Efees 1:13 - NQAARIIT NE ROOG

¹³ Nuun we ndefeerna Yaawuur itam, boo nu nan-gilooxna fa lay fee no ndigil ne, refna Yegil mbaax ne ɓisiidna a nuun a muc ale, nu ngima na Kiristaa. Neene, Roog a fi’a na nuun o ñaas olaa lalitna yee no ten nu mbogu, ta ref Yiif Tedu le ta cooxna a nuun too ta regit’un.

Efees 1:13 Referans Kwoze

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

1 Tesalonik 2:13

Ten taxu, i ngen no ƥoxotaa a Roog o ngidim, yaam nu ndamtee Yegil mbaax ne ten i nannoorna, nen fa lay faa sutoorna no don no kiin soom. Kaa nu ndamtin nen fa lay fa ndigil fee Roog. Fa lay feene koy na jalaa kam a qeeñ nuun, nuun we ngimna.

O leetar ole Pool a bindna GIMU WE NGENNA ROM 4:11

Cinj ye ta gimna boo a ƴut, a daawa nquc ne nen o ñaas. Kaa reeƭu o anddiloor no cofel ole ta daawit’ina na pexey o ngim um yaaga xucooxafulee. Abraham reeƭatu o taan no we nqucooxeerna fop, too a ngim na Roog, ndax da ƭeetel nen jofu.

Tiit 2:11

Yirmande fee Roog a feeñle, ndax ta ref a cur a muc no wiin we fop.

Galati 3:14

Neene we ndefeerna Yaawuur a ndaawtaa na Kiristaa Yeesu barke fee Abraham a barke’eena, too in itam, i ngimangaa, xan i ndaaw Yiif le Roog regteena.

O leetar ole Pool a bindna GIMU WE NGENNA ROM 1:16

Sediim muk Yegil mbaax ne, yaam kaa ref katil Roog ne na ɓisiidaa a muc no xuu gimna, eetu koy no Yaawuur we, soo we ndefeerna Yaawuur a ndoonoox.

A pi ake 2:33

Roog a yoɗaan fo a ñamaak um, ta daawit na Faap fee Yiif Tedu le regit’eena. Yeesu a fudniidaan, ne nu nga’tan fo ne nu nantan.

YEGIL MBAAX NE YEESU ne Saŋ a bindtuuna 14:26

Kaa koy, boo o Yaayaal oxe, refna ref Yiif Tedu le Faap fee a luliidkaa no gon es a garna, xan a jangin a nuun fop, a wetand a nuun fop ke layuuma a nuun.

YEGIL MBAAX NE YEESU ne Saŋ a bindtuuna 1:17

Kebil ke Roog kaa ndaawtel na Moyiis, yirmande fo ndigil a ndaawtel na Yeesu Kiristaa.

YEGIL MBAAX NE YEESU ne Lik a bindtuuna 24:49

Yaaga boog, xam fudniid took nuun ke Faap es a regitna. Kaa koy, yoqyo kam teeru fene boo yaa nu muurkeel doole fee took.»

A kim a tedu ke 119:43

Fat fa lay fa ndigil a hataa no don es kili, yaam kaam cungaa ke simtoona.

1 Piyeer 2:10

Nuun we andoona yee yaaga «nu ndeeƭee xeet um», ndiiki nu ndefata «xeet fee Roog». Nuun we «ndaaw’eerna yirmande», ndiiki «nu ndaawata yirmande».

O leetar ole Pool a bindna GIMU WE NGENNA ROM 6:17

Kaa koy, fat Roog a ɓoxotel o ngidim! Nuun we ndeeƭna faɗ bakaad, ndiiki nu nanana fo xeeñ letu lalgand ne refna kam a cangin ale nu ndaawneena.

A pi ake 1:4

Bes, a soƥ ta reer fa den, a maƭooxa a den ee: «Ba nu ngoƭ a Yeerusaleem, ndaa fat nu cung ke Faap fee a regitna, too um yegnin a nuun.

YEGIL MBAAX NE YEESU ne Saŋ a bindtuuna 15:26

Boo o Yaayaal oxe um luliidkaa me nuun, yaa retuuma maa na Faap faa a garna, xan a lalit oxe refuuma. O Yaayaal oxeene refu Yiif le saqna ndigil ne, too na Faap fee a hatu.

A pi ake 13:26

Fog es, nuun we xa taan Abraham fo nuun we ndefeerna Yaawuur, too saɗar a Roog! In o mat taxu fa lay feene na muc ale a lultiidel.

YEGIL MBAAX NE YEESU ne Saŋ a bindtuuna 6:27

Koo qoyni, baa ŋos-ŋos nuun a haan no ñaamel ke andoona yee a miñ miñ kaa ƥooskaa rek, ndaa fat a haan no ñaamel ke na ndefkaa boo no ñoow o fagkeer olaa, too o Ƥeenqe no kiin oxe a ci’kan a nuun. Ten o mat, Roog Faap fee a ñaasu.»

YEGIL MBAAX NE YEESU ne Lik a bindtuuna 11:13

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee na asamaan ci’kee Yiif Tedu le we nqeɗuuna o ten?»

Mbeeñil 7:2

Ga’aam itam malaaka fa lakas faa inoorna farna fo batand, a saq o ñaasir ole Roog fa ñoow jok fee. A falalooxa malaaka nahik ke ci’eena sañ-sañ faa da ndaaɓitna lanq ke fo o maag ole. Kaa layoogu yee:

Saak 1:18

Kaa felin ta rimnoorit a in fa lay fee no ndigil ne, ndax i ndef taaw ndeer pindel um fop.

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

2 Timote 3:15

No ndeƥandoong of andto a Pind a Tedu ke. Den mbaagong o coox o and ole na ɓisaa na muc na pexey o ngim na Kiristaa Yeesu.

2 Timote 2:15

Ɗofti boo baa a pi of a ndef gaci mbaambir Roog. Fat o ref mbaambir um o caajal oxaa na jootandaa fa lay fa ndiindigil fee kam o cofel.

Efees 4:21

A wooraxam ee nu nana Yeesu a layteel, too nu njangne ndigil ne refna no ten, nu ndefangaa kerceen kañ.

2 Korint 6:7

fo na pexey waare in no ndigil ne fo na pexey katil fee Roog. Ƥonax in refu o cofel ole i ñoxorteel soo mbegoortan.

YEGIL MBAAX NE YEESU ne Saŋ a bindtuuna 3:33

Oxe jaɓna seede um o mat, a lalta a qool qac ee Roog ndigil oo.

Saak 1:21

Ten taxu, mbaasyo paaxeer ke ndefna kam a qeeñ nuun fop, mbootoox bakaad. Fat nu neewandoox paam Roog, ndax nu njaɓ fa lay fee duufeena na qeeñ nuun. Fa lay feene waagu o mucil xa laaw nuun.