Efees 1:7 - NQAARIIT NE ROOG

⁷ Yaam na pexey fo’oy le Kiristaa i mbate no paaxeer, soo tooñ ke in a mbaasanel. Neene boog, Roog a lala a in o yaajel ole na yirmande um

Efees 1:7 Referans Kwoze

1 Piyeer 2:24

Ten roxondooxu pakaad in no cer um took a teex ale, ndax bakaad a xon na in, soo i ñoowaa no cofel. Na pexey a uut akaa ten nu mbodtu.

O leetar ole Pool a bindna GIMU WE NGENNA ROM 3:24

ndaa kam yirmande um, Roog a ci’a a den, da ndef jofu mbaambir um na pexey Kiristaa Yeesu fee watna a den na bakaad.

Kolos 1:14

i njegit no ten a bateer fo a baasan pakaad.

Hebre 9:22

No ne kebil ke a laytuuna, fo’oy xoolandoogu o moƴ-o-jaak ole fop. Kaa koy, fo’oy a ɓaxooxangee, a baasan pakaad waagee o jeg.

Mace 26:28

yaam kene refu fo’oy es, fo’oy le no ngiɓoor ne. Kaa ɓaxel ndax mayu a mbaasanel pakaad den.

Mbeeñil 5:9

Maaga, a ngimooga a kim a qas alene: «O xot a kayit ale soo ñaƥit xa ñaas axe jombirang, yaam kaa o war’el. Na pexey fo’oy of watanaa a Roog wiin inooru no tim oluu refna, na lak fuu refna fo no saax luu refna fo na xeet fuu refna.

1Saŋ 2:12

Nuun xa teɓandoong axe, mexe bindaa a nuun yaam pakaad nuun a mbaasante no gon Yeesu.

Filip 4:19

Roog es koy, xan a ɗaxit coxla nuun fop halal um fo o ndam um na Kiristaa Yeesu.

Efees 2:7

Kaa fi keene, ndax ta lalit no camaane ke na ngaraa fop halal fa njegee hap fee na yirmande um. Roog kaa laltin, ye ta feeñlaa a in, in we ngimna, o paaxel um na Kiristaa Yeesu.

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

A kim a tedu ke 130:7

Isra’el, ɗagi yaakaar of no Yaal oxe, yaam me ten o mbeq a refu, too a bat ale oxey fo ten bo ta dey sik.

Efees 3:16

Kaam xeɗan, ta ci a nuun, nu saƭik fa doole na pexey Yiif le ten no ngiin kam ne nuun, ndax nu ndaawtin na halal fee no ndam onqe ten.

2 Korint 8:9

Yaam nu anda yirmande fee no Yaal in Yeesu Kiristaa. Ten fee jeg’ina halal bo, a fi’ooxa o ndool yaam nuun, ndax nu njegit halal na pexey o ñak um.

O leetar ole Pool a bindna GIMU WE NGENNA ROM 2:4

Ndax kaa o xeef o paaxel o maak ole Roog fo o muñ ole ten fo o laabiir um? Andiro koy ee o paaxel ole Roog kaa warong o riñ no fes pakaad of a cinj?

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

1Saŋ 2:2

Ten fa xoox um kaa ref sadax faa na ñufaa a qaw ale Roog yaam pakaad in. Refee koy sax ee yaam pakaad in soom, ndaa yaam pakaad ke na adna fee fop.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

A pi ake 2:38

Piyeer a doona a den ee: «Mbesyo pakaad nuun a cinj, too oxuu refna fat a batiise’el no gon Yeesu Kiristaa, ndax pakaad um a mbaasanel, ta daaw Yiif Tedu le Roog a ci’taa.

Mace 20:28

Neene o Ƥeenqe no kiin oxe a gartu, refee yee ndax ta dagooxel, ndaa ndax ta dagoox, soo a cooxit o ñis um nen a su’nit no wiin mayu.»

Dañel 9:9

Kaa koy, wo o Yaal oxe Roog in, kam yirmande of kaa o waasanaa in, ke i siiknoorna fa wo fop oo.

Ke bindeena no xe ne’eena YOB 33:24

xan a yirmin soo a lay a Roog ee: «Wateen, ndax rokkee no gamb le na saŋkax ale, yaam jegaam pexey naa wattanuuma.»

1Saŋ 4:10

Mene o mbeq onqeene a refu: Refee yee in mbexu a Roog, ndaa Roog o mat fexu a in boo a luliid o Ƥeem, ndax ta ref sadax faa na ñufaa a qaw ale Roog no pakaad ke in.

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

Dañel 9:19

O Yaal oxe, nan-gilooxi a in! O Yaal oxe, waasani a in! O Yaal oxe, rungi nof of! Wo Roog es, ñofi ƴufig teeru fee fa xeet fee jegoodoona, ndax gon of a niwel!»

Yeremi 31:34

O leng na den soxla’katee o jangnaa gend um mbaat ta layaa fog um ee: ‹Andyo o Yaal oxe!›, yaam fop xan a andaam, no ke xotitna no xe moƴna o neew boo no xe moƴna o maak, yaam xam waasanit tooñ den too wetandooxkatiim pakaad den. Mi o Yaal oxe layun.»

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

1 Piyeer 3:18

Jaf leng kut, Kiristaa fee jofna a xona yaam pakaad ke no jofaƭaru we, ndax ta ɓisiid a nuun maa Roog. Cer um kiihiin a nqona, ndaa Yiif Tedu le a nomtiidaan no ñoow ole.

