mbetandoox a pesoorooƭ ale nuun faax’eerna fo a pi ake nuun mbaax’eerna. Nu mbaagkatee o mbadir a kid yaam tooñ ke nuun fo cednooxu ke nuun.

A cangatin ale 5:15

Fat o wetandoox ee reeƭaa o paɗ no saax laa Misira, soo mi o Yaal oxe Roog of, um suttong maaga fo o ɓay o jegu doole le mi fo a naax es ale letnooxna. Ten taxu mi o Yaal oxe Roog of um heblong o roofand bes fee na ñootnax ale.

Heseki’el 20:43

Maaga, xan nu mbetandoox a pesoorooƭ nuun fo a pi ake nu ndoɗganditna a qoox nuun fop. Nu saɗkatee o mbadir a kid, yaam a pi a paaxeer ake nu mbi’na fop.

1 Sami’el 17:36

Neene mat mi fee o tag of wartum njogoy ne fo ursu ne, too neene um fi’kaa o Fiifilista qucooxar oxene. Nen leng na den rek a refkaa, yaam a wena xiixire we Roog fa ñoow jok fee.»

O leetar ole Pool a bindna GIMU WE NGENNA ROM 2:26

A soƥangaa koy ee o haat ole kaa reefaa ke kebil ke a simitna, ndax Roog ɗeetkiran nen o qucooxu, ke ta refna o haat fop oo?

O leetar ole Pool a bindna GIMU WE NGENNA ROM 2:27

Oxe xucooxeerna no cer um, too a fadnaa kebil ke, ndax jambkirang, wo fee xucooxna no cer of, jeg safe le no kebil ke boo ƴut, soo ɗapaa kebil ke ten?

O leetar ole Pool a bindna GIMU WE NGENNA ROM 11:17

Xeet fee Isra’el kaa nand fo ndaxar oliiw nduufe, a naaq a leng a leng a ƭegel teen. Wo fee refeerna o Yaawuur koy, kaa o nand nen a naaq ndaxar oliiw malu, soo dugandel na seek na naaq a ƭege keene. Ndiiki koy, woxe jiriiñooraa a paƴ ale na ñoownaa ndaxar oliiw nduufe ne.

Efees 2:2

Kaa nu ndeefanoogu boog o ñoowooƭ ole na adna fene, nananaa oxe kelfa’na cini ke ndefna ndeer asamaan fa lanq. Ndiiki, yiif faaxeer leene kaa jalaa no wiin we nananeerna a Roog.

Mace 20:7

A ndoonaan ee: ‹O leng jangee jang a in.› A laya a den ee: ‹Ndetyo na ƭing es nuun itam.›