Efees 1:5 - NQAARIIT NE ROOG

⁵ Roog kaa yuuɓ’u yaaga yee xan a fi a in xa ƥeem ŋaƈit na pexey Yeesu Kiristaa. Keene kaa reeƭu ke ta bugna fo ke feluuna.

Efees 1:5 Referans Kwoze

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.

1Saŋ 3:1

Ƭeetyo o mbeq o mbodu nqe Faap fee a lalna a in, boo i nqoyeel xa ƥiy Roog. No ndigil, i ndefaan itam. Adna fee andee a in, yaam ne ta andeerna a Roog.

YEGIL MBAAX NE YEESU ne Saŋ a bindtuuna 1:12

Kaa koy, Roog a fi’a jam boo we njaɓuuna fop, a ngim no gon um, ta ci a den da ndefat xa ƥiy Roog

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

2 Korint 6:18

Xam ref faap nuun, soo nu ndef xa ƥees, goor fo rew.» Keene o mat o Yaal oxe jegna katil a layu.

Mbeeñil 21:7

Oxe na maafkaa, xan a lamit na mi ci’it neene. Xam ref Roog um, soo ta ref o ƥees.

Efees 1:9

A andnoora a in kunpa fee ta ɗaapna, too ta yuuɓ’un yaaga, ndax ta fadnin na Kiristaa.

YEGIL MBAAX NE YEESU ne Saŋ a bindtuuna 11:52

Reeƭee koy soom yaam xeet fee, ndaa ndax xa ƥiy Roog axe pictoorna a nqurel, a ndefat xeet fa leng koŋ.

Yeremi 3:19

O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.

2 Tesalonik 1:11

Ten taxu i ngen no nqeɗanaa a nuun, ndax o xoy ole Roog fee in jombkee a nuun. Yaasam ta ci a nuun doole faa nu mbaagna o mbadnit paax ke nu nqalaataa fop fo calel ke no ngim onqe nu njegna.

YEGIL MBAAX NE YEESU ne Lik a bindtuuna 10:21

Na waxtu faaga sax, Yeesu a maya fo o ɗaay no Yiif Tedu le, too a lay ee: «Faap, mexe gidmang, wo o Yaal asamaan fo lanq, yaam ɗasnaa kene yaal-o-and we fo jegu yiif we, soo feeñlin we moƴna o neew. Iyo Faap, neene mat a waagu refit, yaam ten felong.

1 Korint 1:21

Ne andoona yee ke adna a mbi’na o and ɓakandee a den no and a Roog, ten taxu Roog a mucla we ngimna, a reefandin na waare fee wiin we a mbi’na ñaku xoox.

YEGIL MBAAX NE YEESU ne Saŋ a bindtuuna 20:17

Yeesu a layaan ee: «Ba o duqaam, yaam ŋaayafuliim maa Faap es. Reti maa na xa teɓ es, lay a den ee mexey ŋaayaa maa Faap es fee Faap nuun, refna ref Roog es fee Roog nuun.»

Mace 11:26

Iyo Faap, neene mat a waagu o refit, yaam ten felong.

YEGIL MBAAX NE YEESU ne Lik a bindtuuna 11:32

Na bes faa no nqel naa Roog, xan Niininiif we a inoox mbaambir no xeet fene, a soq a den, yaam a mbes’a pakaad den a cinj ye Yoona a waare’na a den. Oxe na layaa fa nuun koy hupu a Yoona.»

Filip 2:13

yaam Roog na sakaa na nuun a posax fo a pi ne ta bugtuuna, too paax oo.

1 Korint 1:1

Mi Pool fee Roog a xoyna no bug um ndax um ref apootar Kiristaa Yeesu, mi fa Sosteen fee o pog nuun na mbindaa a nuun o leetar oleeke.

Mace 1:25

Kaa koy, mos’ee o and ke ta refna boo neen a ñootu o ƥiy o ngoor onqaa, too a ne’aan Yeesu.

Yeremi 3:4

Ndiiki koy, saɗaxamo o falaloox ee: ‹Faap es, wo refu xaariit es no ndeƥandoong es.

YEGIL MBAAX NE YEESU ne Lik a bindtuuna 12:32

«Ba nu mbit dara, o njiir onqe nu ndefna ndef! Yaam a fela a Faap nuun boo ta ci a nuun Maat um.

A pi ake 13:48

We ndefeerna Yaawuur a mbelakinooxooga ye da nanna a ƭelem akaaga. A simatooga fa lay fee no Yaal oxe, too fop we njagandan’eena o ñoow o fagkeer ole a ngim’ata.

Kolos 1:19

No ten Roog a genu fo o yaajel um fop.

Hebre 2:4

Na waxtu faaga sax Roog a saƭkanda seede den fo xa anddiloor fo comlaand fo xa qos a pi katil akuu ndefna. A lasta itam ci’it ke no Yiif Tedu le ne ta bugitna.