Efees 1:14 - NQAARIIT NE ROOG

¹⁴ Yiif Tedu le kaa ref a ƭegeer njigand no paax ke Roog a geekanna a in. Kaa woornaa a in ee xan i pokoox keene fop, yaa a bat ale in a fadnooxkaa. Neene, xan o ndam onqe Roog a simatel.

Efees 1:14 Referans Kwoze

2 Korint 5:5

Oxe jagandanna a in a suptax aleene refu Roog, ten fee ci’na a in Yiif um nen a ƭegeer njigand no paax ke ta geekanna a in.

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

Galati 4:6

Ne nu ndefna xa ƥiy xa time taxu Roog a luliid Yiif no Ƥeem kam in. Yiif leene koy na falalooxaa yee: «Aba, Faap!»

O leetar ole Pool a bindna GIMU WE NGENNA ROM 8:23

Kaam ee, o ƭomel oleene koy dalee took adna fee soom, ndaa took in itam, in weeke ndaawna boo ƈut Yiif Tedu le nen a ƭegeer njigand no ci’it ne Roog. In itam, kaa i ŋuusaa taa kam in, too cungaa yaa Roog a dalinkaa a in nen xa ƥeem, a wat a in boo o sayoom sax dikkatee cer in.

Efees 1:12

Fat i simat boog o magnel ole Roog, in Yaawuur we ndoonna yaakaar in na Kiristaa yaaga garafulee.

A pi ake 20:32

Ndiiki koy, mexe fokataa a nuun fa Roog, fokataa a nuun itam fo fa lay fee na yirmande um. Fa lay feene waagu o saƭakin a nuun, too a ci a nuun paax ke ta geekanna we mbogna no ten.

A kim a tedu ke 78:54

Cinj kaaga, a ɓisiida a den no lanq tedu ke ten, no joong ole ta jaɓitna a ñamaak um.

A kim a tedu ke 74:2

Wetandooxi xeet of fee jegoona no miñu kaa, a carind akeene watoona, ndax o jeg a den. Wetandooxi o joong ole Siyoŋ, me sip’oona Ngenand of.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

A pi ake 20:28

Ten taxu mbootooxyo boog na qoox nuun fo no siir ole Yiif Tedu le a doxinna a nuun, nu ndef teen aa-adax. Ngayyo o fog ole no gimu we Roog a su’nitna fo’oy xooxood um.

YEGIL MBAAX NE YEESU ne Lik a bindtuuna 21:28

Nu nga’angaa keene fop a xewiidaa, njofdandooxyo ndaxaaƴoox, too and ee a bat ale nuun oxe matiidaa.»

1 Korint 1:30

O ten doonu a nuun na Kiristaa Yeesu. Kaa Roog a fi a Kiristaa ta ref na in o jeg-yiif fo o cofel fo o tedel fo a bateer,

Efees 1:11

Roog a ci’a a in itam na Kiristaa a las ale refna ref a muc ale ne ta yuuɓit’uuna fo ne ta fosooxit’uuna yaaga, ten fee na fi’aa fop ke ta hebooxna fo ke ta bugna.