Efees 3:8

Mi refu oxe moƴna o neew no we mbogna na xeet fee Roog fop. Yaqanee toox de, Roog a cooxaam ci’it neene, ndax um yegin we ndefeerna Yaawuur Yegil mbaax ne na layaa kaa jofna na halal fa mbagkatar fee Kiristaa.

A pi ake 10:43

Duleer we fop a seede’a no ten ee oxuu gimna no ten, a daaw a baasan pakaad no gon um.»

YEGIL MBAAX NE YEESU ne Saŋ a bindtuuna 20:23

Oxuu nu layna yee: ‹Roog a waasanaang pakaad of›, xan a waasanel a den. Kaa koy, oxuu nu layna yee: ‹Roog waasanirang pakaad of›, xan a maad fa den.»

Mark 14:24

Yeesu a laya a den ee: «Kene refu fo’oy es no ngiɓoor ne ɓaxeena yaam mayu.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

Tiit 3:6

Kaa yip Yiif Tedu le took in bo ta dey sik na pexey Yeesu Kiristaa fee o Muumucil in,

1 Timote 2:6

wuusna o ñis um, ndax ta wat a in, in fop. Neene, ye hap fee a fadna, a cooxta seede yee Roog a buga wiin we fop a muc.

Kolos 2:13

Nuun we tooñ nuun a mbarnoor’ina, a mbokatoor fo ñak ngiɓoor nquc ndiindigil ne war’ina a ndeer nuun fa Roog, Roog a ɓisiida a nuun fa Kiristaa no ñoow ole, ye ta letinna yirmande um, a hul tooñ in nuu refna.

Kolos 2:2

ndax da mbaag o njeg yaaloor, o mbeq a fokat a den, da mbapoor yiif o andik kunpa Roog, ta ref Kiristaa.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

O leetar ole Pool a bindna GIMU WE NGENNA ROM 9:23

Roog kaa bug’u itam o lalit ne o ndam um a yaajitna na in, in we ndefna nqaw ne daawna yirmande um. A jaganda a in yaaga, ndax i ndaaw o ndam um.

A pi ake 3:19

Mbesyo pakaad nuun a cinj boog, too saktoox farna fa Roog, ndax pakaad nuun a mbortel.

YEGIL MBAAX NE YEESU ne Lik a bindtuuna 24:47

soo qeet ke fop a mbaare’el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um.

YEGIL MBAAX NE YEESU ne Lik a bindtuuna 1:77

Xan o andnoor xeet um ee xan a mucil a den na pexey a baasan pakaad den. yaa da mbaasnooxna pakaad den.

Sakari 9:11

O Yaal oxe kaa tee: «A koom, xam ɗeet no ngiɓoor ne i ndalnitna fo’oy, sut we ndefna faɗ na nuun no gamb jegee foofi le da ƥek’eena.

Esayi 43:25

Yaqanee koy, mi na fortaa pakaad of yaam oxe refuuma, too wetandooxkatiim tooñ of.

A sutax ale 34:7

Kaam yirmaa wiin cuni-cuni, waasantaa njofaƭar fo tooñ fo pakaad, ndaa faritkiim oxe tooñna, too kaam rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer.»

Mbeeñil 14:4

Den ndefu we njegeerna soɓe, yaam mosee o yoon fo o tew. Kaa ndeefoogu o Mbaal onqe muu ta jofoogna. Kaa mbat’el ndeer no wiin we, a ndefan a Roog fo o Mbaal onqe nen taawlax.

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

Yoona 4:2

Keeke refu ke ta xeɗ’ina o Yaal oxe: «O Yaal oxe, keene o mat saɗaroogum, ye maad’uuma o refaa no saax es, too ten taxu um ñof’u o ƴufaa farna fa Tarsis. Andaam koy ee Roog fa laabiiru fa mayu yirmande refo. Kaa o muñ, may fo o paaxel, too kaa o ricooxaa paaxeer ke yuuɓoona.

A kim a tedu ke 130:4

Kaa koy, a baasan ale oxey fa wo, ndax o saɗarel.

Mace 6:12

Waasani a in tooñ ke in, ne i mbaasantaa we tooñna a in,

O leetar ole Pool a bindna GIMU WE NGENNA ROM 3:25

Ten o mat Roog a jilu, ndax no we na ngimkaa, fo’oy um a ref sadax fee na ñufaa a qaw ale Roog yaam pakaad ke. Roog a fi’aan, ndax ta waag o lalit o cofel um, yaam ne andoona yee kaa maad’u o muñaa pakaad ke mbi’’eena yaaga.

Efees 1:8

fee ta ci’na a in bo ta dey sik, ye ta daawinna a in o and o deyu sik fo o jeg-yiif.

Efees 1:14

Yiif Tedu le kaa ref a ƭegeer njigand no paax ke Roog a geekanna a in. Kaa woornaa a in ee xan i pokoox keene fop, yaa a bat ale in a fadnooxkaa. Neene, xan o ndam onqe Roog a simatel.

Efees 1:18

Yaasam ta xooland a qeeñ nuun, ndax nu and yaakaar ne taxna Roog a xoy a nuun, and itam ke refna halal fee no paax cegee sik ke ta geekanna we mbogna no ten.